قالا ەكونوميكاسىن دامىتۋعا وتكەن جىلى 278,5 ملرد تەڭگە ينۆەستيتسيا تارتىلعان. بۇل وتكەن جىلمەن سالىستىرعاندا 40,56 پايىزعا ارتقان.
مەملەكەت باسشىسىنىڭ تاپسىرماسىنا سايكەس 2020-2025 جىلدار ارالىعىندا قۇنى 1,4 ترلن تەڭگەنى قۇرايتىن 157 ينۆەستيتسيالىق جوبالاردىڭ بازاسى ازىرلەنگەن. ونىڭ ىشىندە وتكەن جىلى شەتەل ينۆەستورلارىنىڭ قاتىسۋىمەن 13,1 ملرد تەڭگەگە 350 جاڭا جۇمىس ورنىمەن 5 جوبا ىسكە اسىرىلدى.
قالادا ينۆەستيتسيالىق جوبالاردى باقىلاۋ مەن مەملەكەتتىك باعدارلامالاردى ساپالى ىسكە اسىرۋ ماقساتىندا پيلوتتىق رەجيمدە «جوبالىق باسقارۋ كەڭسەسى» جۇمىس ىستەپ كەلەدى.
سونىمەن قاتار, كاسىپكەرلەرگە وڭتايلى جاعداي جاساۋ ءۇشىن «كاسىپكەرلەرگە ارنالعان ۇكىمەت» فرونت-ءوفيسى اشىلىپ, شاعىن جانە ورتا بيزنەس ءۇشىن ەكىنشى دەڭگەيلى بانكتتەر تاراپىنان 35,0 ملرد تەڭگە نەسيە بەرىلگەن.
