ورەسكەل زاڭ بۇزۋشىلىق بولعان جوق

سايلاۋدى بەيپارتيالىق بايقاۋ ورتا­لىعى تۇڭعىش رەت قوعامدىق ينس­تيتۋت بولىپ قۇرىلىپ، 10 قاڭتاردا سايلاۋ بارىسىن باقىلايتىن احۋالدىق ورتا­لىق رەتىندە قىزمەت ەتكەن بولاتىن. وسى ورتالىقتىڭ پلاتفورماسىندا قا­زاق­ستاننىڭ ازاماتتىق اليانسى، قازاق­ستان كاسىپوداقتارى فەدەراتسياسى جا­نە ورتالىقتىڭ سەرىكتەستەرى سانالا­تىن 130-دان استام ۇكىمەتتىك ەمەس ۇيىم­دار ءوز رەسۋرستارىن بىرىكتىرىپ، جۇمىس ىستەدى. ب.نۇرعازيەۆانىڭ ايتۋىن­شا، بايقاۋشىلار بۇل سايلاۋدا وز­دەرىنىڭ كاسىبي شەبەرلىكتەرى مەن جاۋاپ­كەر­شىلىكتەرىن، قۇزىرەتتەرىن تانىتا الىپتى.

– ەڭ باستىسى، بايقاۋشىلارىمىز سايلاۋ زاڭناماسىن جاقسى بىلەدى. ولار ساي­لاۋ ۋچاسكەلەرىنە الدىن الا كەلىپ، ءوز ورىندارىنان تابىلدى. ءتىپتى الەۋمەتتىك جەلىلەردە بايقاۋشىلارىمىز سايلاۋ ۋچاسكەلەرىنە تاڭعى ساعات 6.00-دە كەلگەندەرى تۋرالى ايتىلىپ جاتىر. قۇ­جات­تارىن ۇسىنىپ، ەش قيىندىقسىز تىركەۋ­دەن ءوتتى. سونداي-اق پارلامەنت ءماجى­لىسى مەن جەرگىلىكتى ءماسليحات دەپۋتاتتارىن سايلاۋ كەزىندە ەپيدەميالىق جاع­دايعا قاراماستان، سايلاۋشىلاردىڭ دا كوپ­تەپ كەلگەنىن العا تارتا الامىز. بۇل قازاقستانداعى قوعامنىڭ دەمو­كراتيالىق سانا-سەزىمىنىڭ جوعارى دەڭ­گەيىن اڭعارتادى. وتانداستارىمىز مەم­لە­كەتتىڭ بولاشاعى كەز كەلگەن سايلاۋمەن، سونىڭ ىشىندە پارلامەنت ءماجىلىسى مەن جەرگىلىكتى ءماسليحات دەپۋتاتتارىن سايلاۋمەن تىعىز بايلانىستى ەكەنىن جاقسى تۇسىنەدى، – دەيدى ب.نۇرعازيەۆا.

ورتالىق باسشىسىنىڭ ايتۋىنشا، ساي­لاۋشىلار دا، ۋچاسكەلىك سايلاۋ كو­ميس­سيالارىنىڭ مۇشەلەرى دە، بايقاۋشىلار دا ەلىمىزدەگى وسىناۋ ماڭىزدى ناۋقان كەزىندە جاۋاپكەرشىلىكتى سەزىنە ءبىلىپتى. سونىڭ ناتيجەسى رەتىندە، وسى ورتالىقتىڭ بايقاۋ قورىتىندىسى سايلاۋ بارىسىندا قانداي دا ءبىر ءىرى زاڭ بۇزۋشىلىق فاكتىلەرى ورىن الماعانىن ايعاقتاپ وتىر. سايلاۋ پروتسەسى كەزىندە اشىقتىق پەن ادىلدىك باستى ماقساتقا اينالدى.

– ارينە، كەيبىر بۇزۋشىلىقتاردىڭ بولعانىن جاسىرمايمىز. الەمنىڭ قاي مەملەكەتىندە بولسىن سايلاۋ كەزىندە ۇساق-تۇيەك بۇزۋشىلىقتار بولىپ جاتادى. ونداي بۇزۋشىلىقتاردىڭ كوبىسى تەحنيكالىق سيپاتقا يە. جالپى العاندا، بەي­پارتيالىق بايقاۋ ورتالىعى 11 بۇزۋ­شىلىقتى تىركەدى. مۇنداي ولقىلىقتار پەتروپاۆل، تاراز، اقتوبە، ورال، ال­ماتى، قوستاناي، شىمكەنت، جاڭاوزەن قالالارىندا، شىعىس قازاقستان وبلىسىندا ورىن الدى. الايدا ورەسكەل زاڭبۇزۋشىلىقتار بولعان جوق. سايلاۋ پروتسەسىنىڭ زاڭدىلىعى مەن اشىقتىعىنا كەدەرگى كەلمەدى، – دەيدى ب.نۇرعازيەۆا.

بارلىق شتاب جەدەل ءارى جىلدام جۇمىس ىستەپ، سونىڭ ناتيجەسىندە بايقاۋ قىزمەتى قيىنعا سوقپاعان سىڭايلى. جۇيەلى جۇمىس پەن بايقاۋشىلاردىڭ بايىپتىلىعىنىڭ ارقاسىندا سايلاۋ پروتسەسى قالىپتى جاعدايدا ءوتتى.

– بارلىق مالىمەت بىزگە جەدەل جەتىپ تۇردى. اسىرەسە الماتى قالاسىنداعى شتاب­تىڭ جۇمىسىن ايرىقشا اتاپ وتكىم كەلەدى. ولار ۇيىمداستىرعان جەدەل جەلىنىڭ ناتيجەسىندە 200-دەن استام ءوتى­نىم قارالدى. بۇل دا ازاماتتىق قوعامنىڭ مىقتى ءارى جاۋاپتى بولا باستاعان­دى­عىنىڭ ءبىر كورىنىسى، – دەيدى ب.نۇرعازيەۆا.

سايلاۋ كەزىندە الەۋمەتتىك جەلىلەردە جۇزدەگەن جالعان اقپارات تارادى. ماسەلەن، ءبىزدىڭ ەلىمىزدە بولماعان، وزگە مەملەكەتتەردە ورىن العان جاعىمسىز وقيعالاردىڭ بەينەجازبالارى تارادى. قۇددى سايلاۋ كۇنى بولعانداي ەتىپ ۇسىنىلىپ جاتتى باسىم كوپشىلىگى.

– بۇل ماسەلەلەر دە ءبىزدىڭ نازارىمىزدان تىس قالعان جوق. ونداي فەيك اقپاراتتاردى ادامدار قاساقانا تاراتا ما، جوق الدە بىلمەستىكتەن سونداي قادامعا بارا ما دەگەن ماسەلەنى كۇنى بۇگىنگە دەيىن تالقىلاپ جاتىرمىز. ونداي ازاماتتاردىڭ كوپشىلىگى ءوزىنىڭ قۇقىعى مەن مىندەتتەرىن بىلمەگەندىكتەن، وعاش ارەكەتكە بارعاندارى دا بەلگىلى بولىپ جاتىر. مۇنداي بەينەجازبالاردىڭ تاراپ جاتقانىن بايقاۋشىلارعا دا ەسكەرتتىك، – دەيدى ن.وتەشەۆ.

ونىڭ ايتۋىنشا، سايلاۋ زاڭ شەڭ­بەرىندە ءوتىپ وتىر. سايلاۋ كەزىندە وتانداس­تارىمىز قۇقىقتىق مادەنيەتى جوعارى ەكەنىن تانىتتى. سايلاۋ كوميسسياسى دا، بايقاۋشىلار دا، سايلاۋشىلار دا ءوز جۇ­مىستارىنا اسا جاۋاپكەرشىلىكپەن قارادى.

– بۇل رەتتە، قازاقستان كاسىپوداقتارى فەدەراتسياسىنىڭ تاراپىنان سايلاۋ بارىسىنا اتسالىسقان بايقاۋشىلارىمىزعا العىس ايتقىم كەلەدى. راسىمەن دە، اۋقىم­دى جۇمىس اتقارىلدى. ەسەلى ەڭبەك ەتىپ، سايلاۋ پروتسەسىنە ۇلكەن ۇلەس قوسقان ازا­ماتتارعا العىسىم شەكسىز، – دەيدى ن.وتە­شەۆ.