دميتري 1990 جىلدىڭ 19 ناۋرىزىندا ەكىباستۇز قالاسىندا دۇنيەگە كەلدى. سپورتتىق كارەراسىن جەرگىلىكتى «باتىر» كلۋبىندا باستادى. امپلۋاسى – قورعاۋشى. كەيىننەن پاۆلوداردىڭ «ەرتىسىنە» اۋىسسا, سوڭعى جىلدارى «استانانىڭ» نامىسىن قورعادى. ەلوردالىق كوماندا ساپىندا شومكو ەلىمىزدىڭ التى دۇركىن چەمپيونى اتانسا, 2015 جىلى قازاقستاننىڭ ەڭ ۇزدىك فۋتبولشىسى دەپ تانىلدى. سپورتتىڭ بۇل تۇرىندە ونىڭ باسقا دا ەلەۋلى تابىستارعا قول جەتكىزگەنىن جانكۇيەرلەر جاقسى بىلەدى. 2011 جىلدان بەرى دميتري شومكو قازاقستاننىڭ ۇلتتىق قۇراماسى ساپىندا ونەر كورسەتۋدە. سول كەزدەن بەرى ءتۇرلى تۋرنيرلەردە 45 رەت جاسىل الاڭعا شىققان ول ەكى گولدى قاقپاعا توعىتتى.
توقسانىنشى جىلدارى «روتوردا» قازاقستاننىڭ تاعى ءبىر وكىلى ۆلاديمير نيدەرگاۋستىڭ ونەر كورسەتكەنى ەسىمىزدە. شابۋىل شەبىندە جاسىنداي جارقىراعان كوكشەتاۋ فۋتبول مەكتەبىنىڭ تۇلەگى بىردەن ايتۋلى كوماندانىڭ جۇلدىزى اينالعان ەدى.
