اتالعان سايلاۋ ۋچاسكەسىندە بارلىق سانيتارلىق تالاپتار ساقتالدى. بۇل رەتتە سايلاۋ بارىسىنىڭ زاڭعا قايشى كەلمەۋىن جانە سايلاۋدىڭ ەرەجەگە ساي ءوتۋىن حالىقارالىق, وتاندىق بايقاۋشىلار قاداعالاپ وتىردى.
پارتيا توراعاسى سايلاۋدىڭ ءادىل ءوتىپ, پارتيالار سايلاۋالدى باعدارلاماسىن جۇزەگە اسىرا الادى دەپ كۇتەتىنىن جەتكىزدى. قازاقستاننىڭ حالىق پارتياسى ءۇشىن ادىلدىك – ەڭ باستى باسىمدىق بولماق.
– بۇل سايلاۋ ۋچاسكەسىنىڭ جۇمىسىن جوعارى دەڭگەيدە دەپ باعالار ەدىم. قاجەت بولعان جاعدايدا سايلاۋشىلارعا بەتپەردە دە, قولعاپ تا بەرىلەدى. بايقاۋىمشا, بارلىعى ويداعىداي ءوتىپ جاتقان سياقتى. تەك وسى سايلاۋدىڭ كەسىرى ءتيىپ, الەمدى ابىگەرگە سالىپ تۇرعان كوروناۆيرۋس تاراپ كەتپەسە دەپ تىلەيمىن. ءار ادام ءوزىن ساق ۇستاعانى ءجون. بارلىعى جاقسى بولادى دەگەن ۇمىتتەمىن. سەبەبى ەپيدەميالىق جاعداي ءجىتى باقىلاۋدا, – دەدى پارتيا توراعاسى.
