سايلاۋ • 11 قاڭتار، 2021

قاي پارتيا كوپ داۋىس جينادى: Exit poll ناتيجەسى جاريالاندى

2791 رەت كورسەتىلدى

Exit poll  - ازاماتتارعا سايلاۋ ۋچاسكەسىنەن شىعار كەزىندە جۇرگىزىلگەن ساۋالناما ناتيجەسى جاريالاندى. قورىتىندى بويىنشا قر پارلامەنتى مەن ءماسليحاتتار دەپۋتاتتارىن سايلاۋدا «Nur Otan» پارتياسى سايلاۋشىلاردىڭ 71،97 پايىز داۋىسىن يەلەندى، دەپ حابارلايدى Egemen.kz

«قوعامدىق پىكىر» زەرتتەۋ ينستيتۋتىنىڭ ديرەكتورى اينۇر ءماجيتوۆانىڭ دەرەگىنشە، رەسپوندەنتتەردىڭ 5،75 پايىزى «اۋىل» حالىقتىق-دەموكراتيالىق پاتريوتتىق پارتياسىنا، 71،97 پايىزى «Nur Otan» پارتياسىنا، 3،07 پايىزى «ADAL» ساياسي پارتياسىنا، 10،18 پايىزى قازاقستاننىڭ «اق جول» دەموكراتيالىق پارتياسىنا، 9،03 پايىزى «قازاقستاننىڭ حالىق پارتياسىنا» داۋىس بەرگەن. ساۋالناما قاتەلىگى 2 پايىز شاماسىندا ايتا كەتەيىك، «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 9-تارماعىنا سايكەس كانديداتتى قولداپ داۋىس بەرۋگە قاتىستى قوعامدىق پىكىرگە سۇراۋ سالۋ ناتيجەسىن، بولجامدارى مەن وزگە دە زەرتتەۋلەر داۋىس بەرۋ كۇنىندە جاريالاۋعا رۇقسات ەتىلمەيدى. ياعني، ناتيجەلەرى داۋىس بەرۋ اياقتالعاننان كەيىن عانا جاريالانۋى ءتيىس ەستەرىڭىزگە سالا كەتسەك، كونستيتۋتسيالىق مەرزىمگە ساي وتكەن ءماجىلىس سايلاۋىندا ەلىمىزدە تىركەلگەن 5 ساياسي پارتيا، اتاپ ايتقاندا، «اۋىل» حالىقتىق-دەموكراتيالىق پاتريوتتىق پارتياسى، «Nur Otan» پارتياسى، «ADAL» ساياسي پارتياسى، قازاقستاننىڭ «اق جول» دەموكراتيالىق پارتياسى، «قازاقستاننىڭ حالىق پارتياسى» دەپۋتاتتىق مانداتتان ءۇمىتتى.

بۇل پارتيالار بارلىق دەڭگەيدەگى جەرگىلىكتى ماسليحاتتارعا دا ءوز كانديداتتارىن ۇسىنعان. ماجىلىسكە 5 پارتيادان بارلىعى 312 كانديدات، ونىڭ ىشىندە: «اۋىل» حالىقتىق-دەموكراتيالىق پاتريوتتىق پارتياسىنان 19; «Nur Otan» پارتياسىنان 126; «ADAL» ساياسي پارتياسىنان 16; قازاقستاننىڭ «اق جول» دەموكراتيالىق پارتياسىنان 38 جانە «قازاقستاننىڭ حالىق پارتياسىنان» 113 ادام بار. ال جەرگىلىكتى ماسليحاتتارعا 832، ونىڭ ىشىندە «اۋىل» حدپپ-نان – 158، «Nur Otan» پارتياسىنان - 216، «ADAL» سپ-نان – 215، «اق جول» قدپ-نان – 174، «قازاقستان حالىق پارتياسىنان» 69 پارتيالىق ءتىزىم تىركەلگەن.

 

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار