«كارانتين كەزىندە ءبارى ونلاين رەجيمدە جۇمىس ىستەپ ۇيرەندى, ونىڭ ىشىنە پارتيالار دا كىرەدى. وسىعان سايكەس پارتيالىق قۇرىلىس قارقىندى تۇردە دامي بەرەدى. الدەبىر ماسەلەنى شەشۋ ءۇشىن الىس جولعا شىعۋدىڭ قاجەتى بولمايدى, ءبارىن ونلاين رەجيمدە ۇيىمداستىرۋعا بولادى», دەيدى ەتنوساياسي زەرتتەۋلەر ينستيتتىنىڭ ديرەكتورى تالعات قاليەۆ.
ال ساياساتتانۋشى راسۋل جۇمالىنىڭ ايتۋىنشا, قوعامعا جوعارى قابىلەتتى پارلامەنت كەرەك ەكەنى ءسوزسىز.
«قازىرگى جاعداي بويىنشا ءماجىلىس پەن ءماسليحاتتىڭ قۇرامى 50%-ى جاڭارادى. ول جەرگە جاڭا تۇلعالار كەلەدى. پارلامەنتتىڭ بۇرىنعى قۇرامى سايلاۋشىلاردىڭ داۋىسى ءۇشىن كۇرەس بولاتىنىن تولىق سەزىنەتىن بولادى. الداعى ۋاقىت ءۇشىن ماڭىزدى نارسە – ساياسي پارتيالاردىڭ كوپ بولۋى», دەيدى ول.
