«تۇپكىلىكتى قورىتىندىسى شىقپاي جاتىپ سايلاۋدىڭ قالاي وتكەنى تۋرالى باعا بەرۋ قيىنداۋ بولار, بىراق ءوز ويىمدى ايتار بولسام – اجەپتاۋىر العا باسۋ بار. كەي سايلاۋ ۋچاسكەسىندە بايقاۋشىلارعا ورىن جەتپەي جاتقانىن, جىلۋ بولماي جاتقانىن ەستىپ جاتىرمىز, بىراق بۇل كەڭ اۋقىمداعى زاڭبۇزۋشىلىقتار ەمەس», - دەيدى ساياساتتانۋشى راسۋل جۇمالى.
ونىڭ ايتۋىنشا, سايلاۋعا حالىقتىڭ 63%-ى قاتىسۋى – جاقسى كورسەتكىش. «سايلاۋعا 6 پارتيانىڭ بەسەۋى قاتىستى. ەل اراسىندا پارتيالارعا سەنىم ارتپايتىندار دا بار, بىراق سايلاۋعا قازاقستان حالقىنىڭ 63%-ى كەلۋى – اجەپتاۋىر كورسەتكىش. سايلاۋ – كەز كەلگەن مەملەكەت ءۇشىن سىناق جانە مەملەكەتتىڭ تۇراقتىلىعىنىڭ كورسەتكىشى. بۇرىنعىداي قالاي بولسا دا 90-95% جيناۋ كەرەك دەگەن پايىز قۋالاۋ جوق. 90%-دان استام داۋىس جيناعان سولتۇستىك كورەيا, تۇرىكمەنستان, زيمبابۆە سياقتى ەلدەردىڭ تاجىريبەسىنە قاراساڭىز – شىنىمەن قورقاسىز. دەموكراتيالىق ەلدەردەگى 50, 60, 70% دەگەن ءومىردىڭ شىندىعىنا جاقىن كورسەتكىش. وسى سايلاۋدا اكىمشىلىك رەسۋرستاردى اسىرا پايدالانۋدى, وسى ماسەلەگە اكىمدەردىڭ ارالاسۋىن, قارا PR دەگەندى بايقاعان جوقپىن. بۇل جولى پارتيالار سايلاۋعا دايىندىقپەن كەلدى. جالپى باعىت-باعدارلارى دۇرىس, بۇل – جاقسى قادام», دەيدى ول.
ەسكە سالا كەتسەك, ءىس-شارانى قازاقستان ساياسي عىلىمدار قاۋىمداستىعى «قازاقپارات» حالىقارالىق اقپارات اگەنتتىگىنىڭ قولداۋىمەن ۇيىمداستىرىپ وتىر.
