باقىلاۋشىلار 2021 جىلدىڭ 10 قاڭتارىنداوتەتىن ءماجىلىس جانە ءماسليحاتتار سايلاۋىناباقىلاۋ جۇرگىزەدى.
ماۋلەن اشىمباەۆ پاندەمياعا قاراماستان سايلاۋ بارىسىنا مونيتورينگ جاساۋ ءۇشىن قازاقستانعا ارنايى كەلگەن تمد پا وكىلدەرىنە العىسىن ءبىلدىردى.
قازاقستان ءماجىلىس پەن ءماسليحاتتار سايلاۋىناباقىلاۋ جۇرگىزۋ ءۇشىن 11 حالىقارالىق ۇيىم, شەتەلدىك باقىلاۋشىلار مەن باق وكىلدەرىن شاقىرعانى بەلگىلى.
«قازاقستان باقىلاۋ پروتسەسىنە باسا ءمان بەرىپ وتىر. ءبىزدىڭ ەءلىمىز سايلاۋدى جوعارى دەموكراتيالىق ستاندارتتارعا جانە نورمالارعا سايكەس وتكىزۋ ءۇشىن بارلىق ءتيىستى شارالاردى قابىلداۋدا», – دەدى ماۋلەن اشىمباەۆ.
سونداي-اق, ول قازاقستان بەدەلدى حالىقارالىق ۇيىمداردىڭ بۇعان دەيىنگى ۇسىنىمدارىن ەسكەرە وتىرىپ, داۋىس بەرۋ ۇدەرىسىن جوعارى دەڭگەيدە ۇيىمداستىرۋعا دايىن ەكەنىن جەتكىزدى.
كەزدەسۋ بارىسىندا سەنات سپيكەرى ەلىمىزدىڭ ساياسي جۇيەسىن دامىتۋعا ارنالعان ناقتى قادامدار تۋرالى دا ايتىپ ءوتتى. سونىڭ ىشىندە پارلامەنتءتىڭبىلتىر پرەزيدەنتتىڭ ساياسي رەفورمالارىن زاڭنامالىق تۇرعىدان قامتاماسىز ەتكەنىنە نازار اۋداردى. سوعان سايكەس پارتيالىق تىزىمدەرگە ايەلدەر مەن 29 جاسقا دەيىنگى جاستارعا ارنايى 30 پايىزدىق كۆوتا ەنگىزىلدى جانە پارلامەنتتىك وپپوزيتسيا ينستيتۋتى زاڭمەن بەكىتىلدى. ودان بولەك, ساياسي پارتيالاردى قۇرۋ جانە تىركەۋ ءتارتىبى دە جەڭىلدەتىلدى.
«مەملەكەت باسشىسىنىڭ باستاماسىمەن قابىلدانعان زاڭدار پارتيالىق جۇيەنى نىعايتۋعا, ءارتۇرلى الەۋمەتتىك توپتاردىڭ ساياسي پروتسەستەرگە قاتىسۋىن كەڭەيتۋگە ارنالعان», – دەدى سەنات توراعاسى.
سونىمەن قاتار ماۋلەن اشىمباەۆ تمد پارلامەنتارالىق اسسامبلەياسىنىڭ مۇشە مەملەكەتتەردىڭ ءوزارا ىنتىماقتاستىعىن ارتتىرۋ بويىنشا اتقارىپ كەلە جاتقان جۇمىسىن جوعارى باعالادى.
