اتاپ ايتقاندا, 39 شاقىرىم جول سالىندى. اۆتوجولداردىڭ 199 شاقىرىمى قايتا جاڭارتىلسا, 541 شاقىرىمى كۇردەلى جوندەۋدەن ءوتتى. ال جەرگىلىكتى ماڭىزى بار 3221 شاقىرىم جولعا ورتاشا جوندەۋ جۇرگىزىلدى.
ىسكە اسىرىلعان ءىرى جوبالاردىڭ قاتارىندا تۇركىستان قالاسىنداعى حالىقارالىق اۋەجايعا كىرمە جول بار. بۇدان بولەك, اقتاۋ تەڭىز كۋرورتتىق ايماعىندا اۆتوموبيل جولدارىن سالۋ جانە قايتا قۇرۋ جۇرگىزىلۋدە. سونداي-اق, رەسپۋبليكالىق ماڭىزى بار قالالارداعى كوشەلەردى دامىتۋ دا جۇزەگە اسىرىلعان.
وسىلايشا, جىل قورىتىندىسى بويىنشا جاقسى جانە قاناعاتتانارلىق جاعدايداعى جەرگىلىكتى جولداردىڭ ۇلەسى 75%-عا جەتكىزىلدى. بىلتىر بۇل كورسەتكىش 71% -دى قۇراعان بولاتىن.
اتاپ ءوتۋ كەرەك, وبلىستىق جانە اۋداندىق ماڭىزى بار اۆتوموبيل جولدارى جەرگىلىكتى اتقارۋشى ورگانداردىڭ قۇزىرىندا. قر يندۋستريا جانە ينفراقۇرىلىمدىق دامۋ مينيسترلىگى ءوز كەزەگىندە جىل سايىن جەرگىلىكتى جولدار جەلىسىن دامىتۋعا ماقساتتى ترانسفەرتتەردى پاريتەتتىك نەگىزدە, ياعني 50/50 قىلىپ بولۋدە.
ەسكە سالا كەتەيىك, وبلىستىق جانە اۋداندىق ماڭىزى بار اۆتوموبيل جولدارىنىڭ جالپى ۇزىندىعى 70,9 مىڭ شاقىرىمدى قۇرايدى. 2020-2025 جىلدارعا ارنالعان «نۇرلى جول» مەملەكەتتىك باعدارلاماسىنا سايكەس وبلىستىق جانە اۋداندىق ماڭىزى بار 27 مىڭ شاقىرىم جولدى قۇرىلىس جۇمىستارىمەن قامتۋ كوزدەلگەن. سونداي-اق, جولداردىڭ 95%-ىن جاقسى جانە قاناعاتتانارلىق جاعدايعا كەلتىرۋ جوسپارلانىپ وتىر.
