وڭتۇستىك قازاقستان • 08 قاڭتار، 2021

شىمكەنتتە 51 مىڭنان استام تۇرعىن ساپالى ينتەرنەتپەن قامتىلادى

82 رەت كورسەتىلدى

مەملەكەت باسشىسى ق.توقاەۆتىڭ تاپسىرماسىنا سايكەس شىمكەنت قالاسىندا ساپالى ينتەرنەتپەن قامتۋدىڭ ەكىنشى كەزەڭى باستالدى، دەپ حابارلايدى Egemen.kz

جوبا بويىنشا 27 ەلدى مەكەنگە بازالىق ستانسا ورناتىلسا، 16 تۇرعىن الاپتى وپتيكالىق جەلىمەن قامتۋ جۇمىسى جوسپارلانعان.

وپتيكالىق جەلى ءۇشىن جەكە ينۆەستور تارتىلدى. قازىرگى تاڭدا 16 تۇرعىن الاپتىڭ كوورديناتى جولدانىپ، جەلىنى ەلەكتر باعاناسى ارقىلى جۇرگىزۋگە كەلىسىم الىندى. بۇل جۇمىستاردىڭ اياقتالۋ مەرزىمى وسى جىلدىڭ ءبىرىنشى جارتىجىلدىعىنا بەلگىلەنىپ وتىر.

وتكەن جىلى شالعاي اۋدانداردى ينتەرنەتپەن قامتۋدىڭ ءبىرىنشى كەزەڭىندە 11 ەلدى مەكەنگە بازالىق ستانسا ورناتىلعان ەدى. سونىڭ ىشىندە التىنتوبە، كوكبۇلاق، سولتۇستىك-باتىس جانە دوستىق (سولتۇستىك ساياجاي)، تۇرعىن الاپتارىندا ستانسالار تولىق ىسكە قوسىلدى.

اسار، شىمسيتي، اقتاس-2، اسار-2، ايكول، تۇران جانە شىمسيتي-2 شاعىن اۋداندارىندا بازالىق ستانسالاردى ەلەكتر ەنەرگياسىنا جالعاۋ جۇمىسى جۇرگىزىلىپ جاتىر. ءبىرىنشى كەزەڭ بويىنشا ورناتىلعان بازالىق ستانتسيالاردىڭ بارلىعى ىسكە قوسىلسا، 51 668 ادام ساپالى ينتەرنەتكە قول جەتكىزەدى.

ال ايكول تۇرعىن الابىنا بازالىق ستانسا ورناتۋ جونىندە Kcell بايلانىس وپەراتورىمەن كەلىسىم جاسالدى. باسزالىق ستانسانى ورناتۋ جۇمىسى قاڭتار ايىنىڭ سوڭىندا باستالادى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار