سونىمەن قاتار, 67 ازامات الكوگولدى ىشىمدىكتەر ىشكەنى جانە قوعامدىق ورىندارعا ماس كۇيىندە كەلگەنى ءۇشىن جاۋاپكەرشىلىككە تارتىلعان. قوعامدىق ورىنداردا بۇزۋشىلىقتىڭ 32 دەرەگى جانە اباتتاندىرۋ ەرەجەلەرىن بۇزۋدىڭ 40 دەرەگى, قالا مەن ەلدى مەكەننىڭ جاسىل ەكپەلەرىن جويۋ جانە ءبۇلدىرۋ, تىنىشتىق پەن قوعامدىق ءتارتىپتى بۇزۋدىڭ 15 دەرەگى انىقتالعان.
«قوعامدىق ءتارتىپتى ساقتاۋ جانە قوعامدىق قاۋىپسىزدىكتى قامتاماسىز ەتۋ ماقساتىندا جامبىل وبلىسىندا مەرەكە كۇندەرى حالىق كوپ جينالاتىن ورىندار مەن وزگە دە قوعامدىق پايدالانۋ ورىندارىن پاترۋلدەۋدى جۇزەگە اسىرعان ءتۇرلى قىزمەتتەردەن 3000-نان استام پوليتسيا قىزمەتكەرى جۇمىلدىرىلدى. ونىڭ ىشىندە وبلىستىڭ ءاربىر ويىن-ساۋىق مەكەمەسىنە كارانتيندىك شەكتەۋلەردى ساقتاۋ جانە كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا كەزەكشى جاساقتار بەكىتىلدى», دەلىنگەن وبلىستىق پوليتسيا دەپارتامەنتى تاراتقان اقپاراتتا.
ال ۋچاسكەلىك پوليتسەيلەردىڭ اكىمشىلىك ۋچاسكەلەردەگى ۇيلەردىڭ تۇرعىندارىمەن چاتتارداعى جۇمىستارى كۇشەيتىلىپ, جالدامالى پاتەر يەلەرىنە ەرەكشە كوڭىل بولىنگەن.
جاڭا جىل قارساڭىندا بارلىق اكىمشىلىك ۋچاسكەلەردە كوپتەگەن قوناقتىڭ جينالۋىنا جول بەرمەۋ تۋرالى ءتۇسىندىرۋ جۇمىستارى ۇيىمداستىرىلعان.
سونداي-اق پوليتسەيلەر تۇرعىندارعا جاڭاجىلدىق دەمالىس كۇندەرىن قاۋىپسىز وتكىزۋ جانە پيروتەحنيكالىق بۇيىمداردى پايدالانۋ ەرەجەلەرىن پايدالانۋ تۋرالى ۇسىنىستار بەرگەن.
