«ازات ەت» – قازاقستانداعى مال شارۋاشىلىعى سالاسىنداعى جۇمىستىڭ تۇراقتىلىعىن كورسەتەتىن جانە بىرلەسكەن قىزمەتتىڭ بارلىق ءداستۇرىن ساقتاعان العاشقى ءارى ازىرشە جالعىز كووپەراتيۆ. «اۋىل» پارتياسىنىڭ دەرەكتەرى بويىنشا كەيىنگى 10 جىلدا ەلىمىزدە شامامەن 2700 كووپەراتيۆ قۇرىلىپتى. الايدا ولاردىڭ تەك 0,1%-ى عانا جەكە قوسالقى شارۋاشىلىقتاردى بىرىكتىرىپ, تۇراقتى جۇمىس ىستەي الدى.
وسى پارتيانىڭ مۇشەسى, «ىسكەر دەمەۋ» قوعامدىق قورىنىڭ باسشىسى اناس باققوجاەۆتىڭ ايتۋىنشا, كووپەراتيۆتەردى قۇرۋ كەزىندە العاشقى قارجىلىق كومەك مەملەكەت تاراپىنان بولۋى ءتيىس. سەبەبى جەكە قوسالقى شارۋاشىلىقتاردى (جقش) تەك يدەيا توڭىرەگىندە بىرىكتىرۋ مۇمكىن ەمەس. سونى ەسكەرە وتىرىپ, 2019 جىلى «سامۇرىق-قازىنا» حولدينگىنىڭ قارجىلاي قولداۋىمەن اقمولا وبلىسىنىڭ اقكول اۋدانىندا «ازات ەت» كووپەراتيۆى قۇرىلدى. قازىرگى ۋاقىتتا كووپەراتيۆتىڭ بورداقىلاۋ الاڭىندا 140-تان استام جەكە قوسالقى شارۋاشىلىقتان الىنعان 400-گە جۋىق ءىرى قارا مال بار.
پارتيا جەتەكشىسى ءا.بەكتاەۆتىڭ ايتۋىنشا, كووپەراتيۆتى اۋىلشارۋاشىلىق تەحنيكاسىمەن جابدىقتاۋ جەكە قوسالقى شارۋاشىلىقتاردىڭ جەم-شوپكە دەگەن سۇرانىستارىن قامتاماسىز ەتۋگە مۇمكىندىك بەردى. مالدى بىرلەسىپ ۇستاۋ جانە بورداقىلاۋدى ۇيىمداستىرۋ مال ءوسىرۋدىڭ تيىمدىلىگىن ءىس جۇزىندە دالەلدەۋگە مۇمكىندىك تۋعىزدى. جوبا اۋىلدىق اۋماقتاردىڭ ەكولوگيالىق جاعدايىن جاقسارتۋعا دا وڭ اسەرىن تيگىزەدى. جەكە قوسالقى شارۋاشىلىقتاردىڭ مالىن جايلاۋعا كوشىرۋ ەسەبىنەن اۋىلدىق ەلدى مەكەندەردىڭ جايىلىمدارى توزۋدان قورعالۋدا.
