سايلاۋ • 07 قاڭتار، 2021

اۋىل تۇرعىندارى اۋىز سۋعا مۇقتاج

50 رەت كورسەتىلدى

«URANkz» رەسپۋبليكالىق قوعامدىق بىرلەس تىگىنىڭ وكىلدەرى مەن قازاقستان حالىق پارتياسى اتىنان پارلامەنت ءماجىلىسىنىڭ دەپۋتاتتىعىنا كانديداتتاردى بىرىكتىرگەن «قىزىل اۆتوبۋc» قاراعاندى قالاسىنىڭ ماڭىنداعى سارىتوبە اۋىلىندا بولدى. ەلدى-مەكەندە 700-گە جۋىق ادام تۇرادى. ولاردىڭ باستى ماسەلەسى – ينتەرنەتتىڭ، اۋىز سۋدىڭ جانە جايىلىم جەردىڭ جوقتىعى.

جەرگىلىكتى تۇرعىنداردىڭ ايتۋىنشا، ولار كۇندە ۇڭعىمادان سۋ الۋ ءۇشىن 11 شاقىرىم قاشىقتىق­تى جاياۋ جۇرۋگە ءماجبۇر. قىستا بوران مەن اياز كۇشەيگەن كۇندەرى بۇل جۇمىس قيىنعا سوعادى. سارى­توبەدەگى جەراستى سۋى وتە اششى، ىشۋگە جارامسىز ەكەن.

تۇرعىنداردىڭ جالعىز كۇن كورىسى – مال شارۋاشىلىعى. الاي­دا اۋىلدىڭ اينالاسىن­داعى جەر جەكەمەنشىككە ساتىلعاندىقتان، مال جايۋ، مال باسىن كوبەيتۋ قيىن بولىپ وتىر. «ينتەرنەت جوق. بىزگە  كۇشەيتكىشى بار سىمسىز ينتەرنەتتى ورناتۋدى ۇسىندى. بىراق ول ءبىز ءۇشىن قىمبات. ءبىز كورشى اۋىلداعى سياقتى قولجەتىمدى باعادا سىمدى ينتەرنەت تارتىلعانىن قالايمىز»، دەيدى اسقار ەسىمدى جەرگىلىكتى تۇرعىن.

تۇرعىندار جەرگىلىكتى بيلىك ۋادەسىن ورىنداپ، بيىل اۋىلعا اۋىز سۋ كەلەدى دەپ ۇمىتتەنەدى. «قازاقستان حالىق پارتياسىنىڭ ۇرانى: حالىق. جەر. ادىلدىك. جەر – حالىق ءۇشىن ماڭىزدى. ەلىمىزدىڭ ءار تۇرعىنىنا قاتىستى ادىلدىك بولۋى كەرەك. وكىنىشكە قاراي، كوپ جاعدايدا اتقارۋشى بيلىك ءتيىستى جۇمىس ىستەمەيدى. جاقسى مەملەكەتتىك باعدارلامالار بار. الايدا ولار دۇرىس جۇزەگە اسىرىلمايدى. ءبىز الداعى ۋاقىتتا قوعامدىق باقىلاۋدى ەنگىزگىمىز كەلەدى. حالىق جەرگىلىكتى بيلىكتىڭ جۇمىسىن قاداعالايتىن بولادى»، دەيدى قازاقستان حالىق پارتياسى اتىنان ءماجىلىس دەپۋتاتتىعىنا ۇمىتكەر فايزوللا قامەنوۆ.

سونداي-اق «قىزىل اۆتوبۋس» وسى وڭىردەگى شەشەنقارا اۋىلىندا دا بولدى. ءماجىلىس دەپۋ­تات­تىعىنا كانديداتتار جانە ءبىر توپ جۋرناليستەر مەن بلوگەرلەر اۋىل تۇرعىندارىمەن كەزدەسىپ، ولاردىڭ شاعىمدارىن تىڭدادى.

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار