تالدىقورعان اۋە بازاسىنا – 50 جىل

مەرەيتويلىق كۇنگە وراي بارلىق كارانتيندىك نورمالار ساقتالا وتىرىپ, سالتا­ناتتى ءىس-شارا وتكىزىلدى. قور­­عانىس ءمينيسترى, گەنەرال-لەيتەنانت نۇرلان ەرمەكباەۆ ءبو­لىمنىڭ جەكە قۇرامىنا قۇت­­تىقتاۋ جولداپ, اۋە بازا­سى­نىڭ ەلدىڭ قورعانىس قابى­لەتىن نىعايتۋعا قوسقان زور ۇلە­سىن اتاپ ءوتتى.

اتالعان بازانىڭ جەكە قۇ­رامىن ونلاين فورماتتا قا­زاقستان قارۋلى كۇشتەرى اۋە قورعانىسى كۇشتەرىنىڭ باس قولباسشىسى, اۆياتسيا گەنەرال-لەيتەنانتى نۇرلان ور­مانبەتوۆ, اسكەري-اۋە كۇش­تەرىنىڭ قولباسشىسى, پولكوۆنيك نۇربولات توپاەۆ, اۋە قورعانىسى كۇشتەرى اسكەري ينستيتۋتىنىڭ باستىعى, اۆيا­تسيا گەنەرال-مايورى داۋرەن قوسانوۆ قۇتتىقتادى.

بۇگىنگى تاڭدا اۋە بازاسى اۋە كۇشتەرىندەگى ۇز­دىك اس­كە­ري بولىمدەردىڭ ءبىرى بولىپ سانالادى. ول جا­ۋاپ­­كەرشىلىك ايماعىندا قازاق­ستان رەسپۋبليكاسىنىڭ اۋە كەڭىستىگىن كۇزەتۋ جانە قورعاۋ جونىندەگى جاۋىنگەرلىك مىن­دەتتەردى ورىندايدى. العاش­قىلاردىڭ ءبىرى بولىپ سۋ-30سم كوپفۋنكتسيونالدى جوي­عىشتارمەن جاساقتالدى. ۇشۋ جانە ينجەنەرلىك-تەح­ني­كالىق قۇرام جىل سايى­ن وتكىزىلەتىن بارلىق ءىرى اۋقىم­دى حالىقارالىق وقۋ-جات­تىعۋلارعا, سونداي-اق ار­ميا حالىقارالىق ويىن­دا­رى­نا قاتىسادى. بۇدان باس­قا, تالدىقورعان اۋە بازا­سىندا باس­قا اۆياتسيالىق بولىم­دەر­دەن ۇشۋ ەكيپاجدارى مەن ينجەنەرلىك-تەحنيكالىق قۇرام قايتا وقىتۋدان وتەدى. ول ءۇشىن بارلىق قاجەتتى جاعدايلار جاسالعان, جەردەگى اسكەري ۇش­قىشتاردى ساپالى وقىتۋعا مۇم­كىندىك بەرەتىن كەشەندى ترەناجەر جۇمىس ىستەيدى.

بۇل جەردە ءار جىلدارى حالىق قاھارمانى, ۇشقىش-عارىشكەر, گەنەرال-مايور اي­دىن ايىمبەتوۆ, قارۋلى كۇشتەردىڭ ارداگەرى, اۆياتسيا گەنەرال-لەيتەنانتى الەك­ساندر سوروكين, قازاق­ستان قارۋلى كۇشتەرى اۋە قور­عانىسى كۇش­تەرىنىڭ باس قول­باسشىسى, اۆيا­تسيا گەنەرال-لەيتەنانتى نۇر­لان ور­مانبەتوۆ, اۋە قورعا­نى­سى كۇشتەرى اسكەري ينستي­تۋتىنىڭ باستىعى, اۆياتسيا گە­نەرال-مايورى داۋرەن قوسا­نوۆ قىزمەت اتقارعانىن ايتا كەتكەن ءجون.