ايماقتار • 06 قاڭتار، 2021

اتىراۋدا جولاۋشىلاردى مەتانمەن جۇرەتىن اۆتوبۋستار تاسىمالدايدى

143 رەت كورسەتىلدى

اتىراۋ قالاسىندا جولاۋشىلاردى تاسىمالداۋ ءۇشىن «اق جايىق اۆتوپارك» جشس-ءنىڭ قارجىسىنا مەتانمەن جۇرەتىن 160 جاڭا اۆتوبۋس ساتىپ الىندى، دەپ حابارلايدى Egemen.kz.

«جاڭا اۆتوبۋستاردىڭ قوزعالىسىن قامتاماسىز ەتۋ ماقساتىندا اۆتوپارك اۋماعىندا وڭتۇستىككورەيالىق كومپرەسسورلارمەن قامتىلعان مەتان گازىن قۇيۋ بەكەتى اشىلدى. جاڭا گاز قۇيۋ بەكەتى تولىق اۆتوماتتاندىرىلعان. ءوندىرۋشى تاراپ بەكەتتىڭ قىزمەتىنە 10 جىلعا كەپىلدىك بەرىپ وتىر. مۇندا ءار اۆتوبۋس 15-18 مينۋتقا كىدىرەدى. ءبىر مەزگىلدە قاتار تۇرعان 6 اۆتوبۋسقا «كوگىلدىر وتىن» قۇيۋ مۇمكىندىگى بار» دەيدى اۆتوپارك ديرەكتورى قۋانتاي قالمان.

ونىڭ مالىمەتىنشە، ەكواۆتوبۋستار اتىراۋ قالاسى مەن قالا ماڭىنداعى ەلدى ەلدى مەكەندەر تۇرعىندارىن 6 باعىتتا تاسىمالداۋدى باستادى. اتىراۋ قالالىق اكىمدىگى جولاۋشىلار تاسىمالدايتىن اۆتوبۋستار سانىن 140-تان 250-گە دەيىن كوبەيتۋدى جوسپارلاپ وتىر. ال 220 اۆتوبۋستا مۇمكىندىگى شەكتەۋلى جانداردىڭ ءمىنىپ-تۇسۋىنە قولايلى جاعداي جاسالادى.

«بيىل قالا تۇرعىندارىنا قولايلى جاعداي جاساۋ ءۇشىن جولاۋشىلار تاسىمالىنداعى جەتى  باعىتتا اۆتوبۋستاردىڭ قوزعالىس ۋاقىتى جەدەلدەتىلدى. مارشرۋتتاردىڭ ءجۇرۋ باعىتىنا وزگەرىستەر ەنگىزىلىپ، ۇزارتىلدى. قالادا بۇرىن قامتىلماي كەلگەن ءۇش باعىتقا جاڭادان اۆتوبۋستار شىعارىلدى»، دەپ حابارلادى قالالىق اكىمدىكتىڭ ءباسپاسوز قىزمەتى.

سونداي-اق جاقىندا جاڭادان بەس مارشرۋتتى ىسكە قوسۋ جوسپارلانىپ وتىر.

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار