وسىعان بايلانىستى ەندى پرەزيدەنت ساياسي رەفورما كەرەك دەپ ايتىپ ەدى, سول كۇننىڭ وزىندە قور يندەكستەرى كوتەرىلىپ كەتتى. وسىدان-اق قوعامعا, ءبىزدىڭ كاسىپكەرلەرگە قۇقىقتىق جانە ساياسي رەفورمالاردىڭ قاجەت ەكەنىن تۇسىنۋگە بولادى.
جاقىندا پارلامەنت ءماجىلىسى مەن ءماسليحاتتاردىڭ سايلاۋى وتپەك. وسى ارقىلى جاڭا ساياسي ەليتا مەن يستەبليشمەنت قالىپتاستىرۋ امالى جاسالىپ جاتىر. ول, ارينە, ەكونوميكالىق قارقىنعا اسەر ەتەدى. جالپى, رەفورمالاردى تالاپ ەتەتىن كۇش – ەكونوميكا. بىزدە حالىق كوشەگە شىعىپ, ساياسي-قۇقىقتىق رەفورمالاردى تالاپ ەتىپ شەرۋ جاسامايدى. بىراق ەكونوميكانى تالاپ ەتەدى. سوندىقتان ءبىزدىڭ ساياسي ەليتا, سونىڭ ىشىندە ق.توقاەۆ قۇقىقتىق-ساياسي رەفورمانىڭ كەرەكتىگىن ءوزى بايانداپ تۇر. پرەزيدەنتتىڭ ۇستانىمى – ساياسي رەفورما بولماسا, وندا ەكونوميكامىز العا جىلجىمايدى دەگەن كوزقاراس.
تاعى ءبىر ايتا كەتەرلىك جاعداي, سوڭعى ۋاقىتتا رەسەيلىك ساياساتكەرلەر ءبىزدىڭ جەرىمىز تۋرالى ءتۇرلى مالىمدەمە جاساپ ءجۇر. ولار ءبىزدىڭ تاريحىمىزدى بىلمەي تۇرعان جوق. تەك بەلگىلى ءبىر يدەولوگيالىق, ساياسي شابۋىل جاساپ جاتىر. بۇل وتە قاۋىپتى. رەسەي ۇجىمدىق قاۋىپسىزدىك تۋرالى شارت ۇيىمىندا بىزبەن وداقتاس. سوندىقتان مۇنى جاي اڭگىمە دەۋگە بولمايدى. وسىعان قاتىستى ساياسي باسشىلىقتىڭ ناقتى, باتىل, جىگەرلى جاۋاپ بەرگەنى كوڭىلدەن شىعادى.
ءازىمباي عالي,
ساياساتتانۋشى
