سايلاۋ • 06 قاڭتار، 2021

ەڭبەك ادامىن قولداۋ قاجەت

52 رەت كورسەتىلدى

قازاقستان حالىق پارتياسىنىڭ اتىنان پارلامەنت ءماجىلىسىنىڭ دەپۋتاتتىعىنا كانديداتتار ەلورداداعى ەلەكترتەحنيكالىق زاۋىتىنا باردى. سپيكەرلەر پارتيانىڭ سايلاۋالدى باعدارلاماسىن ءتۇسىندىرىپ، ونەركاسىپتىك كاسىپ­ورىندارداعى ەڭبەككەرلەردىڭ قۇقىقتارىن قورعاۋ جانە قولداۋ جونىندەگى ماسەلەلەرگە نازار اۋداردى.

«بەلگىلى بولعانداي، قازاقستان حالىق پارتياسىنىڭ توراعاسى ايقىن قوڭىروۆ تەلەدەباتتار كەزىندە ەكونوميكالىق رەفورمالارعا، قازاقستاندا حالىق ەكونوميكاسىن قۇرۋ قاجەتتىگىنە نازار اۋداردى. ءبىز ەلدەگى ناقتى الەۋمەتتىك-ەكونوميكالىق جاعداي شەنەۋنىكتەر ايتقاننان الدەقايدا باسقا ەكەنىن جاقسى بىلەمىز. ازىرگە بىزدە كۆازيمەملەكەتتىك، ترانسۇلتتىق كومپانيالار باسىم. ال ەكونوميكانىڭ ناقتى سەكتورى دامىماي وتىر»، دەيدى كانديدات جامبىل احمەتبەكوۆ.

قحپ مۇشەلەرى مەملەكەت ەكونوميكانى دامىتۋدىڭ جاڭا مودەلىن قابىلداۋى ءتيىس دەپ سانايدى. ول حالىقتىق بولۋى كەرەك. «ۇلتتىق ەكونوميكانىڭ باسەكەگە قابىلەتتىلىگى مەن ورنىقتىلىعى قوعام­نىڭ ومىرلىك ماڭىزدى قاجەتتىلىك­تەرىن قاناعاتتاندىرۋى، قوسىلعان قۇنى جوعارى ءونىم شىعارۋدى ۇلعايتۋى، ەڭبەك ونىمدىلىگىن ارتتىرۋى جانە ەكسپورتتى ءارتاراپتاندىرۋى ءتيىس. وتاندىق كاسىپ­ورىندار ءونىم ساپاسىن جاقسارتۋ، سۇرانىستى ارتتىرۋ ءۇشىن ۇنەمى جۇمىس ىستەۋى كەرەك. جۇمىس بەرۋشىلەردى ىنتالاندىرۋ تەتىكتەرى مەن قۇرالدارى قاجەت»، دەدى ج.احمەتبەكوۆ.

كەزدەسۋگە قاتىسۋشىلار وزدەرىن تول­عاندىرعان سۇراقتارىن قويىپ، «استانا ەلەكترتەحنيكالىق زاۋىتى» جشس-ىندەگى ەڭبەك جاعدايلارىن جاقسارتۋ بويىنشا ۇسىنىستار ەنگىزدى.

سونداي-اق اقتوبەدە قازاقستان حالىق پارتياسىنىڭ اتىنان پارلامەنت ءماجىلىسىنىڭ دەپۋتاتتىعىنا كانديدات يرينا سميرنوۆا وڭىردەگى ءبىلىم بەرۋ سالاسىنىڭ قىزمەتكەرلەرىمەن كەزدەستى. «قازاقستان حالىق پارتياسى ساپالى ءبىلىمدى قولدايدى. جوعارى ءبىلىم تەگىن بولۋعا ءتيىس دەپ سانايدى. ءبىز ءبىلىم سالاسىن قاۋىپسىز مەملەكەتتىڭ نەگىزى رەتىندە قاراس­تىرىپ وتىرمىز. سونداي-اق ول قازىر­گى اقپاراتتىق قوعامداعى تۇلعالىق دامۋدىڭ تىرەگى بولماق. ءبىلىم بەرۋ – مەملەكەتتىڭ جۇيە قۇراۋشى ينستيتۋتى. ساپالى ءارى قولجەتىمدى بىلىمگە سالىنعان قارجى – ەلدىڭ ادام كاپيتالىنا قۇيىلعان ينۆەس­تيتسيا»، دەيدى ي.سميرنوۆا.

ونىڭ ايتۋىنشا، ءبىلىم سالاسىنداعى پروبلەمالاردى شەشۋ كەز كەلگەن مەم­لەكەتتىڭ ماڭىزدى مىندەتتەرىنىڭ ءبىرى. قازاقستان حالىق پارتياسى بالالارعا ارنالعان ينفراقۇرىلىمدى دامىتۋعا، بالالاردىڭ دەمالىسىن ۇيىمداستىرۋ­عا جانە ساۋىقتىرۋ باعىتىندا زاڭ جوبالارىنا باستاماشى بولۋعا ءازىر. ء«بىز قاۋىپسىز ءارى قايىرىمدى بالالار ورتاسىن قۇرعىمىز كەلەدى. بالالار سپورتىن دامىتىپ، مادەني-ساۋىق ۇيىمدارىن ىلگەرىلەتۋ، قازاقستاندىق بالالاردىڭ دەنساۋلىعى مەن شىعارماشىلىق الەۋەتىنە مەملەكەتتىك قولداۋ كورسەتۋ تەتىگىن كەڭەيتۋ مىندەتى تۇر. بۇل بولاشاق ءۇشىن كەرەك. ءبىزدىڭ پارتيامىز مەملەكەت بالالاردى قوسىمشا سپورتتىق سەكتسيالارمەن جانە ءتۇرلى ۇيىرمەلەرمەن قامتۋعا كەپىل بولۋى كەرەك دەپ ەسەپتەيدى. مۇنداي ۇيىرمەلەر مەن سەكتسيالار جىلىنا 200 ساعاتتان كەم بولماۋى ءتيىس. بۇل تالاپ وبلىس جانە قالا اكىمدەرىنىڭ جۇمىسىن باعالاۋداعى نەگىزگى كورسەتكىشكە اينالۋى كەرەك»، دەيدى ي.سميرنوۆا. قحپ-نىڭ ۇگىت-ناسيحات ناۋقانى اياسىندا ۇيىمداستىرىلعان شارا بارىسىندا ي.سميرنوۆا پارتيانىڭ سايلاۋالدى باعدارلاماسىن تانىستىردى.

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار