سايلاۋ • 06 قاڭتار، 2021

ەكسپورت ەكونوميكانى تۇراقتاندىرادى

41 رەت كورسەتىلدى

«اۋىل» حالىقتىق-دەموكراتيالىق پاتريوتتىق پارتياسىنىڭ اتىنان پارلامەنت ءماجىلىسىنىڭ دەپۋتاتتىعىنا كانديداتتار نيكولاي ارسيۋتين مەن تالعات زەينۋللين پارتيانىڭ سايلاۋالدى ۇگىت-ناسيحات توبىمەن بىرگە ەكىباستۇز قالاسىنداعى «بوگاتىر ترانس» جاۋاپكەرشىلىگى شەكتەۋلى سەرىكتەستىگىنىڭ ەڭبەك ۇجىمىمەن كەزدەستى.

«بوگاتىر ترانس» جشس – قازاقستان­داعى ۆاگونداردى جوندەۋ بويىنشا ءىرى زاۋىت سانالادى. كاسىپورىن 500-گە جۋىق ادامدى جۇمىسپەن قامتىپ وتىر. قازاقستاندىق كومىر ەكسپورتىن دامىتۋعا بەلسەندى ۇلەس قوسىپ كەلەدى.

ن.ءارسيۋتيننىڭ ايتۋىنشا، ەكسپورتتى دامىتۋ – ءوڭىردىڭ ەكونوميكالىق تۇراقتىلىعىن قامتاماسىز ەتەدى. شەتەلدەن يمپورتتالاتىن ءاربىر تاۋار ۆاليۋتا سۇرانىسىن تۋىنداتاتىندىقتان، وتاندىق باسەكەگە قابىلەتتى تاۋارلار ەكسپورتىن دامىتۋ اسا ماڭىزدى. وسىعان بايلانىستى، لوگيستيكالىق جۇيەنى جۇمىسپەن ۇزدىكسىز قامتاماسىز ەتۋ – ستراتەگيالىق ماڭىزدى مىندەت.

سونىمەن قاتار كەزدەسۋدە كاسىپ­وداق­تاردىڭ ءرولى تۋرالى ءسوز بولدى. «اۋىل» پارتياسى ءوزىنىڭ سايلاۋالدى تۇعىرناماسىنا كاسىپوداقتارمەن بىرلەسىپ جۇمىسشىلار ءۇشىن الەۋمەتتىك پاكەتتى ازىرلەۋدى جانە ەنگىزۋدى قولعا العان العاشقى ساياسي ۇيىمداردىڭ ءبىرى سانالادى. كانديدات ت.زەينۋلليننىڭ ايتۋىنشا، كوممۋنالدىق قىزمەتتەرگە، ءبىرىنشى كەزەكتە وندىرىستىك سەكتوردىڭ كاسىپكەرلەرىنە ەلەكتر ەنەرگياسىنىڭ تاريفتەرىن سۋبسيديالاۋ جۇيەسىن ەنگىزۋ قاجەت.

ەڭبەك ۇجىمىمەن كەزدەسۋدە «بالا ءناسىبى» بالالار كاپيتالىن ەنگىزۋ ماسەلەسى دە ايتىلدى. جۇمىسشىلار وسى باستامانى ىسكە اسىرۋ كەزىندە بەلگىلەنۋى مۇمكىن تولەم سوماسىنا قىزىعۋشىلىق تانىتتى. ن.ءارسيۋتيننىڭ ايتۋىنشا، ەلىمىزدە جىل سايىن شامامەن 400 مىڭ بالا دۇنيەگە كەلەدى جانە بيۋدجەت مۇمكىندىكتەرىن ەسكەرە وتىرىپ، 1 بالاعا ۇسىنىلاتىن تولەم سوما­سىن كەمىندە 32 مىڭ تەڭگەگە كوتەرۋگە مۇم­كىندىك بار. مۇنداي جاردەماقى بەلگى­لەن­گەن جاعدايدا جانە ونى 18 جاسقا دەيىن تولەۋ قاجەتتىلىگىن ەسكەرە وتىرىپ، بيۋدجەتتىك شىعىستار شامامەن 2،3 ترلن تەڭگەنى قۇرايتىن بولادى. ءتيىم­سىز رەس­پۋب­ليكالىق بيۋدجەتتىك باعدارلا­مالار­دىڭ پروۆيزورلىق تالداۋى ولاردى سەكۆەسترلەۋ كەزىندە جىل سايىن شامامەن 300-400 ملرد تەڭگە قاراستىرۋعا جانە ولاردى بالالار كاپيتالىنىڭ قامتىلۋىن كەڭەيتۋگە نەمەسە اي سايىنعى سومانى ۇلعايتۋعا باعىتتاۋعا بولاتىنىن كورسەتتى. «بوگاتىر ترانس» جشس-ءنىڭ جۇمىسكەرلەرى مونو قالالاردى دامىتۋ بويىنشا پارتيانىڭ ۇسىنىستارىنا دا قىزىعۋشىلىق تانىتتى.

سونداي-اق وسى پارتيانىڭ اتىنان وبلىستىق جانە اۋداندىق ءماسليحاتتار دەپۋتاتتىعىنا كانديداتتار جامبىل، باتىس قازاقستان، تۇركىستان جانە اقمولا وبلىستارىنداعى كاسىپورىندار ۇجىمدارىمەن جانە تۇرعىندارمەن كەزدەسۋ وتكىزىپ، پارتيانىڭ سايلاۋالدى باعدارلاماسىن ءتۇسىندىردى.

ماسەلەن، جامبىل وبلىسى جۋالى اۋدانىندا پارلامەنت ءماجىلىسىنىڭ دەپۋتاتتىعىنا كانديدات بەگالى نۇرجىگىت پەن جامبىل وبلىستىق ءماسليحاتىنىڭ دەپۋتاتتىعىنا كانديدات ەربولات ساۋرىقوۆتىڭ قاتىسۋىمەن «فەرمەرلىك ەڭبەك جانە ازىق-ت ۇلىك قاۋىپسىزدىگى» تاقىرىبىندا كەزدەسۋ ءوتتى. پارلامەنت ءماجىلىسىنىڭ دەپۋتاتتىعىنا كانديداتتار قايرات ايتۋعانوۆ، قانات تاسىبەكوۆ جانە وبلىستىق جانە قالالىق ءماسليحاتتار دەپۋتاتتىعىنا كانديداتتار جاڭگىر حان اتىنداعى باتىس قازاقستان ۋنيۆەرسيتەتىنىڭ پەداگوگتەرىمەن جانە  جاستارمەن كەزدەستى.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار