بۇگىن ساعات 15:48-دە اقتوبە قالاسى ناريمانوۆ كوشەسىندەگى ءۇي ورتەندى. حابارلاما تۇسكەن بويدا قالالىق ءورت ءسوندىرۋ ءبولىمىنىڭ جەكە قۇرامىنان 21 ادام, 4 تەحنيكا اتتاندىرىلدى.
ء«ورت سوندىرۋشىلەردىڭ جانە قۇتقارۋشىلاردىڭ كومەگىمەن امان قالعان 48 جاستاعى ايەل جانە 61 جاستاعى ەر ادام مەديتسينا قىزمەتكەرلەرىنىڭ كومەگىنە جۇگىندى. بولجام بويىنشا ولار گازدان ۋلانعان. ەكەۋى دە وبلىستىق جەدەل جاردەم اۋرۋحاناسىنا جەتكىزىلدى. سونداي-اق ورتەنگەن ءۇي ىشىنەن 1984 جىلعى ەر ادامنىڭ مۇردەسى تابىلدى. ءورت ساعات 17.45-تە ءسوندىرىلدى. ءورتتىڭ شىعۋ سەبەبى انىقتالىپ جاتىر. اقتوبە وبلىسىنىڭ تجد ءورت قاۋىپسىزدىگى ەرەجەلەرىن قاتاڭ ساقتاۋ قاجەتتىگىن ەسكەرتەدى. ءورت شىققان جاعدايدا دەرەۋ 101, 112 تەلەفوندارىنا قوڭىراۋ شالىڭىز», - دەپ حابارلادى وبلىستىق تجد ءباسپاسوز قىزمەتىنەن.
