كانديداتتار ولجاس سىزدىقوۆ پەن يسلام سۇڭقار ساپالى ءبىلىم مەن ونىڭ قولجەتىمدىلىگى, وڭىرلىك ۋنيۆەرسيتەتتەر قۇرۋ, وقۋلىقتاردى تسيفرلاندىرۋ, مەكتەپ وقۋشىلارىن تاربيەلەيتىن وتباسىلار ءۇشىن جەڭىلدەتىلگەن ينتەرنەت قوسۋ سىندى وزەكتى تاقىرىپتاردى قوزعا-
دى.
– مەملەكەت ساپالى جانە قولجەتىمدى بىلىمگە ينۆەستيتسيا سالۋ ەڭ الدىمەن ەلىمىزدىڭ ادام كاپيتالىنا قارجى قۇيۋ ەكەنىن ءتۇسىنۋى كەرەك. ءبىزدىڭ پارتيا ءبىلىم بەرۋ سالاسىنداعى ماسەلەلەردى شەشۋ بويىنشا ناقتى جوسپار ازىرلەدى. ول بۇگىنگى تاڭدا كەز كەلگەن زاماناۋي مەملەكەتتىڭ ەڭ باستى مىندەتتەرىنىڭ ءبىرى بولىپ سانالادى, – دەيدى و.سىزدىقوۆ.
قازاقستان حالىق پارتياسىنىڭ مۇشەلەرى قازاقستانداعى ءبىلىم الۋ ەلىمىزدىڭ بارلىق ازاماتتارىنا قولجەتىمدى بولۋى ءتيىس دەپ ەسەپتەيدى.
– ءبىز كاسىپتىك-تەحنيكالىق وقۋعا جاڭا سەرپىن بەرۋ, ولاردىڭ جانىنداعى كەشكى مەكتەپتەردى قايتا قۇرۋ, بيۋدجەتتىڭ مۇمكىندىگىنشە ستيپەنديا تولەۋدى قاراستىرۋى قاجەت دەپ سانايمىز. مەملەكەتتىك ۇيىمدار مەن كاسىپورىندار ستۋدەنتتەرگە بازالىق جالاقى تولەي وتىرىپ, ولاردى بوس ورىندارعا جانە ۋاقىتشا تاجىريبە جيناقتاۋعا قابىلداۋعا مىندەتتى, – دەيدى ي.سۇڭقار.
قازاقستان حالىق پارتياسىنىڭ مۇشەلەرى حالىقتىڭ كوشى-قونى مەن وڭىرلەردىڭ دامۋىنا بايلانىستى مەملەكەت وڭىرلىك ۋنيۆەرسيتەتتەر قۇرۋى ءتيىس ەكەنىن اتاپ ءوتتى. قالالاردا اۋىل بالالارى ءۇشىن زاماناۋي ينفراقۇرىلىمى بار مەكتەپ-ينتەرناتتاردى قايتا قۇرۋ قاجەت.
سونداي-اق شىمكەنتتە قازاقستان حالىق پارتياسىنىڭ بەلسەندىلەرى مەن مۇشەلەرى قحپ-نىڭ ۇگىت-ناسيحات ماتەريالدارىن تاراتۋعا نەگىزدەلگەن اكتسيا وتكىزدى. ساياسي قوزعالىستىڭ جاقتاۋشىلارى ازاماتتارعا پارتيانىڭ سايلاۋالدى باعدارلاماسىنىڭ نەگىزگى تارماقتارىن ءتۇسىندىردى.
– ءبىزدىڭ پارتيا حالىقتىڭ تابىس كولەمىن دە, ەڭ تومەنگى كۇنكورىس دەڭگەيىن دە ارتتىرۋ قاجەت دەپ ەسەپتەيدى. مەملەكەت زەينەتاقى مولشەرىن ۇلعايتىپ, ازاماتتاردىڭ زەينەت جاسىن 60 جاسقا دەيىن تومەندەتۋى ءتيىس, – دەيدى پارلامەنت ءماجىلىسىنىڭ دەپۋتاتتىعىنا كانديدات نۇرلان قادىرقۇلوۆ.
كانديدات پاندەميا باستالعانعا دەيىن ۇنەمى سالىق تولەپ, جۇمىس ورىندارىن قۇرعان ازاماتتار ساناتى ءۇشىن ءبىر رەتتىك نەسيە راقىمشىلىعىن جۇرگىزۋدى ۇسىندى.
– بۇل پاندەميا مەن شەكتەۋ شارالارى سالدارىنان قيىن جاعدايعا تاپ بولعان شاعىن جانە ورتا بيزنەس يەلەرىنە قاتىستى. ياعني, ازىق-ت ۇلىك دۇكەندەرىنىڭ, كافەلەردىڭ, شاشتارازداردىڭ يەلەرى مەن قىزمەتكەرلەرى قامتىلۋى قاجەت. ايتا كەتۋ كەرەك, بانكتەر كارانتيننەن شىعىنسىز ءوتتى. كوپشىلىگى ءوز كاپيتالىن ارتتىردى. شاعىن جانە ورتا بيزنەس پەن قاراپايىم ازاماتتارعا عانا سالماق ءتۇستى. ەندى ولار بۇرىنعى نەسيەلەرىن وتەۋ ءۇشىن تاعى نەسيە الۋعا ءماجبۇر, – دەيدى ن.قادىرقۇلوۆ.
قازاقستان حالىق پارتياسى مەملەكەت ءوز ازاماتتارىنا بانكتەر ەسەبىنەن نەسيە راقىمشىلىعىن جۇرگىزۋدى قامتاماسىز ەتۋى ءتيىس دەپ سانايدى.
