سايلاۋ • 05 قاڭتار، 2021

وتاندىق ءتۋريزمدى دامىتۋدىڭ وڭتايلى كەزەڭى

83 رەت كورسەتىلدى

«اۋىل» حالىقتىق-دەموكراتيالىق پاتريوتتىق پارتياسىنىڭ اتىنان پارلامەنت ماجىلىسىنە جانە سولتۇستىك قازاقستان وبلىسى ءماسليحاتتارىنىڭ دەپۋتاتتىعىنا كانديداتتار وسى وڭىردەگى ايىرتاۋ اۋدانىنىڭ يمانتاۋ اۋىلىندا بولىپ، يمانتاۋ-شالقار كۋرورتتىق ايماعىنىڭ ۇجىمىمەن كەزدەستى.

سايلاۋالدى ۇگىت-ناسيحات جۇمىستارى اياسىنداعى كەزدەسۋدىڭ نەگىزگى ماق­ساتى پارتيانىڭ اۋىلداعى اۋىل شارۋا­­شىلىعىنا جاتپايتىن بيزنەس تۇر­لەرىن دامىتۋ، بۇقارالىق سپورت پەن اگرو­تۋ­ريزمدى جاڭعىرتۋ جونىندەگى باستامالارىن ءتۇسىندىرۋ بولدى.

يمانتاۋ-شالقار كۋرورتتىق كەشەنى «كوكشەتاۋ» مەملەكەتتىك ۇلتتىق تابيعي پاركىنىڭ اۋماعىندا ورنالاسقان. اتالعان كەشەن قازاقستانداعى ءتۋريزمدى دامىتۋ جونىندەگى 10 باسىم جوبانىڭ قاتارىنا كىرگەن.

كانديدات تولەۋتاي راقىمبەكوۆ اتاپ وتكەندەي، 2020 جىلدىڭ باسىنان بەرى كوروناۆيرۋس پاندەمياسىنا بايلانىستى ءتۋريزمنىڭ سىرتقى باعىتتارى ءىس جۇزىندە توقتاپ قالدى. بۇل جاعداي قازاقستاندىق تۋريستەر اعىنىن ىشكى كۋرورتتارعا باعىتتاۋعا، وتاندىق تۋريزم سالاسىن دامىتۋعا بىرەگەي مۇمكىندىك بەرەدى.

پارتيا باعدارلاماسىندا اۋىلداعى اۋىل شارۋاشىلىعىنا جاتپايتىن بيزنەس تۇرلەرىن دامىتۋ بويىنشا بىرقاتار شارا قاراستىرىلعان. ماسەلەن، بۇل شارا نارىققا قوناقۇي قىزمەتتەرىن ۇسىنۋ، دەمالىس نىساندارىن سالۋ جانە فەر­مەر­لەردى اگروتۋريزممەن اينالىسۋعا ىنتالاندىرۋ سياقتى قوسىمشا قىزمەتتەرمەن قامتۋدى كوزدەيدى.

پارتيا وكىلدەرى وسى باستامالاردىڭ بولاشاعى بار دەپ سانايدى. تولەۋتاي راقىمبەكوۆتىڭ پىكىرىنشە، شىعىس ەۋرو­پانىڭ بىرقاتار ەلىندە ۇلتتىق مادەنيەت پەن تۇرمىستى ساقتاپ قالۋ ءۇشىن اگروتۋريزم نىساندارى جۇمىس ىستەيدى. ولار سپورتتىق دەمالىس قىزمەتتەرى مەن جەرگىلىكتى جەردىڭ تابيعي، مادەني-تاريحي جانە باسقا دا رەسۋرستارىن پايدالانۋعا باعىتتالعان اۋىلدىق ينفراقۇرىلىم ەلەمەنتتەرىن بىرىكتىرەدى.

«اۋىل» پارتياسىنىڭ اتىنان كانديدات، ەتنوديزاينەر باحارگۇل تولەگەن بولسا يمانتاۋ كەنتىنىڭ تۇرعىندارى ءۇشىن قولونەرشىلىك – تابىس دەڭگەيىن ارتتىرۋدىڭ بولاشاعى جارقىن باعىتى بولا الادى دەپ ەسەپتەيدى.

وسى ماڭىزدى سەكتوردى دامىتۋ شاعىن كاسىپورىنداردىڭ كەڭ جەلىسىن قۇرۋدى، شاعىن كاسىپكەرلىكتى جانە ءتيىمدى باسەكەلەستىك ورتانى دامىتۋ ءۇشىن قولايلى العىشارتتار جاسايتىن جەكە قولونەرشىلەر سانىنىڭ ءوسۋىن قامتاماسىز ەتۋگە قابىلەتتى.

قولونەرشىلەردىڭ يكەمدىلىگى مەن ۇتقىرلىعى ەكونوميكالىق جانە الەۋ­مەتتىك مىندەتتەردىڭ تۇتاس كەشەنىن شەشۋ­گە جول سالادى. سونداي-اق حالىقتىڭ، سونىڭ ىشىندە اقىل-ويى، فيزيكالىق مۇم­كىن­دىكتەرى ءارتۇرلى ادامداردىڭ دامۋى­نا جاعداي جاسايدى. ءارتۇرلى ءبىلىم قورى مەن ءتۇرلى كاسىبي مۇددەلەرى بار ادام­داردىڭ بارىنشا جۇمىسپەن قامتىلۋىن قامتاماسىز ەتۋگە، ولاردىڭ شىعارماشىلىق الەۋەتىن تولىق ىسكە اسىرۋعا مۇمكىندىك بەرەدى.

پارتيانىڭ سايلاۋالدى ۇگىت-ناسيحات جۇمىستارىنان كەيىن «اۋىل» حالىقتىق-دەموكراتيالىق پاتريوتتىق پارتياسىنىڭ اتىنان پارلامەنت ماجىلىسىنە جانە ءماسليحاتتار دەپۋتاتتىعىنا كانديداتتار سالاماتتى ءومىر سالتىن قالىپتاستىرۋ ماقساتىندا ءوزارا شاڭعىمەن جارىس ۇيىمداستىردى.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار