ەگەر جەرگىلىكتى تۇرعىندار تاراپىنان سۇراقتار تۋىنداسا, ەرىكتىلەر سول جەردە پىكىر الماسىپ, ساياسي ۇيىم ۇستانىمدارىن, سايلاۋالدى باعدارلاماسىن تۇسىندىرۋگە دايىن. «ەسىكتەن ەسىككە» اكتسياسى ءبىر كۇندىك شارا ەمەس. بۇل اكتسيا ۇگىت-ناسيحات ناۋقانىنىڭ اياعىنا دەيىن جالعاسادى. شارا سونىمەن قاتار تەك ەلوردادا عانا ەمەس, ەلىمىزدىڭ بارلىق وڭىرىندە وتكەلى وتىر.
پارتيا اتىنان قالالىق ءماسليحات دەپۋتاتتىعىنا ۇمىتكەر سەرىك ءتۇسىپوۆ ەرىكتىلەردىڭ قاسىندا بولىپ, تۇرعىندارمەن پىكىرلەستى. ونىڭ ايتۋىنشا, كەزدەسكەن ازاماتتاردىڭ كوبىن تولعاندىراتىن باستى ماسەلە نەسيە جايىندا بولدى. حالىق كرەديت ماسەلەسىندە حالىققا جەڭىلدىك جاسالعانىن قالايدى ەكەن. ەستەرىڭىزگە سالا كەتسەك, «اق جول» پارتياسى الەۋمەتتىك ادىلەتتىلىكتى قامتاماسىز ەتۋ ءۇشىن يپوتەكا, تۇتىنۋ تاۋارلارى ءۇشىن, شاعىن جانە ورتا بيزنەس پەن حالىقتىڭ تۇتىنۋ قاجەتتىلىكتەرى نەسيەلەرىنىڭ پايىزدىق مولشەرلەمەلەرىن 7-8%-دان اسپايتىن ەتىپ شەكتەۋدى ۇسىنىپ وتىر.
ودان بولەك, كاسىپكەرلىكتى قولداۋ – جۇمىسسىزدىق ماسەلەسىن شەشۋدىڭ, جۇمىس ورىندارىن قۇرۋدىڭ جانە قازاقستاندىقتاردى تابىسپەن قامتاماسىز ەتۋدىڭ باستى قۇرالى دەپ سانايتىن پارتيا وكىلدەرى قاراعاندى كاسىپكەرلەرىمەن كەزدەستى. ۇگىت-ناسيحات توبىن پارتيا كوشباسشىسى ازات پەرۋاشەۆ باستاپ باردى.
قاراعاندى وبلىسىنا جۇمىس ساپارى «بريتانسكي كومفورتنىي كۆارتال» تك قۇرىلىس الاڭىندا سايلاۋشىلارمەن كەزدەسۋدەن باستالدى. تۇرعىن ءۇي قۇرىلىسى وتكەن جىلدىڭ سوڭىندا باستالعان. جەكەلەي ينۆەستيتسيالانعان نىساندى قۇرىلىسشىلار وسى جىلدىڭ سوڭىندا پايدالانۋعا بەرۋدى جوسپارلاپ وتىر ەكەن.
«جاڭا ۇيدە 720 پاتەر بولادى. نىساندا جۇزدەن استام ادام جۇمىس ىستەيدى. مامانداردىڭ بارلىعى جەرگىلىكتى تۇرعىندار, دەگەنمەن جۇمىس قولى جەتىسپەيدى. پاندەمياعا دەيىن وزبەكستاننان ماماندار تارتىلدى, بىراق ولار قازىر ەلدەرىنە ورالدى. ەندى كادرلار جەتىسپەۋدە», دەيدى قۇرىلىس جەتەكشىلەرى.
ا.پەرۋاشەۆ مۇنداي كومپانيالاردى قولداۋ قاجەت ەكەنىن اتاپ ءوتتى. «قۇرىلىس بۇگىندە ەكونوميكانىڭ ناقتى سەكتورىنىڭ دامۋىنا اسەر ەتەتىن باستى سالالاردىڭ ءبىرى بولىپ وتىر. «اق جول» پارتياسى – شاعىن جانە ورتا بيزنەستى جان-جاقتى قولداۋدىڭ جاقتاۋشىسى. ءبىز ينۆەستيتسيالاردى تارتۋدىڭ شىنايى ستيمۋلدارىن ەنگىزۋ قاجەت دەپ سانايمىز. «اق جول» پاندەميانىڭ سالدارىن ەڭسەرۋ ءۇشىن سالىقتىق راقىمشىلىق جۇرگىزۋدى, شوب-تى تولەم قابىلەتتىلىگى تولىق قالپىنا كەلگەنشە سالىقتان بوساتۋدى, ميكروبيزنەس پەن ءوزىن ءوزى جۇمىسپەن قامتىعان حالىقتى سالىقتان بوساتۋدى ۇسىندى. ءبىز ۇلتتىق بانكتىڭ بازالىق مولشەرلەمەسىن 4-5%-عا دەيىن تومەندەتۋ, كەيىننەن ەدب كرەديتتەرى بويىنشا پايىزدىق مولشەرلەمەنى تومەندەتۋ ماسەلەسىن ۇنەمى كوتەرىپ ءجۇرمىز», دەپ اتاپ ءوتتى ول. سودان كەيىن ازات پەرۋاشەۆ باستاعان «اق جول» ۇگىت-ناسيحات توبى قاراعاندى كاسىپكەرلەرىمەن كەزدەستى. پارتيالىقتار بيزنەسمەندەردى وزدەرىنىڭ سايلاۋالدى باعدارلاماسىمەن تانىستىرىپ, ولاردى تولعاندىراتىن ماسەلەلەردى تىڭدادى. اڭگىمە بارىسىندا ەكونوميكالىق زاڭ بۇزۋشىلىقتار, سالىق سالۋ, مەملەكەتتىك ساتىپ الۋ سالاسىنداعى كەدەرگىلەر تاقىرىپتارى كوتەرىلدى.
