«SOS» كومەگى تۋرالى سيگنال ازەربايجان كەمەسىنىڭ كومانديرىنەن راديودان ءتۇستى. ازەربايجان رەسپۋبليكاسىنىڭ اقتاۋ قالاسىنداعى كونسۋلدىق قىزمەتى قيىن جاعداي فاكتىسىن راستادى. ناۋقاستىڭ جاعدايى اۋىر دەپ باعالاندى, جەدەل اپپەنديتسيت الدىن-الا دياگنوزى قويىلدى.
تەڭىز شەكاراشىلارى حابارلاما العاننان كەيىن بىردەن پارومعا قاراي بەت الدى, 2 مەتردەن استام تولقىنمەن جانە قاتتى قارسى جەلمەن جۇرۋگە تۋرا كەلدى.
4 ساعات ىشىندە شەكارا كەمەسىنىڭ ەكيپاجى كەمەگە ءمىنىپ, ناۋقاستى الا المادى. كەمە كومانديرى ناۋقاستى «سارباز» شەكارا كەمەسىنىڭ بورتتىق كەمەسىنە قايتا ارتۋ تۋرالى قاۋىپتى شەشىم قابىلدادى. گيدروتەحنيكالىق قۇرىلىستاردىڭ الىستىعىنا جانە قۇرىق پورتىندا ايلاقتىڭ مۇمكىن ەمەستىگىنە بايلانىستى لەيتەنانت ج.ج. يكساتوۆ باستاعان بورت كاتەرىنىڭ ەكيپاجى ناۋقاس جولاۋشىمەن بىرگە ەڭ قىسقا جول بويىنشا جىلجىتۋ جانە جابدىقتالماعان جاعالاۋعا شىعۋ تۋرالى قالپىنان تىس شەشىم قابىلداۋعا ءماجبۇر بولدى.
داۋىل جاعدايىندا ءبىر ساعات ىشىندە كاتەر ەكيپاجى ناۋقاستى جاعاعا جەتكىزۋ مىندەتىن ورىندادى, وندا ونى «كەندىرلى» شەكارا بولىمشەسىنىڭ اسكەري قىزمەتشىلەرى مەن جەدەل مەديتسينالىق جاردەم دارىگەرلەرى كۇتىپ الدى. جالپى العاندا, قۇتقارۋ وپەراتسياسى 6 ساعاتقا سوزىلدى.
جاڭاوزەن قالالىق اۋرۋحاناسىندا ناۋقاسقا «پەرفاراتيۆتى اسقازان جاراسى» دياگنوزى قويىلىپ, شۇعىل وتا جاسالدى.
شەكاراشىلاردىڭ شەبەر جانە باتىل ارەكەتتەرىنىڭ, مەديتسينالىق كومەكتىڭ ارقاسىندا شەتەلدىك ازاماتتىڭ ءومىرى ساقتالدى.
ازەربايجان رەسپۋبليكاسىنىڭ كونسۋلدىعى قازاقستاندىق شەكاراشىلارعا جولاۋشىنى ۋاقىتىلى جانە شەبەر ءىس-ارەكەتتەرىمەن قۇتقارعانى ءۇشىن العىس ءبىلدىردى.
