سونىمەن, مەملەكەتتىك تاپسىرىستى قۇرۋدا بىرىڭعاي ءادىستى رەسپۋبليكالىق جانە جەرگىلىكتى دەڭگەيدە قولدانۋ جۇزەگە اسىرىلدى, كونتەنتتى وندىرۋشىگە تەلەونىمدى ءۇش جىلعا ورنالاستىرۋ بويىنشا ايرىقشا قۇقىقتار بەرىلدى, تالدامالىق جانە مۋلتيمەديالىق كونتەنتتىڭ ۇلەسى ارتتى.
Astana Media Week مەديا اپتالىعىنىڭ اياسىندا ەكى مىڭعا جۋىق ادامنىڭ قاتىسۋىمەن 15 سەمينار-ترەنينگ, 500 ايماقتىق جۋرناليستتەرگە ارنالعان 5 ترەنينگ ءوتتى. سونىمەن قاتار ەكولوگيا, گەولوگيا جانە تابيعي رەسۋرستار مينيسترلىگىمەن, ءال-فارابي اتىنداعى قازۇۋ, ل.ن.گۋميلەۆ اتىنداعى ەۇۋ جانە س.اسفەندياروۆ اتىنداعى قازۇمۋ-مەن سالالىق جۋرناليستيكانى دامىتۋ بويىنشا ءۇش مەموراندۋمعا قول قويىلىپ, ۇلىبريتانيا, گەرمانيا جانە رەسەي ەلدەرىنىڭ وقىتۋ كومپانيالارىمەن ءوزارا قاتىناس ورناتىلدى.
2020 جىلى اقپارات جانە قوعامدىق دامۋ مينيسترلىگى بىرنەشە جاڭا جوبالاردى ىسكە قوستى:
Stopfake.kz سايتى: فەيكتەردىڭ جالعان اقپارات ەكەندىگىن جانە وتكىر تاقىرىپتارعا تۇسىنىكتەمە بەرەتىن 250 جاريالانىم ورنالاستىرىلدى; سايتقا كىرۋشىلەر – 66 مىڭ; پاراقشالار قارالىمى – 100 مىڭ; سايلاۋعا بايلانىستى فەيكتەردى جوققا شىعاراتىن sailau.stopfake.kz جەكە تاراۋى جۇمىس ىستەيتىن بولادى.
مەملەكەتتىك باعدارلامالاردىڭ بىرىڭعاي پورتالى: باعدارلامالاردىڭ پاسپورتتارى جۇكتەلدى; ينديكاتورلىق كورسەتكىشتەردىڭ ورىندالۋى تۋرالى ينفوگرافيكامەن تولىقتىرىلۋدا; ساراپشىلاردىڭ كوممەنتاريلەرى بار «سۇراقتار مەن جاۋاپتار» باعانى.
مەملەكەتتىك باق-تىڭ بىرىڭعاي پورتالى: ماقساتى – پرەزيدەنتتىڭ, ۇكىمەتتىڭ تاپسىرمالارىن جانە مەملەكەتتىك باعدارلامالاردىڭ ورىندالۋ شارالارىن تاراتۋ مەن ىلگەرىلەتۋ; پورتال رەداكتسياسىنا كۇندەلىكتى 15-تەن 45-كە دەيىن جاڭالىق تەكستەرى كەلىپ تۇسۋدە; 3 مىڭنان استام ماتەريال ورنالاستىرىلعان. سونداي-اق Massaget.kz پەن Tengrinews.kz پورتالدارىندا ابايدىڭ 150 جىلدىعىنا وراي جوبا, كارانتين كەزىندە اتا-انالار مەن مۇعالىمدەر ءۇشىن وقىتۋ ۆيدەولارى بار «ونلاين مەكتەپ», «بالاەۆاعا 3 سۇراق» باعدارلاماسىنىڭ سەگىز كورسەتىلىمى ءوتتى, «باتىرلار ءبىزدىڭ ورتامىزدا» جوبالارى قۇرىلدى.
ازاماتتىق قوعام سالاسىندا «ۇەۇ اكادەمياسى» اۋقىمدى جوباسى جۇزەگە اسىرىلۋدا, قازاقستاننىڭ IX ازاماتتىق فورۋمى ونلاين رەجىمىندە وتكىزىلدى. 2700 ماتەريال ساراپتامادان ءوتىپ, دەسترۋكتيۆتى سيپاتتاعى 1295 ماتەريالدىڭ تارالۋىنا تىيىم سالىنىپ, 70 مىڭنان استام ادام دەسترۋكتيۆتى سايتتار مەن الەۋمەتتىك قوعامداستىقتاردان الىستاتىلدى. ءدىني يدەولوگيادان زارداپ شەككەن ادامداردى وڭالتۋ ءۇشىن «جۋسان» جانە «رۋسافا» گۋمانيتارلىق وپەراتسيالارى اياسىندا تەرروريستىك ءىس-قيمىلدار ورىن العان ايماقتاردان ورالعان 632 ازاماتپەن جۇمىس جۇرگىزىلۋدە. «جۋسان» وپەراتسياسى اياسىندا ورالعان 163 ايەلدىڭ 133-ءى راديكالدى كوزقاراسىنان باس تارتىپ, دەسترۋكتيۆتى تەندەنتسيانى قولدايتىن 2433 ادام ءداستۇرلى ءدىننىڭ اعىمىنا ورالدى.
ەتنوسارالىق قاتىناستار ماسەلەلەرى بويىنشا تالدامالىق جۇمىس جۇيەسى قۇرىلىپ, ءار ايماقتاعى ەتنوالەۋمەتتىك شيەلەنىستىڭ كارتالارى جاسالىپ, ىسكە اسىرىلدى.
Abai Uii قازاقتىڭ مادەني جانە ىسكەرلىك ۇيلەرى 5 ەلدە (ۋكراينا, رەسەي, وزبەكستان, تۇركيا, گەرمانيا), 12 شەت ەلدە قازاق ءتىلىن ۇيرەنۋگە ارنالعان 31 ونلاين-سىنىپ اشىلدى. مينيسترلىك 2030 جىلعا دەيىنگى وتباسىلىق-گەندەرلىك ساياسات تۇجىرىمداماسىنىڭ ەكىنشى كەزەڭىن ىسكە اسىرۋ جونىندەگى ءىس-شارالار جوسپارىن بەكىتتى. جاستار اراسىندا جۇمىسپەن قامتۋ, ءبىلىم بەرۋ جانە تۇرعىن ءۇي ماسەلەسى بويىنشا 400 مىڭنان استام جاسقا ارنالعان ونلاين كەڭەستەر بەرىلىپ, Zeren رەسپۋبليكالىق جاستار ءبىلىم بەرۋ جوباسى ىسكە اسىرىلدى.
