وتكەن جىل ەرەكشە بولدى – ءبىز قازاقستان حالقى اسسامبلەياسى مەن ەلىمىزدىڭ نەگىزگى زاڭىنىڭ 25 جىلدىعىن, ۇلى جەڭىستىڭ 75 جىلدىعىن, ابايدىڭ 175 جانە ءال-ءفارابيدىڭ 1150 جىلدىق مەرەيتويلارىن اتاپ وتتىك. وسىناۋ مەرەيلى داتالار قازاقستاندىقتاردىڭ جۇرەگىنە جىلى شۋاعىن سەپتى, ولاردى اسا جوعارى ءارى مازمۇندى دەڭگەيدە اتاپ ءوتۋ وتانداستارىمىز ءۇشىن ۇلكەن ابىروي بولعانى ءسوزسىز.
2020 جىل ەرىكتىلەر جىلى بولدى. جالپىۇلتتىق ء«بىز بىرگەمىز» قايىرىمدىلىق اكتسياسىن جۇزەگە اسىرۋ قازاقستان حالقىنىڭ بىرلىگى مەن ىنتىماقتاستىعىنىڭ ايقىن كورىنىسىن پاش ەتتى. ءبىز بىرىگۋ ارقىلى كەز-كەلگەن كۇردەلى مىندەتتەردى شەشە الاتىنىمىزدى جانە جاۋاپكەرشىلىگىمىزدىڭ جوعارى دەڭگەيىن كورسەتە الدىق.
الداعى جىلى ەل-جۇرتىمىز ءۇشىن تاريحي ماڭىزدى بولىپ تابىلاتىن باستى قۇندىلىعىمىز – وتانىمىز تاۋەلسىزدىگىنىڭ 30 جىلدىعىن اتاپ وتكەلى وتىرمىز.
وسىناۋ مەرەيلى جىل ءومىرىمىزدى جاقسارتاتىن, ەلىمىزدەگى بەيبىتشىلىكتى, بىرلىك پەن كەلىسىمدى نىعايتاتىن ءبىزدىڭ جالپى جەتىستىكتەرىمىز بەن تابىستارىمىزدىڭ, ناقتى ىستەر مەن جاڭا جوبالاردىڭ جىلى بولاتىنىنا سەنىمدىمىز.
قىمباتتى جەرلەستەر!
جاڭا جىل شاڭىراقتارىڭىزعا بەرەكە, شاتتىق پەن باقىت اكەلسىن, بارشا ۇمىتتەرىڭىز بەن ارماندارىڭىزدى اقتاسىن!
سىزدەرگە جانە وتباسىلارىڭىزعا مىقتى دەنساۋلىق, اماندىق جانە سۇيىسپەنشىلىك تىلەيمىز!
ەڭبەكتەرىڭىز بەن باستامالارىڭىز ءاردايىم جەمىستى جانە تابىستى بولسىن!
جاڭا جىلدارىڭىزبەن!
