مەدقىزمەتكەرلەر قانداي قولداۋعا دا لايىق

– كۇردەلى سانيتارلىق-ەپي­دە­­ميالىق جاعدايدا جۇمىس ىستەپ جاتقان دارىگەرلەرىمىز بەن كىشى مەديتسينالىق قىزمەت­كەر­­لەرىمىز قارجىلىق قولداۋ شارا­­لارىنىڭ جاڭا پاكەتىنە لايىقتى. دارىگەرلەر مەن ساني­تار­­لاردى جەكە قورعانىس قۇرال­دارىنىڭ جەتكىلىكتى مولشەرىمەن قامتاماسىز ەتۋ جۇمىسىن توق­تاتۋعا بولمايدى، – دەيدى گ.مۇ­سىلتاەۆا.

كانديداتتىڭ ايتۋىنشا، مەم­لەكەت قاۋىپتى ينفەكتسيامەن كۇ­رەستە الدىڭعى قاتاردا جۇر­گەن جانە ۆيرۋس جۇقتىرعان ادام­دار­مەن بايلانىستا بولعان بارلىق دا­رى­گەرلەرگە ۇستەمەاقى تولەۋى ءتيىس.

– ەل پرەزيدەنتى مەملەكەتتىڭ دەنساۋلىق ساقتاۋعا جۇمسايتىن شىعىندارىن وسى جىلدان باستاپ ىشكى جالپى ءونىمنىڭ 5%-نا دەيىن ارتتىرۋ مىندەتىن جۇكتەدى. اري­نە، بۇل ماڭىزدى قادام. بىراق بۇل قارجى ازاماتتاردىڭ دەن­ساۋلىعىن قورعاۋدى ءتيىمدى قام­تاماسىز ەتۋ ءۇشىن جەتكىلىكسىز. قازاقستان حالىق پارتياسىنىڭ مۇشەلەرى تاياۋ جىلدارى مەملە­كەت­تىڭ مەديتسيناعا ارنالعان شىعىس­تارىنىڭ كولەمىن ۇلعاي­تۋ­دى كوزدەپ وتىر. بارلىق دامىعان ەلدەردە دەنساۋلىق ساقتاۋ سالا­سىنا كوپ كوڭىل بولىنەدى. قازاق­ستان دا وسى جولدى ۇستانۋى كەرەك، – دەيدى گ.مۇسىلتاەۆا.

كەزدەسۋگە قاتىسۋشىلار دەن­ساۋلىق ساقتاۋ جۇيەسىندەگى وزەكتى ماسەلەلەرگە توقتالىپ، پايىم پى­كىرلەرى مەن شاعىمدارىن جەت­كىزدى.

سونداي-اق تەمىرتاۋدا پار­لامەنت ءماجىلىسىنىڭ دەپۋتات­تى­­عىنا وسى پارتيانىڭ اتىنان كان­ديدات دميتري پولتارەنكو «مە­نىڭ ءۇيىم» داعدارىس ورتا­لىعىنىڭ مۇشەلەرىمەن كەزدەستى. اڭگىمەگە بالالار مەن ايەلدەرگە قاتىستى زورلىق-زومبىلىقتىڭ جيىلەپ كەتۋى وزەك بولدى. كانديدات قازاقستاندا وتباسىنداعى زور­لىق-زومبىلىققا قارسى ءىس-قيمىل تۋرالى زاڭداردى وزگەرتۋ قاجەتتىگىن العا تارتىپ، جازانى قاتاڭداتۋ كەرەكتىگىن جەتكىزدى.

– كارانتين ەنگىزىلگەننەن كەيىن ايەلدەر مەن بالالارعا قاتىستى تۇرمىستىق زورلىق-زوم­بىلىق فاكتىلەرى جيىلەپ كەتتى. وسى جىلدىڭ ءساۋىر ايىندا 150 ءنومىرى بويىنشا جەدەل جەلىگە تۇرمىستىق زورلىق-زومبىلىق قۇر­باندارىنان 300-دەن استام ءوتىنىش كەلىپ ءتۇستى. زارداپ شەككەندەر پوليتسياعا قوڭىراۋ شالا الادى. بىراق زارداپ شەگۋ­شىلەر مۇنداي جاعدايدا ءتارتىپ ساق­شىلارى كومەكتەسپەيدى دەپ قورقادى. سەبەبى پوليتسيا قىزمەت­كەر­لەرى وتباسى مۇشەلەرىن تاتۋلاس­تىرۋعا تىرىسادى. ەگەر وتباسى­نىڭ شىرقىن بۇزعان ادام جاۋاپقا تارتىلعان جاعدايدا تەك ايىپپۇل عانا تولەيدى، – دەيدى د.پولتارەنكو.

كانديداتتىڭ پىكىرىنشە، قو­عامدا پوليتسيا مەن سوت جۇيە­سىنە سەنىمسىزدىك بار. قۇقىق قور­عاۋ جانە سوت ورگاندارىندا ايەل­دەر­دىڭ از عانا وكىلىنىڭ بولۋى سوت تورەلىگىن زارداپ شەككەندەردىڭ پاي­داسىنا قول جەتكىزۋدى قيىن­داتادى.

– بيىل قازاقستاندا تەك 8 ايدىڭ ىشىندە وتباسىلىق-تۇر­مىستىق زورلىق-زومبىلىق با­عىتىندا 130 مىڭنان استام قۇقىقبۇزۋشىلىق جاسالدى. الاي­دا بىرنەشە ادامنىڭ ءىسى عانا سوتقا جەتەدى. كەيىنگى ءۇش جىل­دا وتباسىلىق-تۇرمىستىق زور­لىق-زومبىلىق فاكتىلەرى 2،5 ەسە ءوستى. سوندىقتان تۇرمىستىق زور­لىق-زومبىلىق تۋرالى جاڭا زاڭ جوباسىن قابىلداۋ وزەكتى بولىپ وتىر. قازاقستان حالىق پار­تياسى وسى باعىتتا بەلسەندى جۇمىس ىستەۋگە نيەتتى، – دەيدى د.پول­تارەنكو.