ۇگىت-ناسيحات توبى وندىرىستىك كەشەنمەن تانىسىپ, مۇنداعى ەڭبەك ۇجىمىنا «اۋىل» پارتياسىنىڭ سايلاۋالدى تۇعىرناماسىنىڭ باستامالارىن ءتۇسىندىردى. «اۋىلدىقتاردىڭ» پىكىرىنشە, قايتا وڭدەۋ كاسىپورىندارى اگروونەركاسىپتىك كەشەن جۇيەسىندەگى نەگىزگى بۋىن سانالادى. ءبىر جاعىنان, بۇل كاسىپورىندار قوسىلعان قۇندى قالىپتاستىرادى ءارى وسى سالانىڭ ينۆەستيتسيالىق تارتىمدىلىعىن ارتتىرادى. ەكىنشى جاعىنان, اۋىل شارۋاشىلىعى وندىرۋشىلەرىنەن شيكىزاتتى تۇراقتى ساتىپ الۋدى قامتاماسىز ەتەدى.
بۇل سالادا بىرقاتار ماسەلەلەر بار. ماسەلەن, ءتيىمدى ءارى ۇزاق مەرزىمدى نەسيەلىك رەسۋرستار قولجەتىمسىز. سونداي-اق ساتىلىمدى قولداۋ ءۇشىن «جىلدام» اقشاعا دەگەن تۇراقتى قاجەتتىلىك بار. بۇدان بولەك, قوسىلعان قۇن سالىعىن تولەۋ كەرەك. باتىس قازاقستان وبلىسى ءماسليحاتىنىڭ دەپۋتاتتىعىنا كانديدات ت.ەسكەندىروۆتىڭ ايتۋىنشا, قايتا وڭدەۋ كاسىپورىندارى شيكىزاتتىڭ 60%-دان استامىن جەكە تۇلعالاردان ساتىپ الادى. سونىمەن قاتار قوسىلعان قۇن سالىعى ەت كومبيناتتارىنا جەكە قوسالقى شارۋاشىلىقتارعا جاقسى باعا ۇسىنۋعا مۇمكىندىك بەرمەيدى. سوندىقتان شيكىزاتتىڭ ەداۋىر بولىگى ءتيىستى وڭدەۋسىز دەلدالدار ارقىلى نارىققا شىعادى.
ك.ماشىرىقوۆ مۇنداي ماسەلەلەر ەل پرەزيدەنتىنىڭ اۋىل شارۋاشىلىعى ونىمدەرىن قايتا وڭدەۋ ۇلەسىن ەكى ەسە ارتتىرۋ جونىندەگى تاپسىرماسىن ىسكە اسىرۋعا كەدەرگى كەلتىرەتىنىن جانە وسىعان بايلانىستى پارتيا اگروونەركاسىپتىك كەشەن سۋبەكتىلەرىن قوسىلعان قۇن سالىعىنان بوساتۋدى ۇسىنىپ جۇرگەنىن جەتكىزدى.
سونداي-اق «جايىق اگرو» جشس-نىڭ ەڭبەك ۇجىمىمەن كەزدەسۋ كەزىنە پارتيانىڭ الەۋمەتتىك تەڭدىكتى قامتاماسىز ەتۋ جونىندەگى باستامالارى تۋرالى دا ايتىلدى. ك.ماشىرىقوۆتىڭ ايتۋىنشا, «بالا ءناسىبى» بالالار كاپيتالىن ەنگىزۋ جاردەماقى تۇرلەرىن 7-دەن 1-گە دەيىن قىسقارتۋعا مۇمكىندىك بەرەدى جانە حالىققا تۇسىنىكتى بولادى.
– ستاتيستيكا كورسەتىپ وتىرعانداي, وتكەن جىلى ءبىر جاسقا دەيىنگى بالا كۇتىمى بويىنشا جاردەماقىنى جاڭا تۋعان بالالاردىڭ تەك 65%-ى عانا پايدالانعان. جاردەماقىلاردىڭ بىرنەشە ءتۇرىنىڭ بولۋىنا بايلانىستى قاتەلىكتەر ورىن الادى. اسىرەسە, بيۋروكراتيادان شارشاعان اۋىل ايەلدەرىنىڭ مەملەكەت ۇسىنعان كومەكتەن باس تارتقان جاعدايلارى كەزدەسەدى, – دەيدى ك.ماشىرىقوۆ.
كەزدەسۋگە قاتىسۋشىلار بالا كاپيتالىن ەنگىزۋ – تۋىنداعان ماسەلەنى ءبىرجولاتا شەشىپ, الەۋمەتتىك قولداۋدىڭ قولجەتىمدىلىگىن ارتتىرادى دەگەن ورتاق پىكىرگە كەلدى.
سونىمەن قاتار اتالعان پارتيانىڭ كانديداتتارى وڭىرلەردە بىرقاتار ماڭىزدى كەزدەسۋلەر وتكىزدى. ماسەلەن, پاۆلودار وبلىسىندا پارلامەنت ءماجىلىسىنىڭ دەپۋتاتتىعىنا كانديدات ن.ارسيۋتين, پاۆلودار وبلىستىق ءماسليحاتىنىڭ دەپۋتاتتىعىنا كانديداتتار ب.امانجولوۆ, ە.توقتىشاقوۆ جانە پارتيانىڭ سەنىمدى وكىلدەرى ە.بايعۇرمانوۆ, ا.باتىرشاەۆ اقسۋ اۋدانى قالقامان اۋىلىنىڭ تۇرعىندارىمەن كەزدەسىپ, پارتيانىڭ سايلاۋالدى باعدارلاماسىن تانىستىردى.
