قايىرىمدى قوعام

ۆولونتەرلىك توپتار كوبەيدى

مەملەكەت باسشىسى قاسىم-جومارت توقاەۆ ۆولونتەر جىلىنىڭ جابىلۋ را­سىمىندە جالىندى جاستارىمىزدىڭ بويىنداعى ەڭ اسىل قاسيەتتەردى دارىپ­تەگەن ەرەكشە جىلعا اينالعانىن اي­تا كەلىپ, «بۇل جاناشىرلىققا, جاۋاپكەر­شىلىك پەن قامقورلىققا ۇندەگەن كەزەڭ بولدى. ءبىز مۇقتاج جاندارعا قول ۇشىن بەرىپ, ءتۇرلى قيىندىقتارمەن بىرگە كۇ­رەس­تىك. وسىلايشا ادامگەرشىلىك قۇن­دىلىقتاردى جوعارى باعالايتىن قوعام ەكەنىمىزدى تانىتتىق. الەمدى جايلاعان ىندەت قايىرىم مەن مەيىرىمنىڭ قانشالىقتى ماڭىزدى ەكەنىن انىق كورسەتتى», دەدى. پرەزيدەنتتىڭ بۇل ءسوزى ۆولونتەر جىلىن جوعارى دەڭگەيدە وتكەرگەنىمىزدى ايعاقتايدى.

مەملەكەت باسشىسىنىڭ تاپسىرماسىنا سايكەس ەلدەگى ۆولونتەرلىك قىزمەتتى دامىتۋ باعىتىندا كوپتەگەن شارۋا ات­قارىلدى. بيىل ەلىمىزدەگى ۆولونتەر ۇيى­مىنىڭ سانى 673-كە جەتتى. 421 ۇيىم ءىرى قالالاردا تىركەلسە, اۋىلدىق جەرلەر­دە 197 توپ جۇمىس ىستەيدى. كىشىگىرىم قالا­لاردا دا ۆولونتەرلىك توپتار بار. ولاردىڭ جال­پى سانى – 55.

ايماقتارعا جەكە توقتالار بولساق, قا­راعاندى وبلىسىندا 113 ۆولونتەرلىك توپ تىركەلگەن. وسىلايشا بۇل وبلىس رەسپۋبليكا بويىنشا ۆولونتەرلەر ۇيىمى سانى بو­يىنشا كوش باستاپ تۇر. ودان كەيىنگى ساتىعا قوستانايلىقتار جايعاستى. وبلىستا 102 ەرىكتىلەر ۇيىمى بار ەكەن. اقتوبە وبلىسى العاشقى ۇشتىكتە (96). رەسپۋبليكانىڭ بارلىق وبلىسىندا كورسەتكىش مۇنداي جوعارى ەمەس. ماسەلەن, جامبىل, سولتۇستىك قازاقستان وبلىستارىندا نەبارى 9 ۇيىم جۇمىس ىستەيدى. ال تۇركىستان وبلىسىندا 11 ۆو­لونتەرلىك قاۋىمداستىق بار ەكەن.

ەلىمىزدەگى ۆولونتەرلىك ۇيىمداردىڭ باعىتى دا ءار الۋان. ۆولونتەرلىك توپتار ءبىلىم بەرۋ, جانۋارلاردى قورعاۋ, تو­تەنشە جاعداي كەزىندە كومەك قولىن سوزۋ, ىزدەۋ, مەديتسينالىق جاردەم بەرۋ, جال­عىزباستى قاريالار مەن ارداگەرلەرگە, مۇق­تاج وتباسىلارعا قامقورلىق كورسەتۋ, سپورتتىق, ەكولوگيالىق, قايىرىمدىلىق شارالار, مەرەكەلەر ۇيىمداستىرۋ با­­عىت­تارى بويىنشا ماشىقتانعان. جوعارىدا ايتىلعان 673 ۆولونتەرلىك توپتىڭ 248-ءى مۇقتاج وتباسىلارعا ارناپ كيىم-كەشەك, تۇر­مىستىق زاتتار جيناپ, قايىرىمدىلىق شارالارىن ۇيىم­داستىرۋمەن اينالىسادى. 23 ۇيىم پا­تريوتتىق باعىتتا جۇمىس ىستەيمىز دەپ كور­سەتكەن, ال 19 توپ ءبىلىم سالاسىندا ەڭبەك ەتىپ ءجۇر.

بۇل توپتار اقپارات جانە قوعامدىق دامۋ مينيسترلىگى بازاسىندا رەسمي تىر­كەلىپ, ولارمەن تىعىز قارىم-قاتىناس تۇز­­گەن. مينيسترلىك اتالعان ۇيىمداردان بولەك, 55 مىڭ قازاقستاندىقتىڭ ۆولونتەر ەكەنىن دە حابارلاپ وتىر. ۆولونتەرلەردىڭ جاسى دا الۋان. 16-24 جاس ارالىعىنداعى ەرىكتىلەردىڭ ۇلەسى 13,8 پايىز, ال 25-28 جاستاعىلار 10,5 پايىز. 29-34 جاس ارالىعىنداعى ازاماتتار ۆولونتەرلەردىڭ 22,4 پايىزىن قۇراسا, 35-44 جاستاعىلار 20,4 پايىزدى قۇراپ وتىر. 45-54 جاستاعى ەرەسەكتەر دە بەلسەندىلىك تانىتۋدا. ولار­دىڭ ۇلەسى 22,2 پايىز. ەل اراسىندا «كۇمىس ۆولون­تەرلەر» اتالىپ كەتكەن ەگدە جاستاعى ەرىك­تىلەر دە بار. ۆولونتەرلەردىڭ 10,5 پا­يى­زىن قۇراپ, ولار دا بەلسەندى توپ ەكەنىن دالەلدەپ وتىر.

وسى ارادا, بۇلاردان بولەك, توتەنشە جاع­داي كەزىندە ستۋدەنتتىك توپتار, دوستار مەن وتباسى مۇشەلەرى ۋاقىتشا بىرلەسىپ, وزدەرى تۇراتىن ەلدى مەكەندەردە ىندەتپەن العى شەپتە كۇرەسىپ جۇرگەن قىزمەت­كەر­لەر­­گە قولعابىس ەتكەنىن دە ايتا كەتەلىك.

سالادا ەرلەر مەن ايەلدەر ۇلەسىندە دە ايىر­ماشىلىق كوپ ەمەس. ۆولونتەرلەردىڭ 50,3 پايىزى ەر ادام بولسا, 49,7 پايىزى – ايەلدەر.

جالپى, قاي ەلدە بولسىن ۆولونتەرلەر­دىڭ جۇمىس باعىتى ۇقساس. ولار كوبىنە مەتسە­ناتتار مەن ۇلكەن قورلاردان كومەك الىپ, كراۋدفاندينگكە, ياعني حالىقتىڭ قول­داۋىنا جۇگىنەدى. ەلىمىزدەگى توتەنشە جاعداي كەزىندە بەلسەندى توپتار الەۋ­مەتتىك جەلىلەردە حابارلاندىرۋ جاساپ, بانكتە ەسەپشوت اشىپ, حالىقتىڭ جۇ­مىلۋىن سۇراپ, ماسەلەنى شەشىپ جاتادى. بۇعان مىسال دا كوپ. ۇيىندە ءورت شىعىپ, ءبىر تۇندە 5 قىزىنان ايىرىلعان سيتەر وتباسىنا حالىق جۇمىلىپ, پاتەر الىپ بەرگەن-ءدى. ماقتاارالداعى سۋ تاس­قىنى, ارىس­تاعى جارىلىس كەزىندە ەل ەرىكتى­لەرىنىڭ قىزمەتى ايىرىقشا كورىندى.

ەرىكتىلەردىڭ ەڭبەگى ەرەن

ەلىمىزدەگى ەرىكتىلەردىڭ ارقايسىنىڭ قىزمەتى جەكە-جەكە اتاپ وتۋگە تۇرارلىق. ماسەلەن, ارىستاعى جارىلىس تۋرالى حاباردى ەستي سالا وقيعا ورنىنا ءوز ەركىمەن اتتانىپ, وتانداستارىنا قايتارىمىن كۇتپەي قىزمەت كورسەتكەندەردىڭ ءبىرى – ەۆگەني حيسمەتوۆ.

رياسىز نيەتى مەن ەڭبەگىن مەملەكەت باسشىسى جوعارى باعالاپ, «قۇرمەت» وردەنىمەن ماراپاتتاعان ەرىكتى ەۆگەني حيسمەتوۆ ارىستىقتارعا كومەك بەرۋ تۋرالى شەشىمگە قالاي كەلگەنىن بىلايشا اڭگىمەلەپ بەردى.

– الدىمەن الەۋمەتتىك جەلىدەگى ۆيدەولاردى كوردىم. قولدارىنا بالالارىن ۇستاپ جۇگىرگەن ايەلدەردى, ابدىراعان حالىق­تى كورىپ, ولارعا كومەك بەرۋىم كەرەك دەپ شەشتىم. تەمىر جول ۆوكزالىنا باردىم. پويىزداردا ورىن, ساتىلىمدا بيلەت جوق ەكەن. ەرىكتى ەكەنىمدى, ەشقانداي ورىننىڭ قاجەت ەمەس ەكەنىن ءتۇسىندىرىپ, پويىزعا وتىردىم. بالقاشقا دەيىن ورىن بولمادى, تامبۋردا باردىم. سودان كەيىن ءبىر كىسىنىڭ ورنى بوساپ, شىمكەنتكە دەيىن جەتىپ الدىم... شىمكەنتتەن ارىسقا باراتىن جولدى جاۋىپ تاستاعان, ول جاققا وتكىزبەيدى ەكەن. مەن قالالىق اكىمدىككە بارىپ, ءمان-جايدى ءتۇسىندىردىم. جولدا ەۆاكۋاتسيالانعان ادامداردى كوردىم, ولاردىڭ بارلىعىن قالاعا الىپ كەلە جاتقان ەدى. ارىسقا جەتكەنىمدە, قالانىڭ تاس-تالقانى شىققان, ۇيلەر قۇلاپ قالعان, ءتىپتى ىشەرگە سۋ بولمادى. مەنى مەشىتكە ور­نالاستىردى. ءبىر قىزىعى, جارىلىس مەشىت جانىندا بولسا دا اللانىڭ جەر­دەگى ۇيىنە اسا زاقىم كەلمەگەن. تەك تەرە­زەلەرى مەن ەسىكتەرىنىڭ اينەگى سىنعان. ال سول ماڭداعى ۇيلەردىڭ كوبى قيراپ قالعان.

ءبىرىنشى كەزدە جان-جاقتان كەلگەن گۋما­نيتارلىق كومەكتى تۇنىمەن ءبولىپ دايىنداپ, كۇندىز حالىققا تاراتىپ ءجۇر­دىم. كوپ بالالى وتباسىلار مەن زەينەتكەرلەر كۇتىپ قالماسىن دەپ ەرتە تۇ­رىپ, قامدانىپ, تاڭ اتپاستان زاتتاردى ۇلەستىرىپ وتىردىم. سودان كەيىن مە­شىت­تەگى جۇمىستارعا اتسالىس­تىم. ارىس­­تا كۇن وتە ىستىق ەدى. اينالاعا سۋ شاشىپ, قاسىمداعىلارعا دا پايدالى بو­لۋعا تىرىستىم. ءبىر اپتا وتكەن سوڭ سۋ بەر­دى, دۇكەندەر جۇمىسىن جالعاستىردى. سودان كەيىن جەكە ازاماتتارعا كومەكتەسە باس­تادىم. قۇرىلىس جۇمىستارىنا, جۇك تۇسىرۋگە قولعابىس ەتتىم. ءبىر توپ جىگىت­تەرمەن تانىسىپ, سولارمەن بىرلەسىپ جۇ­مىس ىستەدىك. كەيىن قۇرىلىس قويماسىن ماعان تاپسىردى. ءبىر ءوزىم جۇمىس ىستەدىم. بەس قۇرىلىس كومپانياسى ماتەريالدار الىپ كەلەتىن. ول كەزدە ارىستا 50 ءۇي سالى­­نىپ جاتقان-دى. تاڭعى 8-دەن كەشكى 11-گە دەيىن جۇمىس ىستەدىك. تۇنگى 2-دەن 5-كە دەيىنگى ۋاقىتتا قۇرىلىس زاتتارىن تۇسى­رەتىن ەدىم. وسىلايشا, 50 كۇن دە ءوتتى, – دەيدى ەۆگەني.

مەملەكەت تە مۇددەلى

پرەزيدەنتتىڭ تاپسىرماسى بويىنشا ازاماتتىق قوعامدى دامىتۋدى باس­تى ماقساتتارىنىڭ بىرىنە اينالدىرعان مەم­لەكەتىمىز ۆولونتەرلىك توپتارعا دا گرانتتار بولەدى. «ازاماتتىق باستاما­لاردى قولداۋ» ۇيىمىنىڭ سايتىندا جاريالانعان كونكۋرستار مەن گرانت­تاردىڭ تىزىمىنەن قانداي ماقساتتا قارا­جات جۇمسالعانىن انىق كورۋگە بولادى.

بىلتىر قازاقستان – رەسەي جاستار فورۋمى ءوتىپ, ەكى ەل جاستارى تاجىريبە الماسىپ, ۆولونتەرلىككە قاتىستى تانىمىن كەڭەيتۋگە مۇمكىندىك الدى. ىلە مەملەكەت باسشىسى 2020 جىلدى ۆولونتەر جىلى دەپ جاريالاندى. كوپ ۇزاماي جاڭا جىلعا جاڭا مەجە بەلگىلەنىپ, ۆو­لونتەر جىلىنىڭ ناقتى جوسپارى دا­يىن­دالدى. وسى رەتتە ۆولونتەرلەردىڭ رەس­پۋبليكالىق فرونت-ءوفيسى قىزمەتىن باس­تادى. جىل بويى ات­قارىلعان شارالار لەگى گازەتىمىزدە حابار­لانىپ وتىردى. جىل قورىتىندىلاۋ كە­زىندە بىرقاتار ۆولون­تەر «حالىق العىسى» مەدالىمەن ما­راپاتتالدى.

بۇل رەتتە ەلىمىزدەگى ۆولونتەرلىك ما­دە­نيەتتى قالىپتاستىرۋ, ولاردىڭ جۇ­مىسىن ءبىر ارناعا كەلتىرۋ بويىنشا تيا­ناقتى ەڭبەك ەتكەن Birgemiz فرونت-ءوفيسى تۋرالى ايتىپ وتەلىك. اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ توراعاسى ماديار قوجاحمەت 17 وڭىرلىك ينفراقۇرىلىمنان تۇراتىن رەسپۋبليكالىق ۆولونتەرلەر فرونت-كەڭسەسى ۆولونتەرلەر جۇمىسىن رەتتەۋگە مۇمكىندىك اشقانىن ايتادى.

– ۆولونتەرلىك قوزعالىستىڭ نەگىزگى دامۋى وسى قۇرىلىم ارقىلى رەتتەلەدى. سونىمەن قاتار Qazvوlunteer.kz ونلاين پلات­فورماسى ىسكە قوسىلدى, وندا 42 603 ۆولونتەر, 3 063 ۇيىم جانە 977 جوبا تىركەلگەن. 5 600-دەن استام ۆولونتەر ارنايى وقۋدان ءوتىپ, 50 باستاماشىل توپ قۇرىلدى. جالپى قۇنى 150 ميلليون تەڭ­گەنى قۇرايتىن 500-دەن استام شاعىن گرانت ۇلەستىرىلدى, – دەيدى مينيسترلىك وكىلى.

جىل باسىندا بىرنەشە ۆولونتەردىڭ بۇۇ ۆولونتەرلەرى قاتارىنا تاجىريبە الماسۋعا جىبەرىلەتىنى حابارلاندى. كوپ ۇزاماي 7 قازاقستاندىقتىڭ حالىقارالىق ۇيىمنىڭ قايىرىمدىلىق باعىتتا جۇمىس ىستەيتىن قۇرىلىمدارىنىڭ قاتا­رىن تولىق­تىرعانى تۋرالى حابار كەلدى. گازەتى­مىزدە ولاردىڭ قالاي ىرىكتەۋدەن وتكەنى, قازىر­گى قىزمەتى مەن ماقساتتارى تۋرالى ماتە­ريالدار جارىق كوردى.

بۇۇ ۆولونتەرلەر باعدارلاماسىنىڭ اتقارۋشى ديرەكتورى تويلى قۇربانوۆ­تىڭ ايتۋىنشا, حالىقارالىق قۇرىلىم قاتارىنداعى وتانداستارىمىز جاڭا دۇ­نيە­لەر ۇيرەنىپ قانا قويماي, ءوز تاجى­ري­بەلەرىمەن ءبولىسىپ, قازاقستاندىق مودەلدى دە تانىتۋدا.

جالپى, ۆولونتەر جىلىنىڭ پاندەميامەن تۇسپا-تۇس كەلۋى حالىققا ەرىكتىلىك قىزمەتىنىڭ اسا ماڭىزدى ەكەنىن جەتە تۇسىنۋگە مۇمكىندىك بەردى. «جۇمىلا كو­تەر­گەن جۇكتىڭ دە جەڭىل بولاتىنىن» اي­قىنداپ بەردى. ەرىكتىلىكتى ءومىر سالتىنا اينالدىرۋعا اسىققاندار قاتارى تولىعا ءتۇستى.