بۇگىن قالالىق №2 سوتتا 33 جاستاعى ايەلدىڭ ءىسى قارالدى. ول 26 قاراشادا بالاسىن پاۆلودار اۆتوۆوكزالىنىڭ جانىنداعى ترامۆاي ايالداماسىنا قالدىرىپ كەتكەن. ۇكىم شىققانعا دەيىن بالا ۇلكەن اعاسىمەن بىرگە باسقا قالاداعى اجەسىنىڭ ۇيىندە تۇرعان.
سوت وكىلدەرى حابارلاعانداي, ايەل بەرتىنگە دەيىن تاراز قالاسىندا تىركەلگەن. پاۆلودارعا سەمەيدەن تاكسي جالداپ كەلگەن ەكەن. پوليتسەيلەر مەن ەرىكتىلەر كۇدىكتىنىڭ ءىزىن سۋىتپاي 2 ساعاتتا ۇستاعان. كۇدىكتىگە قر قىلمىستىق كودەكسىنىڭ 119-بابى 1-بولىگى بويىنشا سوتقا دەيىنگى تەرگەۋ ءىسى باستالدى.
تەرگەۋ بارىسىندا ايەلدىڭ تۇرمىسقا شىقپاعانى جانە ونىڭ بۇل ۇلىنان باسقا, تاعى ەكىباستۇزداعى 57 اجەسىنىڭ ءبىر بولمەلى پاتەردە تۇراتىن 9 جاستاعى بالاسى بار ەكەنى انىقتالدى. ازاماتشا كەنجە ۇلىن قالدىرىپ كەتۋدى الدىن الا جوسپارلاعان-دى.
"سوت قاۋلىسىمەن ج. ەسىمدى ايەل قىلمىستىق جاۋاپكەرشىلىكتەن بوساتىلدى. ويتكەنى ول جابىرلەنۋشىنىڭ زاڭدى وكىلىمەن تاتۋلاستى. مورالدىق جانە م ۇلىكتىك شىعىن كەلگەن جوق. ايەل كىناسىن تولىق مويىندادى", دەيدى پاۆلودار №2 سوتىنىڭ سۋدياسى دۋمان سەرىكباەۆ.
ەسكە سالا كەتەيىك, وسى جىلدىڭ 25 جەلتوقسانىندا وبلىستىق كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق №2 سوتىندا ج. ەسىمدى ايەل قر اكىمشىلىك قۇقىق بۇزۋشىلىق كودەكسىنىڭ 127-بابى 1-بولىگى بويىنشا اكىمشىلىك جاۋاپكەرشىلىككە تارتىلعان ەدى. وسىعان بايلانىستى وتباسى قورعانشىلىق جانە قامقورشىلىق ورگانىنا ەسەپكە قويىلدى. ازىرگە سوتتىڭ ۇكىمى زاڭدى كۇشىنە ەنگەن جوق.
