– ءبىز ورفاندىق اۋرۋلار تۋرالى ايتتىق, بۇل ەندى سيرەك كەزدەسەتىن اۋرۋ تۇرلەرى. ەگەر پرەپاراتتى الۋعا رۇقسات بەرىلگەن جاعدايدا وزگە ەلدە تىركەلگەن دارىلەرگە دە قول جەتكىزۋگە بولادى. كودەكس بويىنشا تىركەلمەگەن, بىراق سيرەك كەزدەسەتىن اۋرۋلاردى ەمدەۋگە قاجەتتى ءدارى-دارمەكتەردى ءبىر رەتتىك اكەلۋدى قاراستىراتىن نورما بار, – دەيدى مينيسترلىك وكىلى.
ونىڭ ايتۋىنشا, قازاقستاندىقتار بجزق-داعى جيناپ-تەرگەن قارجىسىنا وفتالمولوگيا, ستوماتولوگيا قىزمەتتەرىن – پروتەزدەۋ, تەراپيالىق ەمدەۋ شارالارىن دا پايدالانا الادى. سونداي-اق قارجىنى تۋا ءبىتتى اۋرۋلار مەن وپەراتسيادان كەيىنگى تىرتىقتاردى ەمدەۋ ماقساتىندا قولدانىلاتىن پلاستيكالىق وپەراتسيالار ءۇشىن دە جۇمساۋعا بولادى: ماسەلەن, ادامدى كۇيىك شالسا نەمەسە ونكولوگيالىق دەرتكە شالدىقسا.
ورتالىق كوممۋنيكاتسيالار قىزمەتىندە وتكەن بريفينگ بارىسىندا «وتباسى بانك» باسقارما توراعاسى ءلاززات يبراگيموۆا زەينەتاقى قورىنداعى قاراجاتتى تۇرعىن ءۇيدى جوندەۋدەن وتكىزۋ ءۇشىن دە پايدالانۋعا بولاتىنىن ايتقان ەدى.
