قحپ مۇشەلەرى قازاقستاندىق كومپانيالار ۇسىناتىن دۇكەن سورەلەرىندەگى بارلىق تاۋار تۇرلەرىن قاراپ, زەردەلەپ شىقتى. «حالىقتىكىن ساتىپ ال» اكتسياسىنىڭ اياسىندا دەپۋتاتتىققا كانديداتتار قازاقستاندىق وندىرۋشىلەردىڭ ونىمدەرىن ساتىپ الدى.
قازاقستان حالىق پارتياسىنىڭ مۇشەلەرى جەرگىلىكتى تاۋارلاردىڭ قۇنىن كوتەرمەۋ كەرەك دەپ سانايدى. مۇنداي ونىمدەردىڭ باعاسىن ۋاكىلەتتى ورگاندار باقىلاۋى كەرەك. سەبەبى ازىق-ت ۇلىك باعاسىنىڭ كۇرت كوتەرىلگەن كەزدەرى تۋرالى بۇعان دەيىن دە از ايتىلعان جوق. الايدا كەيبىر وتاندىق ونىمدەردىڭ باعاسى قىمبات ەكەنىن قاراپايىم حالىق جاقسى بىلەدى. «قازاقستاندا جاسالعان» دەگەن بەلگى سوعىلعان تاۋارلاردىڭ يمپورت ونىمدەرىنەن ءسال دە بولسا باعاسى جوعارى ەكەنى ءجيى ايتىلىپ ءجۇر.
ءوز وتانىمىزدا ءوندىرىلىپ, ول تاۋاردى تۇتىنۋشىلار دا ءوز ازاماتتارىمىز بولعان سوڭ ءونىمدى پالەندەي قىمباتقا ساتۋدىڭ دا ءجونى جوق سەكىلدى. دەگەنمەن, كەي وندىرۋشىلەر كوپ ءونىم شىعارىپ كوپ قاراجاتقا كەنەلۋدىڭ ورنىنا از ونىممەن-اق كوپ پايداعا كەنەلگىلەرى كەلەتىن سەكىلدى. مىنە, وسىنداي ولقىلىقتىڭ ورنى تولمايىنشا وتاندىق ءونىمنىڭ العا باسا قويۋى قيىن. قاراپايىم تۇتىنۋشىلاردىڭ قاي-قايسىسى بولسىن وتاندىق ءوندىرۋشىنى قولداۋعا دايار. تەك, باعانى قىمباتتاتىپ, كوڭىلگە كىربىڭ ۇيالاتىپ الماۋ كەرەك.
– بيىل پاندەميا كەزىندە ءبىز ۇلكەن ماسەلەگە تاپ بولدىق. ول – وتاندىق وندىرۋشىلەردىڭ ونىمدەرى مەن قاجەتتى تاۋارلار باعاسىنىڭ ءوسۋى. ءبىر ليتر وسىمدىك مايىنىڭ باعاسى 700 تەڭگەگە دەيىن كوتەرىلگەنىن ءبارىمىز كوردىك. ايتا كەتۋ كەرەك, ءبىز وتاندىق ءوندىرۋشىنىڭ ءونىمى تۋرالى ايتىپ وتىرمىز. ءبىر كيلوگرامم قانت 300 تەڭگەگە دەيىن قىمباتتادى. مەملەكەت ازاماتتارعا قولداۋ رەتىندە بولگەن 42 500 تەڭگەگە وتانداستارىمىز كوپ ءونىم ساتىپ الا المايتىنىن جاقسى تۇسىنەمىز, – دەيدى ساۋدا ورىندارىن ارالاعان كانديدات جامبىل احمەتبەكوۆ.
قازاقستان حالىق پارتياسىنىڭ اتىنان دەپۋتاتتىققا ۇسىنىلعان كانديداتتار حالىقتىڭ وسال توپتارىنا الەۋمەتتىك قولداۋ رەتىندە بولىنەتىن قاراجات مولشەرى تىم از دەپ وتىر. سوندىقتان الەۋمەتتىك قامسىزداندىرۋ تولەمدەرىنىڭ مولشەرىن ارتتىرۋ قاجەت دەپ ەسەپتەيدى. ولاردىڭ ايتۋىنشا, تۇراقتاندىرۋ قورلارىنىڭ مۇمكىندىكتەرىن كەڭەيتۋ كەرەك. قازاقستاندىق وندىرۋشىلەر تاۋارلارىنىڭ قۇنى ارتپاۋى ءتيىس. كانديداتتار بۇعان دەيىن ەلىمىزدىڭ ازىق-ت ۇلىك قاۋىپسىزدىگى قازاقستان حالىق پارتياسىنىڭ سايلاۋالدى باعدارلاماسىنىڭ نەگىزگى تارماقتارىنىڭ ءبىرى بولىپ سانالاتىنىن بىرنەشە رەت مالىمدەگەن بولاتىن. «قحپ ازىق-ت ۇلىك قاۋىپسىزدىگىن جانە قازاقستاندىقتاردىڭ تەڭ قۇقىقتارىن قامتاماسىز ەتۋ ءۇشىن اۋىل شارۋاشىلىعى ماقساتىنداعى جەرلەردى شەتەلدىكتەرگە جەكەمەنشىككە ساتۋعا زاڭدى توسقاۋىل قويۋ كەرەك دەيدى. پارتيانىڭ مۇشەلەرى وسى ماسەلە بويىنشا رەفەرەندۋم وتكىزۋ قاجەت دەپ ەسەپتەيدى. ءبىز ءبىرىنشى كەزەكتە قاجەتتى ونىمدەر مەن تاۋارلاردىڭ ساپالى وندىرىسىنە قول جەتكىزۋگە نيەتتىمىز. پارتيانىڭ باستى مىندەتى – ەلىمىزدى بارلىق قاجەتتىلىكتەرمەن قامتاماسىز ەتۋ. سودان كەيىن عانا ءونىمىمىزدى شەتەلگە جەتكىزۋ», دەيدى ج.احمەتبەكوۆ.
