بۇل جارىستىڭ باستى جەكپە-جەگىندە كونور ماكگرەگور مەن داستين پۋارە كۇش سىناسادى. 32 جاستاعى يرلانديانىڭ وكىلى 2008 جىلدان بەرى وسى سپورت ءتۇرىن سەرىك ەتۋدە. سول كەزدەن بەرى 26 مارتە وكتاگونعا شىققان ول 22 رەت جەڭىسكە جەتىپ, 20 باسەكەنى مەرزىمىنەن بۇرىن اياقتادى. سوڭعى كەزدەسۋىن ماكگرەگور 2020 جىلدىڭ 18 قاڭتارىندا دونالد سەررونەگە قارسى وتكىزىپ, بارلىق «ماسەلەنى» 41 سەكۋندتا شەشتى.
ال 31 جاستاعى اقش سپورتشىسى تۇساۋكەسەر كەزدەسۋىن 2009 جىلى وتكىزدى. كۇنى بۇگىنگە دەيىن 32 رەت ايقاسقان پۋارەنىڭ 26 مارتە مەرەيى ۇستەم بولدى. 19 قارسىلاسىن ول ەسىنەن تاندىردى.
سونداي-اق, ءابۋ-دابيدە قازاقستاننىڭ قوس سپورتشىسى جارىس كورىگىن قىزدىرادى. ولار – جالعاس جۇماعۇلوۆ پەن سەرگەي موروزوۆ. جالعاس شۆەتسيالىق ءامىر البازيمەن ايقاسسا, سەرگەي رەسەيلىك ومار نۇرماگومەدوۆپەن كۇش سىناسادى.
