ناتيجەلى سۇحباتتار بارىسىندا تاراپتار نۇر-سۇلتان مەن بەلگراد اراسىنداعى قارىم-قاتىناستاردىڭ ءداستۇرلى دوستىق جانە سەنىمدى سيپاتىن اتاپ ءوتىپ, ءتۇرلى سالالارداعى ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارىن تالقىلادى.
سەربيا پرەمەر-ءمينيسترى انا برنابيچ ساياسي جانە ەكونوميكالىق سالالارداعى ەكىجاقتى قارىم-قاتىناستاردىڭ ودان ءارى نىعايا بەرەتىنىنە جانە پراكتيكالىق ءوزارا ءىس-قيمىلدىڭ ارتا تۇسەتىنىنە سەنىم ءبىلدىردى.
ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ كەزەكتى وتىرىسىن وتكىزۋ, ەكىجاقتى ءوزارا ءىس-قيمىلدىڭ نورماتيۆتىك-قۇقىقتىق بازاسىن كەڭەيتۋ, اتاپ ايتقاندا, كەلىسىمدەر مەن مەموراندۋمداردىڭ كەلىسىلگەن جوبالارىنا جەدەل قول قويۋ ماسەلەلەرىنە ەرەكشە نازار اۋدارىلدى.
ەكى ەل اراسىنداعى تىكەلەي اۋە قاتىناسىن اشۋ تاقىرىبىن تالقىلاۋ بارىسىندا بىرلەسكەن كۇش-جىگەرمەن وسى باعىتتاعى جۇمىستى جانداندىرۋ تۋرالى ۋاعدالاستىققا قول جەتكىزىلدى. ا.برنابيچ ماسەلەنى العا جىلجىتۋ ءۇشىن قاجەتتى تاپسىرمالار بەرەتىنىنە سەندىردى.
سەربيا حالىق سكۋپششيناسىنىڭ سايلانعان توراعاسى يۆيتس داچيچپەن كەزدەسۋ بارىسىندا تاراپتار پارلامەنتارالىق ىنتىماقتاستىقتى جانداندىرۋ, سونداي-اق 2021 جىلى ەكىجاقتى كەزدەسۋلەر مەن ءىس-شارالار, ونىڭ ىشىندە پارلامەنتتىك دوستىق توپتارى دەپۋتاتتارىنىڭ قاتىسۋىمەن ۇيىمداستىرۋ ماسەلەلەرىن تالقىلادى.
ەلشى جانە سەربيانىڭ پرەمەر-ءمينيسترىنىڭ ورىنباسارى – قورعانىس ءمينيسترى نەبويشا ستەفانوۆيچ اسكەري-تەحنيكالىق سالاداعى ىنتىماقتاستىق پەرسپەكتيۆالارىن, ونىڭ ىشىندە ءتيىستى ۇكىمەتارالىق كەلىسىمگە قول قويۋ ماسەلەسىن ءسوز ەتتى. قورعانىس ۆەدومستۆوسىنىڭ باسشىسى سەربيانىڭ اسكەري بەيتاراپتىق ساياساتىنىڭ باسىمدىعىن اتاپ ءوتتى, مۇندا كەلگەن ەلدىڭ باسشىلىعى ەلدىڭ ەگەمەندىگى مەن تاۋەلسىزدىگىن نىعايتۋدىڭ كەپىلى بولىپ تابىلادى دەدى.
ەلشى سەربيا پرەمەر-ءمينيسترىنىڭ ورىنباسارى, مادەنيەت جانە اقپارات ءمينيسترى مايا گويكوۆيچپەن كەزدەسۋ وتكىزىپ, ونىڭ بارىسىندا قازاقستاندىق ديپلومات سۇحباتتاسىن ۇلى اقىن-اعارتۋشى اباي قۇنانباي ۇلىنىڭ 175 جىلدىعى جانە كورنەكتى فيلوسوف ءابۋ ناسىر ءال-ءفارابيدىڭ 1150 جىلدىعى, سونداي-اق ەلشىلىكتىڭ مادەنيەت سالاسىنداعى جوبالارى, ونىڭ ىشىندە اباي شىعارمالارىنىڭ سەرب تىلىندەگى كىتابىن شىعارۋ تۋرالى حاباردار ەتتى.
ع.سىزدىقبەكوۆ كەلەسى جىلدىڭ قاڭتارىندا زلاتيبور وكرۋگىنىڭ استاناسى ۋجيتسە قالاسىندا قالانىڭ ورتالىق ساياباقتارىنىڭ بىرىندە سەربيالىق-قازاقستاندىق دوستىق ساياباعى دەپ اتالاتىن اباي ءبيۋستىنىڭ ورناتىلاتىنى تۋرالى حابارلادى.
كەزدەسۋ بارىسىندا 2021 جىلى مادەنيەتتىڭ توعىسپالى ماۋسىمدارىن وتكىزۋ تۋرالى ۋاعدالاستىققا قول جەتكىزىلدى.
سونداي-اق, ەلشى سەربيانىڭ يننوۆاتسيالار جانە تەحنولوگيالىق دامۋ جونىندەگى ءمينيسترى نەناد پوپوۆيچپەن كەزدەسىپ, ول ۇكىمەتتىڭ جاڭا قۇرامىندا ساۋدا-ەكونوميكالىق ىنتىماقتاستىق جونىندەگى ۇكىمەتارالىق قازاقستان-سەربيا كوميسسياسىنىڭ تەڭ توراعاسى بولىپ تاعايىندالدى. كەلىسسوزدەر قورىتىندىسى بويىنشا بارلىق مۇددەلى قۇرىلىمداردىڭ قاتىسۋىمەن بىرلەسكەن جۇمىستى كۇشەيتۋ جانە بۇرىن قۇرىلعان ىسكەرلىك كەڭەسكە ناقتى, پراكتيكالىق ءوزارا ءىس-قيمىلدى دامىتۋ جونىندەگى قىزمەتكە قوسىمشا سەرپىن بەرۋ تۋرالى ۋاعدالاستىققا قول جەتكىزىلدى.
بارلىق وتكىزىلگەن كەزدەسۋلەر بارىسىندا سەربيا ۇكىمەتى مەن پارلامەنتىنىڭ مۇشەلەرىن قازاقستاننىڭ 2021 جىلعى 10 قاڭتارعا جوسپارلانعان قر پارلامەنتى ءماجىلىسىنىڭ الداعى سايلاۋىنا دايىندىعى تۋرالى حاباردار ەتۋگە ەرەكشە نازار اۋدارىلدى.
