ءتيىمسىز جوبالاردى قىسقارتۋدى ۇسىندى

گ.نۇعمانوۆانىڭ پىكىرىنشە، پارتيا قازاقستانداعى الەۋ­مەتتىك ادىلدىكتىڭ سالتانات قۇ­رۋى ءۇشىن بار كۇشىن سالماق.

– ەلدەگى ازاماتتاردىڭ زەي­نەت­كەرلىك جاسىن 60 جاسقا دەيىن تومەندەتۋ قاجەت. قحپ وسى باعىتتا كۇرەس جۇرگىزەدى. ءبىز­دىڭ ماقساتىمىز – الەۋمەتتىك ادى­­لەتتى مەملەكەت قۇرۋ. ءبىز ازا­­مات­تاردى مەملەكەت تاراپى­نان ساپالى ءارى جان-جاقتى قور­­عاۋ­دى قامتاماسىز ەتۋگە ءتيىس­پىز. الەۋ­مەت­تىك كەپىل­دىكتەر مەن تولەمدەردىڭ ءادىل جۇيە­سىن قالىپ­تاس­تىرۋ ماڭىزدى. ءبىز تەڭ مۇم­كىن­دىكتەردىڭ ورناۋى ءۇشىن بار­لىق جاع­دايدى جاسايمىز، دەيدى گ.نۇعما­نوۆا.

كانديدات وسى وڭىردەگى جەر­­گىلىكتى تۇرعىندارمەن دە كەز­دەستى. وندا ازاماتتاردى الەۋ­­مەتتىك قول­داۋ، حالىقتى قولجە­تىمدى تۇرعىن ۇيمەن قام­تاماسىز ەتۋ ماسەلەلەرى تالقى­لاندى.

– مەملەكەت بارلىق سانات­تاعى ازاماتتاردى قولداۋ ءۇشىن ناقتى جۇيەلى ءىس-قيمىل جاساۋى ءتيىس. ءبىزدىڭ پارتيا ءتيىمسىز مەم­لەكەتتىك باعدارلامالار مەن جوبالاردى قىسقارتۋدى قولدايدى. سول سەبەپتى مەملەكەتتىك اپ­پا­راتقا رەفورما جۇرگىزىپ، شەنەۋنىكتەر سانىن قىسقارتۋ ماڭىز­دى. قحپ جەر رەسۋرس­تارىنا مەملەكەتتىك مەنشىكتى ساق­تاۋ­دى قولدايدى جا­نە ولار­دى ءتيىمدى پايدالا­نۋعا شاقى­رادى. ءبىز جەردى شەتەل­دىك­تەرگە ساتۋعا قارسىمىز، – دەيدى گ.نۇع­مانوۆا.

ونىڭ ايتۋىنشا، پارتيا ەلى­مىزدە كارانتين ەنگىزى­ل­گەن­گە دەيىن ۇنەمى سالىق تولە­گەن، بىراق شەكتەۋ شارا­لارىنىڭ سالدارىنان قيىن جاع­دايعا تاپ بولعان جەكە جانە زاڭدى تۇل­عالارعا نەسيە راقىم­شىلى­عىن جاساۋدى جاق­تايدى. ايتا كەتەيىك، كانديداتتىڭ پاۆ­لو­دار­لىقتارمەن كەزدەسۋى اتالعان پارتيانىڭ سايلاۋالدى ۇگىت-ناسيحات ناۋقانى اياسىندا ۇيىم­داس­تىرىلدى.

سونداي-اق نۇر-سۇلتان قا­لاسىندا «قحپ سالاماتتى ءومىر سالتى ءۇشىن» فلەشموبى ءوتتى. شارا اياسىندا ءبىر ۋا­قىت­تا 50 ادام الاڭعا شىعىپ، جات­تى­عۋلار جاسادى. فلەش­موب قا­زاقستان حالىق پارتيا­سىنىڭ سايلاۋالدى ۇگىت-ناسي­حات جۇ­مىستارى اياسىندا قولعا الىن­دى. وسىلايشا، قازاق­ستان حا­لىق پارتياسى سالاماتتى ءومىر سال­تىن ۇستانۋدىڭ ماڭىز­دىلى­عىن كورسەتتى. 

جاپپاي جاتتىعۋ جاساۋ شاراسىنا پارلامەنت ءماجىلىسىنىڭ دەپۋتاتتىعىنا كانديدات جام­بىل احمەتبەكوۆ تە قا­تىس­­تى.

– كەيىنگى كەزدەرى وڭ ءۇردىس بايقالۋدا. كوپتەگەن جاس زياندى ادەتتەردەن باس تارتىپ، سالاماتتى ءومىر سالتىن ۇستا­نۋدا. ءتىپتى ەگدە جاستاعى ادامدار دا جاستاردان قالماۋعا تىرى­سادى. ولار ساياباقتارعا، الاڭدار­عا بارىپ، جاتتىعۋلار جاسايدى. سالاماتتى ءومىر سالتى – دۇ­رىس تاماقتانۋ نەمەسە سپورتپەن شۇعىلدانۋ عانا ەمەس. ول – دەن­ساۋلىقتى جاقسارتۋعا جانە اعزا­داعى پاتولوگيالىق پروتسەس­تەر­دىڭ الدىن الۋعا باعىتتالعان شارا­لاردىڭ تۇتاس كەشەنى. سوندىقتان دەنىمىزدىڭ ساۋ بولۋىنا مۇمكىندىك بەرەتىن ەرەجەلەردى ساقتايىق، – دەيدى ج.احمەتبەكوۆ.

فلەشموب ەلوردانىڭ تۇران كوشەسىنىڭ بويىندا ورنالاسقان ورتالىق ساياباعىندا ءوتتى.