شارۋانىڭ ەڭبەگى شالقىسىن دەسەك...

ماسەلەن، كانديداتتار ق.ايتۋعانوۆ، ت.زەينۋللينا، ك.الياقپاروۆا، ي.سكۋلوۆەتس، گ.كراپيۆەنكو جانە م.اندرەەۆا «اۋىلدان اۋىلعا» اكتسياسىنىڭ اياسىندا قاراعاندى وبلىسىنىڭ وساكاروۆ اۋدانىندا ورنالاسقان «نايدوروۆسكوە» جشس-دە بولىپ، وسى اۋدانعا قاراستى اقپان اۋىلىنىڭ تۇرعىندارىمەن كەزدەستى.

اۋىل تۇرعىندارىمەن كەزدەسۋ كەزىندە كانديدات ت.زەينۋللين «اۋىل» پارتياسى اۋىل مەن اۋىل شارۋاشىلىعىن دامىتۋدى باستى باسىمدىق رەتىندە ايقىنداعانىن اتاپ ءوتتى. پارتيا وكىلى كەيىنگى 20 جىلدا مەملەكەت ەكونوميكانى يندۋستريالاندىرۋمەن عانا اينالىسقانىن جانە سونىڭ سالدارىنان اۋىلداعى ماسەلەلەر شەشىلمەگەنىن ايتتى.

«نايدوروۆسكوە» جاۋاپكەرشىلىگى شەكتەۋلى سەرىكتەستىك قىزمەتىمەن تانىسۋ بارىسىندا پارلامەنت ءماجىلىسى دەپۋتاتتىعىنا كانديدات ق.ايتۋعانوۆ كاسىپورىن قىزمەتكەرلەرىن قازاقستاندى اگرارلىق مەملەكەتكە اينالدىرۋعا شا­قىر­دى. سونداي-اق وسى باستامانى قارجى­لىق قامتاماسىز ەتۋگە قاتىستى ءوز ويىمەن ءبولىس­تى. قازىرگى ۋاقىتتا كوپتەگەن شارۋا سۋبسي­ديا مەن جەڭىلدەتىلگەن نەسيەلەرگە قول جەتكىزە المايدى. ونداي قولداۋلارسىز اۋىل شارۋاشىلىعىمەن اينالىسۋ اسا قيىن.

ق.ايتۋعانوۆ قازاقستاندا نەسيەنى ەڭ تومەنگى پايىزبەن (2%) 20 جانە ودان دا كوپ جىلعا بەرۋگە بولادى دەگەن پىكىردە. ال اۋىل تۇرعىندارى ءۇشىن قارجىنى ءتىپتى كەپىلسىز ەتۋگە بولادى دەپ ەسەپتەيدى. شەنەۋنىكتەر مەن قارجى ينستيتۋتتارىنىڭ باسشىلارى مۇنداي باتىل شەشىم قابىلداۋعا قاۋقارسىز. پارتيا بۇعان «ازىق-ت ۇلىك قاۋىپسىزدىگى تۋرالى» زاڭدى قابىلداۋ ارقىلى قول جەت­كىزۋگە نيەتتى. ۇسىنىلىپ وتىرعان زاڭ جوبا­سىنىڭ نەگىزگى ماقساتى – اگرارلىق سالانى ەكونومي­كانىڭ باسقا سالالارىنان باسىم دەپ تانۋ جانە ونىڭ سۋبەكتىلەرىنە ءۇي شارۋا­شىلىقتارىنان باس­تاپ قايتا وڭدەۋ كاسىپورىندارىنا دەيىن قولداۋ كورسەتۋ.

– «اۋىلدىقتار» پارتيانىڭ سايلاۋالدى باعدارلاماسى جۇزەگە اسىرىلىپ، ناقتى شارالارعا نەگىزدەلەتىنىنە سەنىمدى. جانار-جاعارماي مەن جەمشوپتى سۋبسيديالاۋ جونىندەگى ۇسىنىستارىمىز وتە وزەكتى. جەم-ءشوپ باعاسىنىڭ جوعارى بولۋىنا بايلانىستى اۋىل تۇرعىندارى ءۇشىن مال باسىن ارتتىرۋ قيىنعا سوعادى، – دەيدى ق.ايتۋعانوۆ.

وسى پارتيانىڭ اتىنان وساكاروۆ اۋدان­دىق ءماسليحاتىنىڭ دەپۋتاتتىعىنا كانديدات گ.كراپيۆەنكو پارتيانىڭ الەۋمەتتىك ماسە­لەلەردى شەشۋ جونىندەگى جوسپارلارىنا توقتالدى. ونىڭ ايتۋىنشا، اۋىل تۇرعىن­دارىنا اۋداندىق الەۋمەتتىك كومەك كورسە­تۋ ورتالىعىنا قۇجاتتار جيناۋ ءۇشىن قايتا-قايتا بارا بەرۋ قيىندىق تۋعىزادى. سون­دىقتان كوبىسى بۇل سابىلىستان شارشاپ، الەۋمەتتىك كومەك الۋعا تىرىسپايتىن كورىنەدى.

«اۋىلدىقتاردىڭ» ءسوزىن قولداعان اق­پان اۋىلىنىڭ ايەلدەرى بالالى وتباسىلارعا مەملەكەت قولداۋىنا ۇمىتكەر بولۋ ءۇشىن ءوز تابىسىنىڭ تومەن دەڭگەيىن دالەلدەۋگە تۋرا كەلەتىنىنە نارازىلىق ءبىلدىردى. ولاردىڭ پىكىرىنشە، بالا تۋىنا بايلانىستى، بالا ءبىر جاسقا تولعانعا دەيىن ونىڭ كۇتىمىنە باي­لانىستى تولەنەتىن الەۋمەتتىك تولەمدەر قىس­قا مەرزىمدى جانە ەشتەڭەگە جەتپەيدى. ال «اۋىل» پارتياسى بولسا ءوزىنىڭ سايلاۋالدى تۇعىرناماسىندا وتباسىنداعى بالالار سانى مەن تابىس دەڭگەيىنە قاراماستان، ءاربىر بالاعا 18 جاسقا تولعانعا دەيىن  جاردەماقى تولەۋدى ۇسىنىپ وتىر.