اشىلۋ سالتاناتىندا ءسوز سويلەگەن قازاقستان ەلشىسى ابزال ساپاربەك ۇلى تۇڭعىش پرەزيدەنت – ەلباسى, تۇركى كەڭەسىنىڭ قۇرمەتتى توراعاسى نۇرسۇلتان نازارباەۆتىڭ: «زامان وزگەرسە دە, الەم وزگەرسە دە, حالقىمىز اباي تۋرالى پىكىرىن وزگەرتپەيدى جانە ۋاقىت وتە كەلە ونىڭ ۇلىلىعىنىڭ جاڭا قىرلارىن اشادى» دەگەن سوزدەرىن كەلتىردى. ديپلومات سونداي-اق قاتىسۋشىلاردىڭ نازارىن مەملەكەت باسشىسى قاسىم-جومارت توقاەۆتىڭ: «اباي مۇراسى - بۇل ءبىزدى ۇلت رەتىندە بىرىكتىرەتىن جانە ەل رەتىندە دامۋعا مۇمكىندىك بەرەتىن قۇندىلىق» دەگەن سوزىنە اۋداردى.
ا. ساپاربەك ۇلى تۇرىك حالقىنا جانە چورۋم قالاسىنىڭ باسشىلىعىنا قازاق حالقى مەن ابايعا دەگەن قۇرمەتى ءۇشىن شىنايى العىسىن ءبىلدىرىپ, مۇنداي باستامالار ەكى ەل اراسىنداعى ستراتەگيالىق ىنتىماقتاستىقتى ودان ءارى كەڭەيتۋگە ىقپال ەتەتىنىن اتاپ ءوتتى.
چورۋم قالاسى گۋبەرناتورىنىڭ ورىنباسارى رەدجەپ يۋكسەل ءوز سوزىندە بۇگىن اشىلعان نىساندار قازاق جانە تۇرىك حالىقتارىنىڭ رۋحاني جانە مادەني جاقىندىعىن كورسەتەتىن ماڭىزدى وقيعا بولىپ تابىلاتىنىن اتاپ ءوتتى.
اباي اتىنداعى زالدا اقىننىڭ بالاۋىز ءمۇسىنى, ەكسپوناتتار مەن قولدان جاسالعان قازاق بۇيىمدارى قويىلعان. بۇل ماسەلەدە قازاقستاننىڭ دەنساۋلىق ساقتاۋ سالاسىنداعى ينۆەستيتسيالىق جوبالاردى ىسكە اسىراتىن Orhun Medical تۇرىك كومپانياسى ءتيىستى قولداۋ كورسەتتى.
