«سەريالدا ءۇش كەزەڭدەگى وقيعالار سۋرەتتەلگەن. ءتۇسىرىلىم جۇمىستارى الماتى وبلىسىندا جانە سەمەي قالالارىندا ءوتتى. كورەرمەندەرگە بۇل سەريال ۇنايتىنىنا سەنىمدىمىن», - دەدى جوبا پروديۋسەرى باتىر سازاحانوۆ.
ستسەناري اۆتورلارى - مۇرات ەسجان, ۇلاربەك نۇرعالىم ۇلى, ماقپال مادياروۆا. ستسەناريدىڭ كەڭەسشى قازاق جازۋشىسى, دراماتۋرگ, قازاقستاننىڭ ەڭبەك سىڭىرگەن قايراتكەرى - روزا مۇقانوۆا بولدى. جوبا ديرەكتورى - مۇرات ەسجان.
فيلم مۇحتار اۋەزوۆتىڭ «اباي جولى» رومان-ەپوپەياسىنىڭ قۇرىلۋ تاريحىن كەزەڭ-كەزەڭىمەن جاڭعىرتۋ ارقىلى ۇلى اقىننىڭ ءومىرى مەن شىعارماشىلىق ەرلىگىن اشادى. مۇحتار اۋەزوۆ اباي ءومىرى تۋرالى نەگىزگى ادەبي شىعارماعا جاستايىنان كىرىسكەن. كەڭەس جازۋشىسى بىرنەشە ونجىلدىقتار بويى مىڭداعان ادامداردان اقىن تۋرالى مالىمەتتەر جيناعان. وسى جىلدارى قازاق دالاسىندا اۋىر ساياسي وزگەرىستەر ورىن الدى. ستاليندىك قۋعىن-سۇرگىن مۇحتار اۋەزوۆتى دە اينالىپ وتكەن جوق. رومان اۆتورى بىرنەشە رەت تۇرمەگە جابىلدى. الايدا بۇل جاعدايلار جازۋشىنىڭ «الەم ادەبيەتى كىتاپحاناسىنا» ەنگەن روماندى جازىپ شىعارۋىنا كەدەرگى كەلتىرمەدى.
سەريالعا تانىمال قازاقستاندىق اكتەرلەر ءتۇستى. اباي ءرولىن ايدوس بەكتەمىر سومداسا, مۇحتار اۋەزوۆتىڭ جاس كەزىن - نۇرلان ءالىمجان سومدادى, عاليا رولىندە - كامشات جولدىباەۆا, ءابىشتىڭ رولىندە - كەنەن اقۇرپەكوۆ, ايگەرىمنىڭ رولىندە - ايان قوجبانوۆا, قايىمنىڭ رولىندە ەركەبۇلان دايىروۆ وينادى.
