وسى وقيعاعا ارنالعان سالتاناتتى راسىمدە اۋدان اكىمى مۇحيت مۇحتاروۆ پەن اۋىل اقساقالى بەكەجان حامزين ستەللانىڭ لەنتاسىن كەستى. اۋداندىق ءماسليحاتتىڭ حاتشىسى باكەن تولەۋقۇلوۆ, بەلگىلى جازۋشى كامەل جۇنىستەگى جانە اۋىل اقساقالى يساق جولعۇتتى قۋانىشقا قۇتتى بولسىن ايتىپ, اۋدان تۇرعىندارىنا ارناعان اق تىلەكتەرىن اقتاردى.
بيىكتىگى 10 مەتر بولاتىن الىپ ساعات ەسكەرتكىشى ءۇش كوشەنىڭ قيىلىسىنا تەگىن ورناتىلماعان. بۇل جەرگە اۋدان تۇرعىندارى كوپتەن بەرى اينالما جول سالۋ كەرەكتىگىن ايتىپ جۇرگەن ەكەن. مىنە ەندى, تۇندە جارىق شاشاتىن «ساعات» ستەللاسى ۋاقىتتى عانا كورسەتىپ قويماي, ەل تىلەگىنە وراي سالىنعان اينالما جولدىڭ ورتاسىندا ءۇش تاراپقا ءجون سىلتەپ, جول-كولىك قوزعالىسىنىڭ رەتتى بولۋىنا دا يگى ىقپالىن تيگىزەتىن بولدى.
«ساناۋلى كۇندەردەن كەيىن 2021 جىلدى قارسى الامىز. ياعني الداعى جىلى تاۋەلسىزدىگىمىزدى العانىمىزعا 30 جىل تولادى. «ساعات» ستەللاسى ۇلىق مەرەكەنىڭ وسىناۋ مەرەيتويىنا ارنالىپ ورناتىلدى. تاۋەلسىزدىك جىلدارىنداعى ەلىمىزدىڭ وتكەنى مەن بۇگىنىنىڭ جانە بولاشاعىنىڭ اراسىنداعى بەرىك دانەكەرى, ۋاقىتتىڭ ولشەمى رەتىندەگى ەسكەرتكىشتىڭ تاربيەلىك ءمانى زور دەپ سانايمىن», دەيدى شەت اۋدانىنىڭ اكىمى م.مۇحتاروۆ.
قاراعاندى وبلىسى,
شەت اۋدانى
