«مەديتسينالىق-سانيتارلىق العاشقى كومەك كورسەتۋ: توتەنشە جاعدايعا رەاكتسيا نەمەسە ناقتى ترانسفورماتسيا؟» تاقىرىبىندا وتكەن سەمينارعا ددۇ ەۋروپالىق ايماقتىق بيۋروسىنىڭ ەلدىك ساياسات جانە دەنساۋلىق ساقتاۋ جۇيەلەرى ءبولىمىنىڭ ديرەكتورى ناتاشا ازوپاردي مۋسكات, ۇلىبريتانيادان كەلگەن Nuffield Trust باس ديرەكتورى نايدجەل ەدۆاردس جانە ليتۆاداعى وتباسىلىق مەديتسينا كلينيكاسىنىڭ باسشىسى, وتباسىلىق دارىگەر يدا ليسەتسكەنە قاتىستى. ددۇ مساك جونىندەگى گقو باسشىسى مەليتتا ياكاب مودەراتور بولدى.
ۆەبيناردىڭ ءبىرىنشى بولىمىندە سپيكەرلەر COVID-19 پاندەمياسى باستالعالى العاشقى مەديتسينالىق-سانيتارلىق كومەك دەڭگەيىندە قىزمەت كورسەتۋدەگى وزگەرىستەر پاندەمياعا قارسى رەاكتسيا ما, الدە دەنساۋلىق ساقتاۋ جۇيەسىندەگى ۇزاققا سوزىلاتىن ناقتى ترانسفورماتسيا ما دەگەن ماسەلەنى تالقىلادى.
م.شورانوۆ پاندەميا باستالعاننان كەيىن 11 اي وتكەن سوڭ ۇكىمەت ارنايى شارالار قابىلداپ, وتاندىق دەنساۋلىق ساقتاۋ جۇيەسىن قايتا قۇرۋدى باستاعانىن اتاپ ءوتتى. ال زاڭناما, ينفراقۇرىلىم, ءدارى-دارمەك ساتىپ الۋ ءادىسىن جانە قىزمەتكەرلەرگە ءبىلىم بەرۋ باعدارلاماسىن جەتىلدىرۋ بولاشاقتا پاندەميانىڭ الدىن الۋى ءۇشىن قاجەت. سونداي-اق دارىگەرلىك قابىلداۋدان باس تارتۋ جانە تەلەفون مەن بەينە كونسۋلتاتسياعا كوشۋدەگى مساك دەڭگەيىندە قىزمەت كورسەتۋدەگى وزگەرىستەردىڭ سالدارى تالقىلاندى. ينفەكتسيا تارالۋىنىڭ الدىن الۋعا ىقپال ەتەتىن ساياسي شەشىمدەر قابىلدانادى, مىسالى, ينفەكتسياعا كۇدىكتى پاتسيەنتتەرگە جەكە كىرۋدى ۇيىمداستىرۋ, ءموبيلدى توپتار جانە مەديتسينا قىزمەتكەرلەرىنىڭ دەنساۋلىعىن قورعاۋ ىسپەتتى. سونىمەن قاتار ساراپشىلار مساك دەڭگەيىندەگى مۋلتيديستسيپلينارلىق كوماندالاردىڭ جۇمىسىن تالقىلادى. م.شورانوۆ COVID-19 پاندەمياسى كەزىندە مساك بريگادالارى پاتسيەنتتەرگە, اسىرەسە قوسىمشا اۋرۋى بار ناۋقاستارعا كومەك كورسەتۋدە ۇلكەن ءرول اتقارعانىن اتاپ ءوتتى. مۇنداي كوماندالار قازاقستاندا 2018 جىلى مساك جونىندەگى استانا دەكلاراتسياسى قابىلدانعاننان كەيىن دايىندالا باستالدى. قازاقستاندا باستاپقى بۋىن ماماندارىنىڭ مۋلتيديستسيپلينارلىق كومانداسىندا (شامامەن 40 مىڭ ادام): وتباسىلىق دارىگەرلەر, وتباسىلىق مەدبيكەلەر, پاتروناجدىق مەدبيكەلەر, الەۋمەتتىك قىزمەتكەرلەر (2500 ادام), پسيحولوگتار (1500 ادام), ءسوس ماسەلەلەرى بويىنشا ماماندار, دەنساۋلىقتى نىعايتۋ بويىنشا 9 نەگىزگى مەكتەپتى جۇرگىزۋشىلەر جۇمىس ىستەيدى.
بۇدان ءارى تالقىلاۋ پاتسيەنتتەرگە قولجەتىمدى مەديتسينالىق قىزمەتتەرگە قاتىستى بولدى. ۆەبيناردىڭ ەكىنشى بولىمىندە تالقىلاۋعا ەۋروپالىق ايماق ەلدەرىنىڭ دەنساۋلىق ساقتاۋ ساراپشىلارى قوسىلدى. تالقىلاۋ 2 تاقىرىپقا ءبولىندى: «شۇعىل ارەكەت ەتۋ نەمەسە تۇراقتى ترانسفورماتسيا؟» جانە «كەدەرگىسىز يننوۆاتسيالار». ۆەبينار اعىلشىن جانە ورىس تىلدەرىندە ءوتتى. مۇنداي ءىس-شارالار العاشقى مەديتسينالىق-سانيتارلىق كومەك كورسەتۋ بويىنشا جۇمىس ىستەيتىن ءتۇرلى دەڭگەيدەگى ساراپشىلاردى جينايدى, پىكىر الماسۋعا, الەۋەتتى ارتتىرۋعا, دەنساۋلىق ساقتاۋ جۇيەسىن نىعايتۋعا ىقپال ەتەدى جانە سايىپ كەلگەندە, حالىقتىڭ دەنساۋلىعىن جاقسارتۋعا اسەر ەتەدى.
