يدەيا اۆتورى – «NAC ANALYTICA» نازارباەۆ ۋنيۆەرسيتەتىنىڭ اعا عىلىمي قىزمەتكەرى ازات ايتۋار. ونىڭ پىكىرىنشە, كومپانيا قۇرۋ كەزىندە ءاربىر IT-كاسىپكەر ەكسپورتتىڭ ۇلكەن نارىعىنا شىعۋدى جوسپارلاۋى كەرەك. ەگەر جوبا مەن ونىڭ يدەياسى ەرەكشە بولسا, وندا بۇل كومپانيانىڭ قىسقا مەرزىمدە دامۋىنا كومەكتەسەدى. ويتكەنى IT-سەكتور ءوز ءمانى بويىنشا ەلەۋلى لوگيستيكالىق شىعىنداردى تالاپ ەتپەيدى.
«مەملەكەتتىڭ ەكسپورتتىق يدەيالارعا باستاپقى كەزدەن باستاپ قولداۋ كورسەتۋى وتە ماڭىزدى. سەبەبى ءوز ەرەكشەلىگىنە يە جوبالاردىڭ ەكسپورتقا شىعۋ مۇمكىندىگى زور. ەلدەگى كوپتەگەن ءىرى كومپانيالار باتىستىق يدەيانى كوشىردى نەمەسە جەرگىلىكتى نارىققا بەيىمدەلگەن جوبالارىن دامىتۋدى ۇزاق ۋاقىت جۇرگىزگەن. وسى ۋاقىت ىشىندە وسىنداي يدەياعا يە شەتەلدىك كومپانيالار ءىرى نارىقتا اۋقىمدى ۇنەمدەۋگە قول جەتكىزدى. ال ءبىزدىڭ كومپانيالار باعا نەمەسە ساپا جاعىنان ولارمەن باسەكەگە تۇسە المايدى», دەدى ا.ايتۋار.
– جوسپار بويىنشا «ەكسپورتتىق ينكۋباتور» جوباسى ەكى كەزەڭدە جۇزەگە اسىرىلادى. ءبىرىنشىسى, الەۋەتتى كاسىپكەرلەرگە ارنالعان ونلاين-الاڭ قۇرۋ. مۇندا يدەياڭىزدى تالداۋعا قاجەت ءبىلىم بەرىلەدى. كاسىپكەر جوباسىنىڭ قانشالىقتى ءتيىمدى ەكەنىن, قانشالىقتى ورىندى ەكەنىن انىقتايدى جانە ناتيجەسىندە ءوزىنىڭ بولاشاق كومپانياسىنىڭ ەكسپورتتىق ستراتەگياسىن راسىمدەيدى. ەكىنشى كەزەڭ – ەكسپورتتىق ينكۋباتورعا قاتىسۋ ءۇشىن ەڭ جاقسى ستراتەگيالاردى تاڭداۋ. ولاردىڭ نەگىزىندە ءبىز بىرەگەي, پەرسپەكتيۆالى يدەيالاردى تاڭداپ, ولاردى ەكسپورتقا شىعارۋ ءۇشىن قولداي الامىز, – دەپ اتاپ ءوتتى ساراپشى.
ينكۋباتوردىڭ نەگىزگى مىندەتى – كاسىپكەرلەردى ەكسپورتتىق اكسەلەراتورعا – مەملەكەتتىك قولداۋ باعدارلاماسىنا دايىنداۋ. ەكسپورتتىق ينكۋباتوردا وقۋدى اياقتاعاننان كەيىن كاسىپكەرلەر وزدەرىنىڭ ەكسپورتتىق ستراتەگياسىن اياقتايدى جانە قاي نارىقتا ءوز تاۋارىنا سۇرانىس بولاتىنىن, وعان قانداي باعامەن كىرۋ كەرەك جانە ءوز تاۋارلارىن قالاي ورنالاستىرۋ كەرەگىن بىلەدى. بۇدان ءارى ەكسپورتتىق اكسەلەراتوردىڭ جۇمىس ىستەپ تۇرعان باعدارلاماسىندا كاسىپكەرگە تاۋارلار مەن قىزمەتتەردى شەتەلدىك نارىقتارعا جىلجىتۋدا جانە الەۋەتتى سەرىكتەستەرمەن جانە كليەنتتەرمەن كەلىسىمشارتتار جاساسۋ ءۇشىن نىسانالى نارىقتاردا كەزدەسۋلەر ۇيىمداستىرۋدا كومەك كورسەتىلەتىن بولادى.
