بۇل تۋرالى وسكەمەن قالاسىنىڭ اكىمى جاقسىلىق ومار حابارلادى.
"بۇگىن كەشكە وسكەمەن قالاسىنىڭ قۇرمەتتى ازاماتى ۆەرا نيكولاەۆنا سۋحورۋكوۆانىڭ مەزگىلسىز ومىردەن وتكەنىن وكىنىشپەن حابارلايمىن. ۆەرا نيكولاەۆنانىڭ تۋىستارى مەن جاقىندارىنا قايعىرىپ كوڭىل ايتامىن", - دەپ جازدى جاقسىلىق ومار.
ۆەرا سۋحورۋكوۆا 1951 جىلى 10 تامىزدا شىعىس قازاقستان وبلىسى شەمونايحا اۋدانى ۆىدريحا اۋىلىندا دۇنيەگە كەلگەن. وسكەمەن جول-قۇرىلىس ينستيتۋتىن بىتىرگەننەن كەيىن مەملەكەتتىك ورگانداردا جۇمىس ىستەگەن.
1999 جىلى وسكەمەن قالاسىنىڭ اكىمى بولىپ تاعايىندالدى. ودان كەيىن 2003-2004 جىلدارى شىعىس قازاقستان وبلىسى اكىمىنىڭ ورىنباسارى بولدى.
قازاقستان رەسپۋبليكاسى پارلامەنتى ءماجىلىسىنىڭ ءىىى شاقىرىلىمىنىڭ دەپۋتاتى بولىپ, ەكونوميكالىق رەفورما جانە وڭىرلىك دامۋ كوميتەتىن باسقاردى.
وسكەمەن قالاسىنىڭ الەۋمەتتىك-ەكونوميكالىق دامۋىنا قوسقان زور ۇلەسى ءۇشىن قالانىڭ قۇرمەتتى ازاماتى اتاعى بەرىلدى.
"قۇرمەت" جانە "بارىس" وردەندەرىمەن ماراپاتتالعان.
