وقيعا • 20 جەلتوقسان، 2020

ۇگىت جۇمىسى پارمەندى جۇرگىزىلۋدە

80 رەت كورسەتىلدى

قازاقستان حالىق پارتياسىنىڭ وكىلدەرى ەلىمىزدىڭ تۇكپىر-تۇكپىرىندە پارتيانىڭ سايلاۋالدى ۇگىت-ناسيحات جۇمىستارىن جۇرگىزىپ جاتىر. بۇل جۇمىستار ەڭ الدىمەن ەلىمىزدەگى دەنساۋلىق ساقتاۋ، ەڭبەك ادامى­نىڭ قۇقىعىن قورعاۋ، قولجەتىمدى باسپانا، تەگىن ءارى ساپالى ءبىلىم بەرۋ ماسەلەلەرىن قامتىپ وتىر.

سايلاۋالدى ۇگىت-ناسيحات ناۋقانى اياسىندا ۇيىم­داس­تى­رىلعان ءىس-شارادا قحپ بالالاردىڭ دەنساۋلىعىنا نەم­قۇرايدى قاراماۋعا شاقىرادى.

نۇر-سۇلتان قالاسىندا اتالعان پارتيانىڭ اتىنان پار­لا­مەنت ءماجىلىسىنىڭ دەپۋتاتتىعىنا كانديداتتار ولجاس سىزدىقوۆ پەن يسلام سۇڭقار ەرەكشە بالالارعا ارنالعان «سپينا بيفيدا» قورىنىڭ باسشىلارىمەن، اتا-انالارمەن كەزدەسۋ وتكىزدى.

كەزدەسۋ بارىسىندا اتا-انالار ارقا بيفيدا اۋرۋى، مەدي­تسينالىق قىزمەت كورسەتۋ ساپاسى جانە الەۋمەتتىك كەپىل­دىككە قاتىستى ماسەلەلەردى كوتەردى. ديالوگ كەزىندە قازاقستان حالىق پارتياسىنىڭ سايلاۋالدى پلاتفورماسى ۇسىنىلدى. وندا قازاقستاننىڭ ءاربىر ازاماتىن قولجەتىمدى جانە ساپالى مەديتسينامەن قامتاماسىز ەتۋگە باسىمدىق بەرىلگەن.

قحپ وكىلدەرى بەدەلدى كاسىپوداقتار جۇمىسشىلاردى قورعاۋى كەرەك ەكەنىن ايتۋدا. جۋىردا اتىراۋ قالاسىنداعى كاسىپوداقتار ءۇيىنىڭ كىشى زالىندا قازاقستان حالىق پارتياسىنىڭ وكىلدەرى ەڭبەك ۇجىمدارىمەن، مۇناي-گاز سەكتورىنىڭ قىزمەتكەرلەرىمەن كەزدەسۋ وتكىزدى.

ءىس-شارا بارىسىندا جۇمىسشىلاردىڭ قۇقىعىن شىنايى قورعايتىن تاۋەلسىز كاسىپوداقتاردى قولداۋ باستاماسى ءتۇسىندىرىلدى. كاسىپوداقتار ەل ازاماتتارىنىڭ قۇقىقتارىن قورعاپ، ەڭبەك داۋلارىن ءادىل شەشۋى كەرەك.

قحپ قولجەتىمدى باسپانالاردىڭ جاستارعا قولجەتىمسىزدىگىن ايتۋدا. وسىعان بايلانىستى، قازاقستان حالىق پارتياسىنىڭ استانا قالالىق فيليالىندا «جاستارعا ارنالعان قولجەتىمدى باسپانا» تاقىرىبىندا قوعامدىق تىڭداۋ ءوتتى. ءىس-شارانى قحپ استانا قالالىق كوميتەتىنىڭ جاستار قاناتى ۇيىمداستىردى. پارتيا مۇشەلەرىنىڭ ايتۋىنشا، قازاقستاندا مەملەكەتتىك تۇرعىن ءۇي باعدارلامالارى بارشىلىق. الايدا جاستارعا قولجەتىمدى باسپانا جوق.

قحپ تەگىن ءارى ساپالى ءبىلىمدى قولداپ وتىر. ماسەلەن، قازاق­ستان حالىق پارتياسى وتكىزگەن «مەن تەگىن ءبىلىمدى قولداي­مىن!» ينتەرنەت-اكتسياسى قوعامدا ءدۇمپۋ تۋدىردى. پار­لا­مەنت ءماجىلىسىنىڭ دەپۋتاتى، پارتيا توراعاسى ايقىن قوڭىروۆ: «...ءبىلىم بەرۋ مەملەكەتتىڭ جۇيەقۇراۋشى ينس­تيتۋتى بو­لىپ تابىلادى. مۇنايدىڭ ءداۋىرى ءوتىپ بارادى. ادام كاپي­تالى ءبىرىنشى ورىنعا شىعا باستادى. ساپالى ءارى قولجەتىمدى بىلىمگە ينۆەستيتسيا تارتۋ – بولاشاققا قۇيىلعان ينۆەستيتسيا»، دەدى.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار