بيزنەستىڭ الەۋمەتتىك جاۋاپكەرشىلىگى سالاسىنداعى derekhub.kz سەرۆيسى قازاقستان بويىنشا الەۋمەتتىك ماڭىزى بار ازىق-ت ۇلىك تاۋارلارىنا ء(امات) جانە دارىلىك زاتتاردىڭ باعالارىنا مونيتورينگ جاساۋعا جانە تالداۋعا مۇمكىندىك بەرەدى. derekhub.kz ارقىلى وتاندىق بيزنەسمەندەر مەن تۇتىنۋشىلار ءامات وزەكتى باعالارىن جانە ساۋدا جانە ينتەگراتسيا مينيسترلىگى بەلگىلەگەن شەكتى قۇن نورمالارىن كورە الادى.
«مۇنداي پلاتفورمانىڭ يدەياسى پاندەميا كەزىندە تاۋارلار مەن ءدارى-دارمەكتەردىڭ 10-نان 30%-عا دەيىن ايتارلىقتاي قىمباتتاۋى بايقالعان كەزدە قالىپتاستى. بۇعان دەيىن ۆەدومستۆو بەلگىلەگەن ليميتتەردە باعانىڭ ۇستالۋىن تەكسەرۋ ءۇشىن بارلىق ءوڭىردى قامتۋعا مۇمكىندىك بەرمەيتىن ءىشىنارا تەكسەرۋلەر جۇرگىزۋ قاجەت بولاتىن. ەندى بۇل ءۇشىن ءبىز ازىرلەگەن سەرۆيستى پايدالانۋ جەتكىلىكتى», دەدى ساۋدا جانە ينتەگراتسيا مينيسترلىگىنىڭ ىشكى ساۋدا دەپارتامەنتى ديرەكتورىنىڭ ورىنباسارى ەرلان ەشنازاروۆ.
ساۋدا جانە ينتەگراتسيا مينيسترلىگى بيزنەستى, ساۋدا وبەكتىلەرىن وسى باستامالارعا ەرىكتى نەگىزدە قاتىسۋعا شاقىرادى. ونىڭ شەڭبەرىندە پلاتفورماعا قاتىسۋشى كومپانيالار زاڭدى ماسەلەلەر بويىنشا بيزنەستى قولداۋدىڭ تەگىن جەدەل جەلىسىنە جانە مينيسترلىكتىڭ اتاۋلى سەرتيفيكاتتارىنا, سونداي-اق ءامات نارىقتىق باعالارى بويىنشا تۇراقتى تالدامالىق ەسەپتەرگە, بۇلتتى فيسكالدىق قۇرالعا جانە dosmart نيەتتەستىك كارتاسىنا تەگىن جازىلۋعا, كەپىلسىز كرەديت ونىمدەرىنە جانە الفا بانكتەن تولەم قۇرالدارىنا قول جەتكىزە الادى. سونداي-اق ۆەدومستۆو تاراپىنان جىلدىڭ الەۋمەتتىك جاۋاپتى كاسىپكەرلەرىنە «ادال ساتۋشى» («Trusted businnes») اتالىمى بەرىلەدى.
پلاتفورما قاناتقاقتى رەجىمدە ىسكە قوسىلدى. كاسىپكەرلەر باعالاردى جۇكتەي الادى جانە تاريحتى جەكە كابينەتتەن كورە الادى. ريتەيل-اناليتيكا ولارعا تەگىن تولىق كولەمدە قولجەتىمدى بولادى.
