ساياسات • 20 جەلتوقسان، 2020

مەرەكەلىك جيىنعا ومبىلىق، سامارالىق قازاقتار قاتىستى

15 رەت كورسەتىلدى

وبلىس ورتالىعىندا ونلاين-فورماتتا «تاۋەلسىز قازاق­ستان تاريح تولقىنىندا» حالىق­ارالىق عىلىمي-پراكتيكالىق كونفەرەنتسيا ءوتتى. كونفەرەنتسيا جۇمىسىنا عالىمدار، وبلىس­تىق قحا ەتنومادەني بىرلەستىك­تەرىنىڭ جەتەكشىلەرى، ومبىلىق، سامارالىق قازاقتار، جەرگىلىكتى ستۋ­دەنتتەر قاتىستى.

سۋرەتتى تۇسىرگەن ەربول تەمىروۆ

جيىنعا وبلىس اكىمنىڭ ورىنباسارى ايزادا قۇرمانوۆا قاتىستى. ءوز سوزىندە ەلباسى نۇرسۇلتان نازار­باەۆتىڭ ەل تاۋەل­سىز­دىگىن نىعايتۋداعى ەڭبەگى تۋرالى ايتىپ ءوتتى.

ال، 1986 جىلعى جەلتوقسان وقي­عاسىنا قاتىسقان، تورايعىروۆ ۋني­ۆەر­سيتەتى ە.بەكماحانوۆ اتىنداعى عىلىمي-پراكتيكالىق ورتالىقتىڭ ديرەكتورى امانتاي قۇداباەۆ تاۋەل­سىزدىك جانە قازاق حالقىنىڭ وعان بارار جولداعى قيىندىقتارى تۋرالى تاريح ساباق جاستاردىڭ سا­ناسىنىڭ دامۋىنا ۇلكەن اسەر ەتەتىنىن اتاپ ءوتتى.

سونىمەن بىرگە، «اق بۇلاق» قازاق جەكسەنبىلىك ۇلتتىق مەكتەبىنىڭ پەداگوگى، سامارا وبلىسىنىڭ ەڭبەك سىڭىرگەن مادەنيەت قىزمەتكەرى ايگۇل جالەلوۆا سامارادا قازاق بالالارىنا انا ءتىلىن، تۋعان حالقىنىڭ سالت-داستۇرلەرىن ۇيرەتۋ ءۇشىن جۇرگىزىلىپ جاتقان جۇمىستار تۋرالى ايتىپ بەردى.

– 2003 جىلدان باستاپ سامارا وبلىسىندا «ايگۇل» حالىق بي ءانسام­بلى جانە «مارجان» حالىق ءسان تەاترى جۇمىس ىستەيدى، – دەدى ايگۇل جالەلوۆا. – «مارجان» ءسان تەاترى قازاقتىڭ ۇلتتىق كيىمدەرى نەگى­زىندە ساندىك كوللەكتسيالار ازىر­لەي­دى. وسى كوللەكتسيالارمەن ءسان تەاترى كوپ جىلدار بويى قالانىڭ ۇل­كەن الاڭدارىندا ونەر كورسەتىپ، قازاقتىڭ ۇلتتىق كيىمدەرىن بالالار مەن جاسوسپىرىمدەردىڭ ونەرى مەن شىعارماشىلىعىنىڭ كەرەمەت تۋىن­­دىسى رەتىندە كورسەتىپ، قازاق حال­قىنىڭ مادەنيەتىن ناسيحاتتايدى.

«اق بۇلاق» مەكتەبىنىڭ پەداگوگتارى «اتا مۇرا» قازاق مادەنيەتى مەرەكەسى، «قازاق سۇلۋى»، «جىگىت سۇل­تانى» بايقاۋلارى، «التىن بالاپان» بالالار سۇلۋلىق كونكۋرسى جانە ت.ب. سياقتى تۋعان حالقىنىڭ سالت-داستۇرلەرىن زەردەلەۋ بويىنشا كوپتەگەن جوبالاردىڭ اۆتورلارى بولىپ تابىلادى.

ومبىداعى ء«مولدىر» قازاق ما­­دەنيەتى ورتالىعىنىڭ مۇشەسى مۇرات شولاقوۆ دومبىرادا ويناۋدى ۇيرەنىپ، تۋعان حالقىنىڭ دۇنيە­تانىمىنىڭ تەرەڭدىگىن تۇسىنە العانىن ايتتى. سونداي-اق ول ءوز بايانداماسىندا رەسەي اۋماعىندا تۇراتىن قازاق جاستارى ءۇشىن انا ءتىلى مەن ۇلت مادەنيەتىن زەردەلەۋ ماڭىزدى ەكەنىن اتاپ ءوتتى.

 

پاۆلودار وبلىسى

 

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

كوكسەرەك-عۇمىر

رۋحانيات • بۇگىن، 07:54

تەكتى تەرمەشى

رۋحانيات • بۇگىن، 07:53

ۇقساس جاڭالىقتار