تاۋەلسىزدىك – ەل بيىكتىگىنىڭ بەينەسى, الىپتىعىمىزدىڭ ايناسى, تاتۋلىعى-مىزدىڭ تىرەگى. ەل پرەزيدەنتى اتاپ وتكەندەي, «بۇل – ۇلتتىڭ رۋحىن كوتەرەتىن, ۇرپاقتىڭ مەرەيىن وسىرەتىن مارتەبەلى مەيرام». ءار جىلى ءبىز ەڭ باستى ۇلتتىق مەرەكەمىزدى اتاپ وتە وتىرىپ, وسى ءبىر كيەلى قۇندىلىعىمىزدىڭ تاۋەلسىز مەملەكەت رەتىندە وركەندەۋدەگى ورنى مەن رولىنە كوز جەتكىزە تۇسەمىز.
1991 جىلى 16 جەلتوقساندا پارلامەنت «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭدى قابىلدادى. بۇل زاڭ ەلىمىزدىڭ ەگەمەندىگى مەن تۇتاستىعىن ءارى الەمنىڭ ساياسي كارتاسىنداعى ورنىن ماڭگىلىككە بەكىتتى. ەگەمەن ەلىمىزدىڭ بۇل زاڭى اتا-بابامىزدىڭ تاۋەلسىز مەملەكەت قۇرۋ تۋرالى ارمانىنىڭ جۇزەگە اسۋىنىڭ كورىنىسى بولىپ تابىلادى. وسىلايشا, ەگەمەندىگىمىزدى جاريالاعاننان كەيىن عانا ءبىز دەربەس ساياساتىمىزدى جۇرگىزۋگە مۇمكىندىك الدىق. تاريحىمىزدى تۇگەندەپ, ءتىلىمىز بەن ءدىنىمىزدى قايتا ورالتتىق,
29 جىل تاريح كوزىمەن قاراعاندا شامالى عانا مەرزىم. الايدا, وسى كەزەڭدە ەلباسىنىڭ سارابدال ساياساتىنىڭ ناتيجەسىندە تاريحي شەشىمدەر قابىلدانىپ, ەگەمەن ەلدىڭ ىرگەتاسى بەكىدى, اۋقىمدى رەفورمالار جۇرگىزىلدى. مەملەكەتتىك شەكارامىز بەكەمدەلىپ, الەم ەلدەرىمەن سەنىمدى دوستىق جانە ىنتىماقتاستىق قارىم-قاتىناس ورناتىلدى. تۇڭعىش پرەزيدەنتىمىزدىڭ باستاماسىمەن قازاقستان حالقى اسسامبلەياسى قۇرىلدى, «بولاشاق» باعدارلاماسى ارقىلى جاستار الەمنىڭ ۇزدىك وقۋ ورىندارىندا ءبىلىم الۋدا.
تاريحي تۇرعىدان از ۋاقىت ىشىندە قازاقستان دامىعان نارىقتىق ەكونوميكاسى, ورنىقتى ساياسي جۇيەسى بار وسى زامانعى مەملەكەت رەتىندە قالىپتاستى. بەيبىتشىلىك سۇيگىش ەل رەتىندە يادرولىق سىناقتار پوليگونىن جاپقان قازاقستان بۇگىندە يادرولىق قاۋىپسىزدىك رەيتينگىندە ەڭ قاۋىپسىز ەلدەردىڭ قاتارىنا كىرەدى.
تاۋەلسىز ەلدىڭ وكىلەتتى جانە زاڭ شىعارۋشى ورگانى رەتىندە قوس پالاتالى پارلامەنتتىڭ قۇرىلۋى – مەملەكەتتىڭ جاڭا دامۋ ساتىسىنا كوتەرىلگەندىگىنىڭ ايقىن ءبىر كورسەتكىشى. بۇگىنگى كۇنى قازاقستان پارلامەنتى مەملەكەتىمىزدىڭ دامۋىنا اسا قاجەتتى, ۋاقىتپەن ۇندەس ءارى ەكونوميكالىق دامۋدى ىلگەرىلەتە تۇسەتىن ساپالى زاڭداردى قابىلداپ كەلەدى.
تاۋەلسىزدىكتىڭ العاشقى كۇندەرىنەن باستاپ ەلىمىزدىڭ ساياساتى ۇزاق مەرزىمگە نەگىزدەلدى, قازاقستاندىقتاردىڭ ءال-اۋقاتى, ءومىردىڭ جوعارى ساپاسىنا جۇيەلى دە ماقساتتى ۇمتىلىسى ونىڭ باستى ۇستانىمدارى رەتىندە ايقىندالىپ, ساباقتاستىق تاۋىپ كەلەدى. قازىرگى قازاقستان ءوزىنىڭ تاريحي جەرىندە جاڭا ۇلگىدەگى قازاق مەملەكەتتىلىگىن جاڭعىرتىپ, əلەمدە تولىققاندى مەملەكەت رەتىندە ءومىر سۇرۋگە قاجەتتى بارلىق قۇرىلىمدار مەن مۇمكىندىكتەرگە يە بولدى. وسى الەۋەتىمىزدى ءتيىمدى پايدالانىپ, باسەكەگە قابىلەتتى ەل اتانۋ ءۇشىن بۇكىل قوعام بولىپ بىلىكتىلىگىمىزدى, كۇش-جىگەرىمىزدى ورتاق ماقساتقا جۇمىلدىرۋىمىز قاجەت.
تاۋەلسىزدىكتىڭ ءار جىلى تاريحتا ءوز ەرەكشەلىكتەرىمەن قالادى. بيىل ۇلى ابايدىڭ 175 جىلدىق مەرەيتويى, ءال-ءفارابيدىڭ 1150 جىلدىعى, ۇلى وتان سوعىسىنداعى جەڭىستىڭ 75 جىلدىعى, كونستيتۋتسيامىز بەن قازاقستان حالقى اسسامبلەياسىنىڭ 25 جىلدىعى سياقتى ايتۋلى داتالار اتاپ ءوتىلدى. كەلەر جىل – تاۋەلسىزدىگىمىزگە 30 جىل تولاتىن مەرەكەلىك جىل.
مەملەكەت باسشىسى قاسىم-جومارت توقاەۆ مەرەيتوي جىلىندا ساياسي جانە ەكونوميكالىق رەفورمالار ودان ءارى جالعاساتىنىن ايتا كەلىپ, تسيفرلاندىرۋ, ادام قۇقىقتارىن قورعاۋ, دەنساۋلىق ساقتاۋ جانە ءبىلىم بەرۋدى دامىتۋ, ەكولوگيانى قورعاۋ اياسىندا اۋقىمدى ىستەر جۇزەگە اساتىنىن اتاپ وتكەن بولاتىن. «بۇكىل حالقىمىز زامان اعىمىنا ىلەسە بىلۋگە ءتيىس. وزگەرىستەرگە بەيىمدەلە الاتىن جۇرت قانا ۋاقىت تىنىسىن ءدوپ باسادى. ءبىز ءبىلىمدى ءəرى بىلىكتى, ۇقىپتى جəنە جاۋاپتى, ىسكەر دە ەڭبەكقور جۇرت بولۋىمىز قاجەت», دەدى پرەزيدەنت.
بۇل ايتۋلى بەلەسكە جاڭا جەتىستىكتەرمەن قادام باسىپ, تاۋەلسىز ەلىمىزدىڭ دامىپ, وركەندەۋىنە بارىنشا اتسالىسىپ, ەل رۋحىن اسقاقتاتا بەرەمىز دەپ سەنەمىن.
دۇيسەنعازى مۋسين,
پارلامەنت سەناتىنىڭ دەپۋتاتى
