جاڭا جولدار سالۋ, كۇتىپ ۇستاۋ, ەسكىلەرىن جوندەۋ قاشاندا كۇن تارتىبىندەگى ءتۇيىندى ماسەلە سانالسا, بۇگىندە ماڭىزدىلىعى ودان سايىن زور. قازىرگى كەزدە اۆتوموبيل سانى جەدەل وسۋىنە, اۋىر جۇك كوتەرەتىن, جوعارى جىلدامدىقپەن جۇرەتىن, جولاۋشىلار تاسىمالداۋ, كولىكتەر قاتىناسى ۇلعايا تۇسۋىنە بايلانىستى حالىقارالىق ستاندارتتارعا ساي بولۋى قاجەتتىگى ءومىر ءوزى قويىپ وتىرعان تالاپ.
جاڭا جولدار سالۋ, كۇتىپ ۇستاۋ, ەسكىلەرىن جوندەۋ قاشاندا كۇن تارتىبىندەگى ءتۇيىندى ماسەلە سانالسا, بۇگىندە ماڭىزدىلىعى ودان سايىن زور.قازىرگى كەزدە اۆتوموبيل سانى جەدەل وسۋىنە, اۋىر جۇك كوتەرەتىن, جوعارى جىلدامدىقپەن جۇرەتىن, جولاۋشىلار تاسىمالداۋ, كولىكتەر قاتىناسى ۇلعايا تۇسۋىنە بايلانىستى حالىقارالىق ستاندارتتارعا ساي بولۋى قاجەتتىگى ءومىر ءوزى قويىپ وتىرعان تالاپ. بۇل كۇردەلى سالادا جەتىستىكتەرمەن بىرگە كەمشىلىكتەر دە كەزدەسۋى جاسىرىن ەمەس. اۆتوموبيل جولدارى جوبالارىنىڭ ساپاسىز سالىنۋى, ءتيىستى نورماتيۆتىك قۇجاتتاردىڭ ەسكىرۋى, جولدى تالاپقا سايكەس سالماعان مەردىگەرلەردى جاۋاپكەرشىلىككە تارتۋ شارالارىنىڭ جەتىمسىزدىگى سياقتى ىسكە ورالعى جايلار بارشىلىق. الايدا, جاعىمدى وزگەرىستەرگە بەتبۇرىس ونى بىرتە-بىرتە ازايتىپ تا كەلەدى. وسى ورايدا, سوڭعى ۋاقىتتاعى كورسەتكىشتەر, ماسەلەن, جاقسى جانە قاناعاتتانارلىق ساناتتاعى جولدار بۇدان ءۇش جىل بۇرىن 65 پايىزدى قۇراسا, بيىل 75 پايىزعا كوتەرىلدى. بۇل ۋاقىت ارالىعىندا جاڭادان سالىنىپ, جوندەلگەن 1424 شاقىرىم جول جاعدايى سوعان جاۋاپ بەرە الادى.
اعىمداعى جىلى رەسپۋبليكالىق جانە وبلىستىق ماڭىزى بار 750 شاقىرىم جول لايىقتى قالىپقا كەلتىرىلدى. ەڭ باستىسى – ساپالىق دەڭگەيىن جاقسارتۋ العا قويىلىپ وتىر. وسىعان وراي وبلىستا اۆتوموبيل جولدارىندا جوندەۋ جۇمىستارىنىڭ ساپاسىن بەسساتىلىق جۇيە بويىنشا باقىلاۋ, اتاپ ايتقاندا, تەحنيكالىق قاداعالاۋ قىزمەتتەرىن كورسەتۋ ماقساتىندا ينجەنەرلىك قىزمەتتەردى, اۆتورلىق قاداعالاۋدى, «قاراعاندىجوللابوراتوريا» مم تاۋەلسىز مەملەكەتتىك زەرتحاناسىن كولدانۋ جۇرگىزىلەدى, ءاربىر جوندەلەتىن جولعا جاۋاپتى تاپسىرىس بەرۋشىنىڭ مامانى بەكىتىلدى.
اتاپ وتەرلىك ءبىر جايت, سالا جۇمىستارى نەگىزىنەن وبلىس جول-قۇرىلىس يندۋسترياسى كۇشىمەن اتقارىلۋدا. بيتۋمنان باسقا قولدانىلاتىن بارلىق ماتەريالدار جەرگىلىكتى كاسىپورىندار ونىمدەرى بولىپ تابىلادى. بيىل اسفالتتىڭ جاڭا ءتۇرى – قيىرشىق تاستى ماستيكالىق بەتون كەڭ قولدانىسقا ەندى. سونداي-اق, ءوزىمىزدىڭ مەتاللوگوفرالىق قۇبىرلاردى پايدالانۋ ۇنەمدىلىككە, جەڭىل تاسىمالدانۋعا, ايازعا توزىمدىلىككە, قۇراستىرۋعا جەڭىلدىككە مۇمكىندىك بەرىپ وتىر. تەكتۇرماس كەن ورنىندا گرانيتتى شىعارۋ ۇلعايتۋ جانە ونى وڭدەيتىن ارنايى قۇرىلعىلار ورناتۋ ارقىلى گرانيتتى بورديۋرلەر تولىعىمەن قامتاماسىز ەتىلەتىن بولدى. پوليمەر ماتەريالدارى زاۋىتى بۇعان دەيىن وبلىسىمىزدا شىعارىلىپ كورىلمەگەن جول بلوكتارى مەن كونۋستارىن وندىرە باستادى. اتالعان بۇيىمدار قالا ىشىندە, ەلدى مەكەندەردە, اۆتوماگيسترالداردا كەڭىنەن پايدالانىلادى.
وسى جازدا استانا – قاراعاندى باعىتىنداعى 4 جولاقتى جول قۇرىلىمىنىڭ باستالۋى ايماق ومىرىنە ۇلكەن وزگەرىستەر اكەلگەلى وتىر. ەلىمىزدەگى تاعى ءبىر جاڭا كۇرەتامىردا قۇرىلىس جۇمىستارى قىزۋ قارقىنمەن جۇرگىزىلۋدە.
بۇل رەتتە ەلباسىنىڭ كەڭەيتىلگەن ۇكىمەت وتىرىسىندا ايتقان سىن-ەسكەرتپەلەرى مەن تاپسىرمالارى قاتاڭ ەسكەرىلمەك.
ماقسۇت قوجانوۆ,
قاراعاندى وبلىستىق جولاۋشىلار كولىگى
جانە اۆتوموبيل جولدارى باسقارماسى باسشىسىنىڭ ورىنباسارى.
