كەشە ەلباسى نۇرسۇلتان نازارباەۆ «قازاتومونەركاسىپ» ۇاك» اق باسقارما توراعاسى ۆلاديمير شكولنيكتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەشە ەلباسى نۇرسۇلتان نازارباەۆ «قازاتومونەركاسىپ» ۇاك» اق باسقارما توراعاسى ۆلاديمير شكولنيكتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ۆ.شكولنيك مەملەكەت باسشىسىنىڭ «قازاتومونەركاسىپ» ۇاك» اق ستراتەگيالىق دامۋ باعدارلاماسىن, سونداي-اق, يادرولىق-وتىن تسيكلى, حيميالىق يندۋستريا مەن جاڭارتىلاتىن ەنەرگەتيكا سالاسىنداعى ءىرى يندۋستريالىق جانە يننوۆاتسيالىق جوبالاردى ىسكە اسىرۋ جونىندەگى تاپسىرمالارىنىڭ ورىندالۋ بارىسى تۋرالى باياندادى.
نۇرسۇلتان نازارباەۆ ۇلتتىق كومپانيانىڭ بىرقاتار باعىتتار بويىنشا, اتاپ ايتقاندا, اتوم ستانسالارى ءۇشىن قۇراستىرۋ وندىرىسىمەن, بالامالى ەنەرگەتيكا جانە سيرەك كەزدەسەتىن كەن ونىمدەرىمەن بايلانىستى قىزمەتىن كۇشەيتۋدىڭ ماڭىزدىلىعىن اتاپ ءوتتى.
سونداي-اق, كەزدەسۋ بارىسىندا «قازاتومونەركاسىپ» ۇاك» اق باسشىسى مەملەكەت باسشىسىن قازاقستاننىڭ الەمدىك ءوندىرۋدىڭ 37%-ىن قامتاماسىز ەتە وتىرىپ, الەمدەگى ۋران ءوندىرۋ سالاسىندا كوشباسشىلىق پوزيتسياسىن ۇستاپ كەلە جاتقانى جايىندا حاباردار ەتتى. بۇل رەتتە كومپانيا قارجىلىق ورنىقتىلىعى مەن دامۋ قارقىنىن ساقتاپ, ينۆەستيتسيالىق باعدارلاماسى مەن الەۋمەتتىك مىندەتتەمەلەرىن تولىق كولەمدە ورىنداپ كەلەدى. 2010 جىلدان بەرى الەۋمەتتىك سالانىڭ دامۋىنا 37 ملرد.-تان استام تەڭگە بولىنگەن.
كەزدەسۋ قورىتىندىسىندا قازاقستان پرەزيدەنتى جاڭارتىلاتىن ەنەرگەتيكا جانە سيرەك كەزدەسەتىن كەن ونىمدەرىن وڭدەۋ سالاسىنداعى كومپانيانىڭ قىزمەتىندە جاڭا يننوۆاتسيالىق تەحنولوگيانى قولدانۋ جونىندە ناقتى تاپسىرمالار بەردى.
سۋرەتتى تۇسىرگەندەر
س.بوندارەنكو, ب.وتارباەۆ.
