قالا باسشىسى مەگاپوليستەگى مەديتسينالىق مەكەمەلەردى مودەرنيزاتسيالاۋدىڭ ءۇش جىلدىق جوسپارىنا ساي جەدەل جاردەم اۆتوپاركىنىڭ جاڭارىپ جاتقانىن ايتادى.
– بۇگىن جەدەل جاردەم قىزمەتىنە جاڭا 50 Hyundai – ن 350 BUS Ambulance اۆتوكولىگى بەرىلدى. زاماناۋي جەدەل جاردەم كولىكتەرىنىڭ بورتىندا دەفيبريللياتورلار, ەلەكتروكارديوگرافتار, ءوجج اپپاراتتارى مەن باسقا دا قاجەتتى جابدىقتار بار, –دەپ جازدى اكىم الەۋمەتتىك جەلىدەگى پاراقشاسىندا.
ونىڭ ايتۋىنشا, اۆتوپاركتى جاڭا كولىكتەرمەن تولىقتىرۋ قالاداعى مەديتسينالىق مەكەمەلەردى مودەرنيزاتسيالاۋدىڭ ءۇش جىلدىق جوسپارى بويىنشا جۇرگىزىلۋدە.
– اعىمداعى جىلى 74 ستاتسيونار مەن ەمحاناعا شامامەن 4,2 مىڭ بىرلىكتەگى مەديتسينالىق قۇرال-جابدىقتار ساتىپ الىندى. جەدەل جاردەمنىڭ جاڭا 85 كولىگى ساتىپ الىندى. كەلەر جىلدىڭ باسىندا تاعى 50 كولىك الىناتىن بولادى, – دەپ اتاپ ءوتتى الماتى اكىمى.
«جاڭا كولىكتەر پاتسيەنتتەرگە شۇعىل تۇردە جەتىپ, ۋاقىتىلى كومەك كورسەتۋگە سەپتىگىن تيگىزەدى. بۇل, اسىرەسە, پاندەميا كەزىندە وتە ماڭىزدى. مىندەتىمىز – قالا تۇرعىندارىنىڭ دەنساۋلىعىن ساقتاۋ. ساق بولىڭىزدار!» دەپ ۇندەۋ جولدادى اكىم قالا تۇرعىندارىنا.
