باستى ماقسات – زاڭ بۇزۋشىلىقتىڭ الدىن الۋ. جىل باسىنان بەرى قۇرىلعىلاردىڭ كومەگىمەن 392 اكىمشىلىلىك حاتتاما تولتىرىلدى. سونداي-اق, 14 قىلمىس اشىلدى.
«سىرتتا ءجۇرىپ-اق ءۇيىمىزدى كورىپ وتىرامىز. وتكەن جىلى وڭتۇستىك قازاقستان وبلىسىندا جۇرگەندە, ۇيگە ۇرىلار ءتۇستى. كامەرانىڭ كومەگىمەن بىردەن انىقتادىق», دەيدى كالينينسكوە اۋىلىنىڭ تۇرعىنى بايان جانابەكوۆا.
اۋدان ورتالىعىنداعى كامەرالار ىشكى ىستەر ءبولىمىنىڭ جەدەل باسقارۋ جۇيەسىنە قوسىلعان. جۇيەگە جاقسى اۋىلى بويىنشا 24 كامەرا قوسىلىپ وتىر. ونىڭ 12-ءسى كوشەلەرگە ورناتىلعان. جوبا قولعا الىنعاننان باستاپ بيۋدجەت قارجىسى ەسەبىنەن 330 كامەرا ورناتىلدى. ونىڭ 210-ى اۋدانداعى ءبىلىم بەرۋ نىساندارىنا قويىلدى. سونداي-اق, جەكەمەنشىك نىساندارمەن ءوزارا كەلىسىمشارت جاسالىپ, قوسىمشا 300-گە جۋىق بەينەباقىلاۋ قۇرىلعىسى ورناتىلعان.
الداعى ۋاقىتتا اۋدانداعى بەينەكامەرالاردى باس پروكۋراتۋرانىڭ «قىلمىستىق قۇقىقبۇزۋشىلىقتار كارتاسى» پورتالىنا ەنگىزۋ جوسپاردا بار. قاراشا ايىنان باستاپ «ۋاقىتىلى اليمەنت تولەيتىن اكەلەرگە العىس بىلدىرەمىز» اكتسياسى باستالدى. جالپى مۇندا وسى ساناتتاعى 214 ادام بار. ونىڭ 60-ى اليمەنت تولەۋدەن جالتارىپ جۇرگەندەر.
