14 جەلتوقسانداعى جاعداي بويىنشا نۇر-سۇلتان قالاسىنىڭ سانيتارلىق-ەپيدەميولوگيالىق باقىلاۋ باسقارمالارىنا پوليتسيادان كارانتيندى بۇزعان ادامدارعا قاتىستى 2271 ماتەريال كەلىپ ءتۇستى. جالپى سوماسى 229 377 234 تەڭگەنى قۇرايتىن 1167 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.
بۇعان دەيىن بىرقاتار تۇنگى كلۋبتار مەن مەيرامحانالارعا قاتىستى بۇيرىقتى ورىنداماعانى ءۇشىن نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا 7 اكىمشىلىك حاتتاما جىبەرىلگەنى حابارلانعان بولاتىن.
ولار «SOVA» كاراوكە-بارى, «جانىم سول» كاراوكە-بارى, «Alanya» تۇنگى كلۋبى, «Teqila» لاۋندج-بارى, «Echo» بارى, «زولوتو» مەيرامحاناسى. سانيتارلىق-ەپيدەميولوگيالىق باقىلاۋ باسقارماسى وكىلدەرى سوتتان ولاردىڭ قىزمەتىن 3 ايعا دەيىن توقتاتا تۇرۋعا ءوتىنىم جىبەرەدى.
قاۋىپسىزدىكتى قامتاماسىز ەتۋ ءۇشىن كوشەدە جانە كوپقاباتتى ۇيلەردىڭ اۋلالارىندا, اسىرەسە ويىن-ساۋىق مەكەمەلەرىنىڭ الاڭدارىندا جانە باسقا دا ازاماتتاردىڭ جاپپاي دەمالاتىن ورىندارىندا پاترۋلدەر ۇيىمداستىرىلادى. كوشەدەگى پاترۋلدىك بولىمشەلەردىڭ تىعىزدىعى ارتتىرىلدى.
جالپى, بۇگىنگە دەيىن ەلوردادا جالپى سوماسى 184 053 445 تەڭگەگە 932 اكىمشىلىك ايىپپۇل تولەندى.
